ⴰⴷⵡⴰⵍ ⴰⵎⵖⵔⵉⴱⵉ ⵏⵏⴰ ⵢⵉⵡⵙⵏ ⴳ ⵜⵉⵏⴰⵡⵜ ⴷⴷⵖ ⴳⵉⵙ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ, ⴷ ⵉⵜⵙⵏ ⵙⴳ ⵜⵏⵖⵍⴰⴼⵜ ⵏ ⵓⴳⵏⵙ, ⴷ ⵉⵡⵡⵓⵔⴰⵏⵏ ⴷ ⵡⵉⵏⵏⴰ ⵉⵙⵜⴰⵡⵀⵎⵎⴰⵏ ⴳ ⵓⵙⵏⵎⴰⵍⴰ ⴷⴷⵖ ⵏⵏⴰ ⵉⵍⴰⵏ ⴰⵙⵏⵜⵍ ⵏ ⵜⵉⵍⴰⵍⵏ ⵜⵖⵔⵎⵉⵏ ⵜⵉⵏⴰⵎⵎⴰⵙⵉⵏ ⴳ ⵉⴼⵔⵉⵇⵢⴰ ⴳ ⵓⵣⵣⵓⴳⵯⵣ ⵏ ⵜⵡⵡⵓⵔⵉⵡⵉⵏ ⵏ ⵉⵎⴰⵍ ⵏ ⵓⵙⴳⴳⵯⴰⵙ ⵏ 2030 ⵏ ⵜⵎⵜⵜⴰ ⵉⵎⵓⵏⵏ ⴷ ⵜⵉⵏ ⵓⵙⴳⴳⵯⴰⵙ ⵏ 2063 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ .
ⵔⴰⴷ ⵉⵙⵏⵎⴰⵍⴰ ⵍⵎⵖⵔⵉⴱ ⴽⴽⵓⵥ ⵉⴳⵉⵡⵔⵏ ⴷ ⵜⵙⴰⵡⵓⵔⵉⵏ ⵓⵍⴰ ⵉⵏⵎⵓⵇⵇⴰⵔⵏ, ⵎⴽⵍⵍⵉ ⵔⴰⴷ ⵢⴰⵡⵙ ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵖⵔⵎⵉⵏ ⴷ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⵅⴼ ⵜⴰⵙⵏⴰ ⵏ 192 ⵎⵉⵜⵔⵓ ⴰⵎⴽⴽⵓⵥ .
ⵉⴳⵉⵡⵔ ⴰⵎⵣⵡⴰⵔⵓ ⵅⴼ ⵓⵙⵏⵜⵍ ⵏ ⵜⵡⵡⵓⵔⵉ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ, ⵔⴰⴷ ⵉⵙⵉⵙⴼⵉⵡ ⵜⵉⵍⴰⵍ ⵏ ⵓⵙⵖⵓⴷⵓ ⵏ ⵜⵏⴰⴼⵓⵜⵉⵏ ⵏ ⵜⴳⵔⴰⵡⵉⵏ ⴷⴷⵖ, ⴷ ⵓⴼⵙⴰⵔ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵓⵙⴷⵓⵙ ⵏ ⵜⵏⴼⵍⵉⵜ ⵜⴰⵏⵎⵏⴰⴹⵜ ⵢⵓⵎⴰⵏ .
ⵉⴳⵉⵡⵔ ⵡⵉⵙⵙ ⵙⵉⵏ ⵔⴰⴷ ⵜⵉⵍⵉ ⵅⴼ ⵓⵙⵏⵜⵍ ⵏ ⵓⴼⵏⵉⵇ ⴰⴼⵔⵉⵇⵉ ⵏ ⵡⴰⵏⵏⴰⵍ ⴷ ⵓⵎⵢⴰⵡⴰⵙ ⵡⴰⵔ ⴰⵏⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ, ⵔⴰⴷ ⴳⵉⵙ ⵉⵜⵜⵓⵙⴽⴰⵔ ⵓⵙⵎⵏⵉⴷ ⵏ ⵉⵡⵜⵜⴰⵙⵏ ⵏ ⵓⴼⵏⵉⵇ ⵏⵏⴰ ⵜⵙⴽⵔ ⵜⵏⵖⵍⴰⴼⵜ ⵏ ⵓⴳⵏⵙ ⴰⴼⴰⴷ ⴰⴷ ⵜⵙⵙⴷⵓⵙ ⵡⴰⵔ ⵜⴰⵏⴰⵎⵎⴰⵙⵜ ⵏ ⵜⴳⵔⴰⵡⵉⵏ ⵜⵉⵎⵖⵔⵉⴱⵉⵢⵢⵉⵏ ⴷ ⵜⵉⵏ ⵉⴼⵔⵉⵇⵢⴰ .
ⴳ ⵎⴰⴷ ⵉⵥⵍⵉⵏ ⵙ ⵉⴳⵉⵡⵔ ⵡⵉⵙⵙ ⴽⵕⴰⴹ, ⵔⴰⴷ ⵥⵍⵉⵏⵜ ⵙ ⵜⵖⵔⵎⵉⵏ ⵜⵉⵏⴰⵎⵎⴰⵙⵉⵏ, ⵏⵏⴰ ⵉⴳⴰⵏ ⵜⵉⵏⵎⵎⴰⵙⵙⵓⵜⵉⵏ ⵏ ⵜⵏⴼⵍⵉⵜ ⵜⴰⵎⴰⵜⴰⵢⵜ ⴰⵡⵜⵜⴰⵙ ⵏⵏⵙ ⵉⴳⴰⵜ ⴰⴷ ⵜⵙⵙⴷⵓⵙ ⵜⴰⵏⵏⴰⵢⵜ ⵏ ⵍⵎⵖⵔⵉⴱ ⴷ ⵜⵙⵓⵔⵉⴼⵉⵏ ⵏⵏⴰ ⴰⴽⴽⵯ ⵉⵜⵜⵓⵙⴽⴰⵔⵏ ⴰⴼⴰⴷ ⴰⴷ ⵙⴱⵓⵖⵍⵓⵏⵜ ⵜⵉⵣⵎⵎⴰⵔ ⵏ ⵜⵖⵔⵎⵉⵏ ⴷ ⵜⴳⵔⴰⵡⵉⵏ ⴷⴷⵖ ⵜⵉⵔⴰⴽⴰⵍⵉⵏ ⴷ ⵓⵙⵡⴰⵍⴰ ⵓⵟⵟⵓⵏⴰⵏ ⵏⵏⴰ ⵔⴰⴷ ⵙⵙⵎⵔⵙⵏⵜ ⵜⴳⵔⴰⵡⵉⵏ ⴳ ⵍⵎⵖⵔⵉⴱ ⴷ ⵉⴼⵔⵉⵇⵢⴰ, ⵙⴳ ⵓⵙⵎⵏⵉⴷ ⵏ ⵉⵙⵏⴼⴰⵕⵏ ⵏ ⵓⵙⵎⵎⴰⵜⵉ ⵓⵟⵟⵓⵏⴰⵏ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⴷ ⵓⵙⴽⴽⵉⵔ ⵏ ⵓⵏⵎⴰⵍⴰ ⵏ ⵓⵥⵟⵟⴰ ⴰⴼⵔⵉⵇⵉ ⵉ ⵜⵖⵔⵎⵉⵏ ⵜⵉⵎⵉⵖⵉⵙⵉⵏ .
ⴳ ⵜⵙⴳⴰ ⵏ ⵓⵎⵓⵔⵙ ⵏ ⵍⵎⵖⵔⵉⴱ ⴳ ⵜⵉⵏⴰⵡⵜ ⴷⴷⵖ ⵏⵏⴰ ⵉⵍⵍⴰⵏ ⴳ ⵜⴰⵙⵏⴰ ⵏ 192 ⵎⵉⵜⵓ ⴰⵎⴽⴽⵓⵥ, ⵏⵏⴰⴳ ⵜⵍⵍⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⴷ ⵉⵏⵙⵙⵉⵅⴼⵏ ⵏⵏⵙⵏⵜ, ⵜⴰⵎⵙⵎⵓⵏⵜ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ, ⵜⴰⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⵖⵉⵡⴰⵏⵉⵏ ⴷ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ, ⴷ ⵉⵏⵎⵎⴰⵙⵙⵓⵜⵏ ⵢⴰⴹⵏ .
ⵔⴰⴷ ⵉⴳ ⵡⴰⵢⴷⴰ ⵏⵏⴰ ⴳ ⵔⴰⴷ ⵢⵉⵍⵉ ⵍⵎⵖⵔⵉⴱ ⵡⴰⵍⵍⵉ ⵖ ⵔⴰⴷ ⵜⴻⵜⵜⵓⵙⵙⴰⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔ ⴰⴷ ⵏⵏⴰ ⵉⴳⴰⵏ ⴰⵙⵜⵕⴰⵜⵉⵊⵉ ⵏⵏⴰ ⵅⴼ ⵉⵙⵡⵡⵓⵔⵉ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⴷ ⵜⴷⵎⵙⴰ, ⴷ ⵜⴳ ⵓⵍⴰ ⵜⴰⵎⵍⴷⴰ ⵏ ⵓⵙⵓⵙⵙⵏ ⵙ ⵜⵎⴰⵥⵓⵏⵜ ⵏ ⵕⵕⴱⴰⵟ ⵏⵏⴰ ⵉⴳⴰⵏ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⵉⴼⵔⵉⵇⵉⵜ .
ⵜⴳ ⵜⵓⵎⴰⵏⵜ ⴷⴷⵖ ⵏ ⴰⴼⵔⵉⵙⵉⵜⵉ ⵢⴰⵏ ⵓⵎⵓⵙⵙⵓ ⴰⵎⵇⵔⴰⵏ ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷⵙⵍⴰⵏ ⴰⴷ ⵏⵏ ⵜⴰⴳⴳⵯ ⵅⴼ ⵜⵙⵡⵉⵏⴳⵎⵜ ⵏ ⵍⵎⵖⵔⵉⴱ ⵉ ⵓⵙⴳⴳⵯⴰⵙ ⵏ 2063 ⵢⵉⵍⵉ ⴳⵉⵙ ⵓⵎⵔⴰⵔⴰ ⵉⴷⵓⵙⵏ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ .
ⵔⴰⴷ ⴳⵉⵙ ⵜⵉⵍⵉ ⵓⴳⴳⴰⵔ ⵏ 5000 ⵏ ⵓⴱⵔⴰⴳⵔⴰⵡ ⴰⴼⵔⵉⵇⵉ ⴰⴳⵔⴰⵖⵍⴰⵏ, ⵙⴳ ⴳⵉⵙⵏ ⵉⵏⵙⵙⵉⵅⴼⵏ ⵏ ⵜⵖⵔⵎⵉⵏ ⴷ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ, ⴷ ⵉⵎⴰⵡⵙⴰⵙⵏ ⴷ ⵉⵎⵙⵜⴰⵢⵏ ⴷ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⴷ ⵉⵎⵥⵍⴰⵢⵏ .
ⴰⵡⵜⵜⴰⵙ ⵏ ⴰⴼⵔⵉⵙⵜⵉ ⴰⴷ ⵜⵙⵙⴷⵓⵙ ⵜⵉⵍⴰⵍ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⴳ ⵉⴳⵔ ⵏ ⵜⵏⴼⵍⵉⵜ ⴷ ⵜⵡⵉⵙⵉ ⵏⵏⵙ ⴳ ⵓⵙⴽⵓ ⴷ ⵜⴰⵎⵓⵏⵜ ⵜⴰⴼⵔⵉⵇⵉⵜⴳ ⵉⴳⵔⴰⴱⵏ ⵉⵔⴰⴽⴰⵍⵏ. ⵜⴳ ⴰⵡⴷ ⵢⴰⵏ ⵡⴰⵏⵙⴰ ⵏ ⵓⵎⵢⴰⵡⴰⴹⵅⴼ ⵜⵉⵍⴰⵍ ⵏ ⵡⴰⵔ ⵜⴰⵏⴰⵎⵎⴰⵙⵜ ⴳ ⵓⵙⵖⵓⴷⵓ ⵏ ⵜⵖⴰⵡⵙⵉⵡⵉⵏ ⵜⵉⵙⴳⴰⵡⴰⵏⵉⵏ ⵜⵉⴼⵔⵉⵇⵉⵢⵉⵏ .