Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵉⵙⵔⴰ ⴰⴳⵍⴷⴰⵏ 
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵉⵙⵔⴰ ⴰⴳⵍⴷⴰⵏ 

13 ⵎⴰⵢⵢⵓ 2022 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

"ⵙ ⵜⵎⵍⴷⴰ ⵉⵖⵓⵍⴼⵏ ⵏ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏ ⵍⵉⵎⴰⵕⴰⵜ, ⵉⵙⴽⵔ  ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ , ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵏ ⵓⵎⵢⴰⵡⴰⴹ ⴳ ⵜⵜⵉⵍⵉⴼⵓⵏ ⴷ ⴳⵯⵎⴰⵙ ⴱⴰⴱ  ⵏ ⵜⴰⵜⵜⵓⵢⵜ  ⵛⵛⵉⵅ ⵎⵓⵃⵎⵎⴰⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ,ⵏⵏⴰ  ⴰⵎⴽⵓⵙⵙⵓ ⵏ  ⴰⴱⵓⴹⴰⴱⵉ, ⴰⵎⴰⵡⴰⵙ ⵏ ⵓⵏⵙⵙⵉⵅⴼ ⴰⵎⴰⵜⴰⵢ ⵏ ⵉⵙⵔⴷⴰⵙ ⴳ ⵜⵎⴰⵣⵉⵔⵜ ⵏ ⵍⵉⵎⴰⵕⴰⵜ ⵍⵄⴰⵕⴰⴱⵉⵢⴰ ⵉⵎⵓⵏⵏ .

ⴳ ⵓⵎⵢⴰⵡⴰⴹ ⴰⴷ ⵉⵙⵎⵢⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ ⵙ ⵉⵙⵎ ⵏⵏⵙ ⵉⵣⵍⵉⵏ ⴷ ⵉⵙⵎ ⵏ ⵜⴰⵡⵊⴰ ⵜⴰⴳⵍⴷⴰⵏⵜ ⴷ ⵓⵖⵔⴼ ⴰⵎⵖⵔⵉⴱⵉ ⴰⴽⴽⵯ, ⵉ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴷ ⵜⵡⵊⴰ ⵏⵏⵙ ⵜⴳⵍⴷⵓⵏⵜ ⵜⴰⵅⴰⵜⴰⵔⵜ ⴷ ⵓⵎⴰⴷⴰⵏ ⵉⵎⴰⵕⴰⵜⵉ ⴳⵯⵎⴰⵜⵏⵖ ⵓⴼⵛⴰⴷ ⵏⵏⵙ ⵙ ⵜⵎⵍⴷⴰ ⴰⴷ ⵏ ⵜⵎⵜⵜⴰⵏⵜ ⵏ ⵓⵏⵙⵙⵉⵅⴼ ⴰⵎⵖⴰⵕ ⴰⵄⵔⴰⴱ ⴰⵅⴰⵜⴰⵔ ⵍⵍⵉ ⵎⵓ ⵢⵣⴷⵉⵏ  ⴷ ⵍⵎⵖⵔⵉⴱ ⵜⵉⴷⴷⵓⴽⴽⵯⵍⴰ ⴷ ⵓⵙⵓⵜⴳ .

ⴳ ⵓⵣⵎⵣⵣⵓ ⵉⵛⵇⵇⴰⵏ ⴰⴷ ⵡⴰⵏⴰⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⵉ ⵜⴰⵙⴳⵓⵔⵉ ⵏ ⵄⵣⵓ ⴰⵎⴰⴷⴷⵓⴷ ⴳ ⵜⴳⵍⴷⵉⵜ ⴳ ⴽⵕⴹ ⵏ ⵓⵙⵙⵙⴰⵏ ⵙⴳ ⴰⵙⵙ ⵏ ⵓⵙⵉⵎⵡⴰⵙ 13 ⵎⴰⵢⵢⵓ 2022 ⴷ ⵉⴽⴽⵙ ⵏ ⵉⵛⵏⵢⴰⵍⵏ ⵉⵏⴰⵎⵓⵔⵏ ⴳ ⵜⵓⵚⴽⴰ ⵏ ⵜⵉⵏⴱⴰⴹⵉⵏ ⴷ ⵜⵉⵎⵙⵙⵓⴳⵔⵉⵏ ⴷ ⵉⵏⵙⴰⵏ ⵉⴳⴷⵓⴷⴰⵏⵏ ⵓⵍⴰ ⵉⵎⵙⵇⴰⴷⵏ ⴷ ⵜⵙⵇⵓⵏⵙⵉ ⵏ ⵍⵎⵖⵔⵉⴱ ⴳ ⴱⵕⵕⴰ  

ⵜⵛⵛⴰⵔ ⵜⴰⴳⴷⵍⵉⵜ ⵏ ⵍⵎⵖⵔⵉⴱ ⵜⴰⵡⵊⴰ ⵜⴰⴳⵍⴷⵓⵏⵜ ⵜⴰⵅⴰⵜⴰⵔⵜ ⴷ ⵓⵎⴰⴷⴰⵏ ⵉⵎⴰⵕⴰⵜⵉ ⴳⵯⵎⴰⵜⵏⵖ ⴳ ⵓⵣⵎⵎⵣⵓ ⵉⵛⵇⵇⴰⵏ ⴰⴷ ⵓⵔ ⵉⵍⵉ ⵎⴰⴷ ⵉⵜⵜⵓⵙⴽⴰⵔ ⴷⴰⵜ ⵏ ⵡⵉⵏⵏ ⵉⴼⴽⴰⵏ ⵕⴱⴱⵉ ⴷ ⵏⵖⵕⴰ ⵕⴱⴱⵉ ⴰⴷ ⴰⵢⵜ ⵜⵜⵓⴼⴽⴰⵏ ⴰⴽⴽⵯ  ⵚⵚⴱⵕ ⴷ ⴰⴷ ⵉⵕⵃⵎ ⵉⴳⵍⵍⵉⵏ ⴷ ⵢⴼⴽⴰⵜ ⵉⵏⵙⴰ ⴳ ⵊⵊⵏⵜ ⵉⵡⵙⵙⵄⵏ ".

 

Dernière modification : 13 ⵎⴰⵢⵢⵓ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%89%E2%B5%99%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%C2%A0