ⵉⵣⴰⵢⴷ ⵎⴰⵙⵙ ⵎⵢⵢⴰⵕⴰ ⴳ ⵜⴳⵓⵔⵉ ⵏⵏⵙ ⴳ ⵢⴰⵜ ⵜⵉⵏⴰⵡⵜ ⵜⴰⵎⵢⴰⴷⴰⵙⵜ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ ⵅⴼ ⵓⵙⵏⵜⵍ ⵏ ⵓⵙⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⵙⵇⵇⵉⵎⵏ ⵏ ⵓⵙⵇⵇⵉⵎ ⴷ ⵉⵏⵎⴰⵍⴰⵜⵏ ⵏⵏⵙ, ⵎⴰⵙⴷ ⵜⴰⵙⵏⵜⴰⵢⵜ ⴷⴷⵅ ⵔⴰⴷ ⵜⵙⵙⴷⵓⵙ ⵜⵉⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴷ ⵜⵏⴰⴼⵓⵜⵉⵏ ⵏⵏⵙ ⴼ ⵎⴽⵍⵍⵉ ⵙ ⵜⵜ ⵉⵏⵏ ⴽⴽⴰⵏⵜ, ⵉⵏⵏⴰ ⵎⴰⵙ ⵔⴰⴷ ⵉⵙⴱⵓⵔⵣ ⵓⵙⵇⵇⵉⵎ ⴰⴱⵓⵖⵍⵓ ⵏ ⵜⴷⵍⵙⴰ ⵜⴰⵏⴰⵎⵓⵔⵜ ⴷ ⵓⵎⵢⴰⵏⴰⵡ ⵏ ⵉⵙⵓⴳⴰⵎ ⵏⵏⵙ ⵏⵏⴰ ⵉⵎⵢⴰⴷⴰⵙⵏ ⵊⴰⵔⴰⵜⵙⵏ .
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵏⵙⵙⵉⵅⴼ ⵎⴰⵙⴷ ⵜⴰⵙⵏⵜⴰⵢⵜ ⴷⴷⵅ ⵔⴰⴷ ⵜⵙⵙⵖⵥⵏ ⴰⵜⴳⴰⵔ ⴰⵎⴰⵙⵙⴰⵔ ⴳ ⵜⵡⵡⵓⵔⵉ ⵏⵏⵙ ⴷ ⵓⵏⵏⵓⵕⵥⵎ ⵏⵏⵙ ⵅⴼ ⵉⵜⴳⴰⵔⵏ ⵏ ⵜⴷⵍⵙⴰ ⵜⴰⵎⵖⵔⵉⴱⵉⵜ ⴰⴽⴽⵯ,ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵍⵃⴰⵍ ⴰⴷⴰⴼ ⴷ ⵓⵙⵏⵚⴱ ⴰⵡⵡⵓⵔⴰⵏ ⵏ ⵜⵎⵏⴹⴰⵡⵜ ⴷ ⵉⴳⵟⵟⵓⵎⵏ ⵏⵏⵙ ⴰⴽⴽⵯ ⵣⴷⵉⵏⵉⵏ ⴷ ⵜⵎⴰⵣⵉⵖⵜ .
ⵎⴽⵍⵍⵉ ⵉⴳⴰ ⵓⵡⵜⵜⴰⵙ ⵏ ⵓⵙⵇⵇⵉⵎ ⵙ ⵜⵙⵏⵜⴰⵢⵜ ⴷ ⵓⵙⵏⴼⴰⵕ ⴷⴷⵅ, ⴰⵎⵢⴰⴷⴰⵙ ⵏ ⵜⵎⵔⵙⴰⵍ ⵏⵏⴰ ⵉⵙⵎⵎⵣⴷⵉⵏ ⴳⵔ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ ⴷ ⵜⵎⵔⵙⴰⵍ ⴰⴽⴽⵯ ⵜⵉⵏⴰⵎⵓⵔⵉⵏ ⵏⵖⴷ ⵜⵉⴳⵔⴰⵖⵍⴰⵏⵉⵏ ⴷ ⵓⵙⵓⵙⵙⵏ ⵏ ⵓⴱⵓⵖⵍⵓ ⴰⵏⴰⵎⵓⵔ ⵙⴳ ⴷⴰⵔ ⵉⵎⴰⵙⵙⴰⵔⵏ ⵉⵎⴰⴹⵍⴰⵏⵏ,ⴷ ⵓⴱⵓⵖⵍⵓ ⴰⴽⴽⵯ ⵏⵏⴰ ⵉⵙⴰⵕⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵡⴰⵏⴰⵡ ⵏ ⵓⵙⵡⵡⵓⵔⵉ ⵏⵏⵙ ⵏⵏⴰ ⵉⵎⵢⴰⴷⴰⵙⵏ ⴷ ⵉⵜⴳⴰⵔⵏ ⴷ ⵜⵎⴰⵎⴽⵉⵏ ⵜⵉⵎⴰⴹⵍⴰⵏⵉⵏ .