ⵙⴳ ⵓⵙⵉⵡⴹ ⵏ ⵜⵎⵔⵙⵍⵜ ⴰⴷ ⵏ ⵎⵓⵃⵎⵎⴰⴷ ⵡⵉⵙ ⵙⴹⵉⵚ ⵏ ⵓⵎⵢⴰⵡⴰⵙ, ⵔⴰⴷ ⴰⵡⵉⵏ ⵉⵡⴷⴰⵏ ⵏⵏⴰ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⵏ ⴳ ⵜⵎⵣⵉⵣⵣⵍⵜ ⴰⴷ ⵏ ⵓⵊⵉⵊⵊⵉ, ⵉⴳ ⵍⵃⴰⵍ ⵉⵡⴷⴰⵏ ⵏⵏⴰ ⵉⵡⴰⵍⴰⵏ ⵉ ⵜⵏⵉⵍⴰ ⵏ ⵊⵕⴰⴹⴰ ⵏⵏⴰⵖ ⵍⵍⴰⵏ ⴽⵉⴳⴰⵏ ⵏ ⵜⵎⵓⴹⴰⵏ ⵏ ⵓⵏⴼⵓⵙ ⴷ ⵜⵓⵇⵇⵏⴰ ⵏ ⵜⵓⵔⵉⵏ ⵏⵏⴰ ⵎⵓ ⵉⵙⵔⴰⴳ ⵙⵙⵉⵍⵉⴽⵓⵏ .
ⵔⴰⴷ ⵜⵜⵓⵙⴽⴰⵔ ⵜⵎⵣⵉⵣⵣⵍⵜ ⴰⴷ ⵏ ⵓⵙⴳⵏⴰⴼ ⴳ ⵙⵉⵏ ⵉⵎⵏⴰⴷⵏ, ⴰⵙⴳⵏⴰⴼ ⵏ ⵜⵏⵉⵍⴰ ⵏ ⵊⵕⴰⴹⴰ ⵍⵍⵉⵖ ⵔⴰⴷ ⵉⵜⵜⵓⵙⴽⴰⵔ ⵓⴳⵣⴰⵎ ⵉ ⵎⴰⴷ ⵉⵜⵜⴳⴳⴰⵏ 250 ⵏ ⵉⵡⴷⴰⵏ , ⵔⴰⴷ ⵜⵜⵓⵙⴽⴰⵔⵏ ⴰⵡⴷ ⵉⴳⴳⵉⵡⵙⵏ ⵉⵙⴳⵏⴰⴼⵏ ⴳ ⵜⵙⴳⴰ ⵜⴰⵏⴰⵎⴰⵙⵜ ⵏ ⵊⵕⴰⴹⴰ ⴳ ⵎⴰⴷ ⵉⵥⵍⵉⵏ ⵙ ⵉⵡⴷⴰⵏ ⵏⵏⴰ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⵏ , ⴷ ⵓⵙⴳⴳⴷ ⵏ ⵡⴰⴷⴷⴰⴷ ⵏⵏⵙⵏ ⵓⵍⴰ ⵜⵉⵖⵙⵙⵉⵡⵉⵏ ⵏⵏⵙⵏ .
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵙⵉⵡⴹ ⵎⴰⵙⴷ ⴰⵎⵣⵉⵣⵣⵍ ⴰⴷ ⵔⴰⴷ ⵉⵜⵜⵓⵙⴽⴰⵔ ⵙ ⵜⴷⵔⴰⵡⵜ ⴷ ⵜⵙⵎⵉⵔⵉⵜ ⵜⴰⵏⵎⵏⴰⴹⵜ ⵏ ⵜⴷⵓⵙⵉ ⵏ ⵜⵏⵉⵍⴰ ⵏ ⵊⵕⴰⴹⴰ, ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⴷⵓⵙⵉ ⴳ ⵜⵖⵔⵎⵜ ⵏ ⵡⵊⴷⴰ , ⴷ ⵡⴰⵎⵎⴰⵙ ⵏ ⵓⵊⵉⵊⵊⵉ ⴰⵙⴷⴰⵡⴰⵏ ⴳ ⵡⵊⴷⴰ ⵏⵉⵜ, ⴷ ⵓⵙⵉⵏⴰⴳ ⴰⵎⴰⵜⴰⵢ ⵏ ⵜⴰⵣⵣⵓⵍⵉⵏ ⵏ ⵓⵙⴳⵏⴼ ⴷ ⵜⵉⵜⵉⵇⵏⵉⵢⵢⵉⵏ ⵏ ⵜⴷⵓⵙⵉ, ⴷ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵙⴳⵏⴼ ⴷ ⵜⵡⵉⵙⵉ, ⴷ ⵡⴰⵎⵎⴰⵙ ⴰⵏⴰⵎⵓⵔ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵉⵡⴷⴰⵏ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⵏ ⴳ ⵜⵖⵔⵎⵜ ⵏ ⵙⵍⴰ , ⵉⵡⵙⵏ ⴳⵉⵙ ⴰⵡⴷ ⴰⵢⵜ ⵜⵏⴼⵔⵓⵜ .