ⵉⵏⵏⴰ ⵓⵙⵉⵡⴹ ⵏ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵏ ⵉⵟⴰⵍⵢⴰ ⵎⴰⵙⴷ ⴰⴱⵔⴰⴳⵔⴰⵡ ⵏ ⵍⴼⴰⵡ ⴰⵏⵎⵏⴰⴹ ⵡⵉⵙⵙ 32 ⵏ ⵉⴼⵔⵉⵇⵢⴰ, ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵎⴰⵍⴰⴱⵓ ⴳⵔ 11 ⴰⵔ 14 ⴰⴱⵔⵉⵍ, ⵉⵙⵙⴳⵎⴹ ⵅⴼ ⵍⵎⵖⵔⵉⴱ ⴰⴼⴰⴷ ⴰⴷ ⵉⵙⵏⵓⴱⴳ -ⵍⴼⴰⵡ- ⴰⵏⵎⵏⴰⴹ ⵏⵏⴰ ⴷ ⵉⴷⴷⴰⵏ ⵏ ⵉⴼⵔⵉⵇⵢⴰ ⴳ ⵓⵙⴳⴳⵯⴰⵙ ⵏ 2024 .
ⴳ ⵢⴰⵜ ⵜⵙⴳⴰ, ⵔⴰⴷ ⵉⵙⴷⵓⵙ ⵓⴱⵔⴰⴳⵔⴰⵡ ⴰⴷ ⴰⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵜⵎⴰⴳⵔⴰⵡⵜ ⵏ ⵓⵙⴰⴷⵓⵔ ⴷ ⵓⵥⵓⵜⵏ ⴷ ⵜⵎⵓⵕⴰ ⵏ ⵉⴼⵔⵉⵇⵢⴰ, ⴰⴼⴰⴷ ⴰⴷ ⵉⵜⵜⵉⵏⵜ ⵜⵎⵓⴽⵉⵙⵉⵏ ⵏⵏⴰ ⵖ ⴰⵔ ⵉⵜⵜⵉⴷⵉⵔ ⵉⴳⵔ ⵏ ⵜⴽⵔⵣⴰ ⴷ ⵜⴳⵎⵉ ⵜⵓⵙⵓⵏⴰⵏⵜ ⴷ ⵜⵏⴼⵔⵓⵜ ⵏ ⵓⵙⴰⴷⵓⵔ .
ⵔⴰⴷ ⵉⵙⵡⵡⵓⵔⵉ ⵓⴱⵔⴰⴳⵔⴰⵡ ⴰⴷ ⵅⴼ ⵓⴼⵙⵙⴰⵢ ⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵏⵏⴰⵖ ⴰⵔ ⵜⵜⵉⴷⵉⵔ ⵜⵎⵏⴰⴹⵜ ⴰⴷ ⵜⴰⴼⵔⵉⵇⵉⵜ,ⴷ ⵓⵙⴽⴽⵉⵔ ⵏ ⴽⵔⴰ ⵏ ⵡⴰⵀⵉⵍⵏ ⵏ ⵜⵡⵡⵓⵔⵉ ⴷ ⵉⵙⵏⴼⴰⵕⵏ ⴷ ⵓⵏⴱⴱⵕ ⵏ ⵜⵙⴷⵔⵉⵎⵜ ⵏ ⵙⵉⵏ ⵉⵙⴳⴳⵯⴰⵙⵏ ⴷ ⵉⴷⴷⴰⵏ .
ⵉⵖⵉ ⴰⴷ ⵉⴼⴽ ⵓⴱⵔⴰⴳⵔⴰⵡ ⴷⴷⵖ ⵛⴰ ⵏ ⵜⵓⵎⵍⴰⵢⵉⵏ ⵏ ⵉⴳⵎⴰⵎⵏ ⵏ ⵜⵎⵓⵕⴰ ⵏⵏⴰ ⵏⵉⵜ ⴳⵉⵙ ⴳⴰⵏⵉⵏ ⵉⵎⵍⵜⴰⵖⵏ, ⵣⵓⵏⴷ ⴰⵏⵙⵙⵉⵅⴼ ⴷ ⵓⵏⵎⵀⴰⵍ ⴰⵎⴰⵜⴰⵢ ⴷ ⵜⴰⵢⵎⵓⵏⵜ ⵜⴰⴷⵎⵙⴰⵏⵜ ⵏ ⵉⴼⵔⵉⵇⵢⴰ ⴷ ⵜⵎⵜⵜⴰ ⵉⵎⵓⵏⵏ .