Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

31 ⵎⴰⵕⵚ 2022 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ:

"ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⴰⵙⵙ ⴰⴷ, ⵢⴰⵏ ⵓⵎⵙⵏⴰⵍⴰ ⴰⵜⵉⵍⵉⴼⵓⵏⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵚⴱⵍⵢⵓⵏⵉⵜ, ⵎⴰⵙⵙ ⴱⵉⴹⵕⵓ ⵚⴰⵏⵛⵉⵥ. 

ⴰⵎⵎⴰⵙ ⵏ ⵓⵎⵙⵏⴰⵍⴰ ⵢⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⵉⵍ ⴰⵎⵇⵕⴰⵏ ⵏⵏⵙ ⵅⴼ ⵜⵓⵎⴰⵢⵜ ⵏ ⵜⴱⵔⴰⴷⵜ ⵍⵍⵉ ⵢⴰⵜ ⵢⵓⵣⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵚⴱⵍⵢⵓⵏⵉⵜ ⴰⵙⵙ ⵏ 14 ⵎⴰⵕⵚ.

ⵜⵎⴰⵏ ⵜⵔⴱⴰⴷⵜ ⴰⴷ ⴷ ⵉⵎⴰⵍ ⵏ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ 20 ⵖⵓⵛⵜ 2021, ⴷ ⵉⵔⴰⵔ ⵅⴼ ⵓⵍⴰⵖⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼ ⴰⴷ "ⵜⵏⵏⵓⵕⵥⵎ ⵢⴰⵜ ⵜⴽⵍⵉ ⵜⴰⵎⴰⵢⵏⵓⵜ ⴰⵎⵎⴰⵙ ⵏ ⵜⵓⵇⵇⵏⵉⵏ ⵉⵙⵎⴰⵏⵏⵜ ⵙⵏⴰⵜ ⵜⵎⵉⵣⴰⵔ". 

ⵅⴼ ⵖⵉⴽⴰⵏⵏ, ⵜⴽⵛⵎ ⵜⵎⴷⵔⴰⵡⵜ ⴳⵔ ⵙⵏⴰⵜ ⵜⵎⵉⵣⴰⵔ ⴰⵎⵎⴰⵙ ⵏ ⵢⴰⵜ ⵜⴽⵍⵉ ⵜⴰⵎⴰⵢⵏⵓⵜ, ⵉⴱⵉⴷⴷⵏ ⵅⴼ ⵓⵣⵔⴰⴽ ⵉⴱⴹⴰⵏ, ⴷ ⵜⵖⵍⵉⴼⵜ ⵉⵛⵛⴰⵔⵏ, ⴷ ⵓⵎⵛⴰⵡⴰⵕ ⴰⵎⵖⵍⴰⵍ ⴷ ⵓⵎⵢⴰⵡⴰⵙ ⴰⵎⵓⵣⵣⵓⵏ ⴷ ⵉⵎⵏⵉⵍⵏ. 

ⴳ ⵓⵎⵏⴰⴹ ⴰⴷ, ⴰⴽⴽⵯ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⵯⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵜⵜⴰⵡⵖⵔⴰⵏ ⴰⴷ ⵙⴽⵔⵏ ⵜⵖⴰⵡⵙⵉⵡⵉⵏ ⵜⵉⴽⵎⴰⵎⵉⵏ ⴳ ⵓⵙⴰⵜⵉ ⵏ ⵢⴰⵜ ⵜⵉⴼⵔⵜ ⵏ ⵓⵖⴰⵔⴰⵙ ⵜⴰⵎⴽⴰⵢⵍⴰⵍⵜ ⴷ ⵉⵃⴱⴰⵏ ⴰⴽⴽⵯ ⵉⴳⵔⵏ ⵏ ⵜⵎⴷⵔⴰⵡⵜ, ⵉⵙⵙⴽⵛⵎⵏ ⴰⴽⴽⵯ ⵉⵙⵇⵙⵉⵢⵏ ⵏ ⵓⴱⵖⵓⵔ ⵉⵛⵛⴰⵔⵏ. 

ⴳ ⵓⵣⵎⵣⵣⵓ ⵢⴰⴷ, ⵉⵙⵙⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⵖⵓⵔⵉ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵚⴱⵍⵢⵓⵏⵉⵜ, ⵎⴰⵙⵙ ⴱⵉⴹⵕⵓ ⵚⴰⵏⵛⵉⵥ, ⴰⴼ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ, ⴳ ⵓⵙⵙⴰⵏ ⴰⴷ ⵢⵓⵛⴽⴰⵏ". 

Dernière modification : 31 ⵎⴰⵕⵚ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-65