ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴳ ⵓⵏⵖⵎⵉⵙ ⴰⵡⴰⵙⵙⴰⵏ ⵅⴼ "ⴽⵓⴼⵉⴷ-19", ⵎⴰⵙ ⵎⴷⴷⵏ ⵉⵙⴱⵖⵔⵏ ⵙⴳ ⵓⵎⵣⵉⵣⵣⵍ ⵏ ⵓⴳⵣⵣⴰⵢ ⵎⴳⴰⵍ "ⵙⴰⵔⵙ ⴽⵓⴼ-2" ⵍⴽⵎⵏ 24.778.996 ⵙ ⵜⴽⵍⵉⵜ ⵉⵣⵡⴰⵔⵏ, ⴷ 23.246.454 ⵜⴽⵍⵉⵜ ⵜⵉⵙⵙ ⵙⵏⴰⵜ, ⴷ 6.062.089 ⵙ ⵜⴽⵍⵉⵜ ⵜⵉⵙⵙ ⴽⵕⴰⴹ.
ⵜⵏⵏⴰ ⵙⵓⵍ ⵜⵎⴰⵡⴰⵙⵜ ⵎⴰⵙ ⵜⵖⵍⵉ ⵜⵎⴰⵖⵓⵏⵜ ⵏ ⵉⵎⴷⵢⴰⵡⵏ ⵍⵍⵉ ⵢⵓⵜ ⵓⴼⵉⵔⵓⵙ "ⴽⵓⵕⵓⵏⴰ" ⴰⵔ 1.162.626 ⵓⵎⴷⵢⴰ, ⵙⴳ ⵓⵎⴷⵢⴰ ⴰⴽⴽⵯ ⵉⵣⵡⴰⵔⵏ ⵍⵍⵉ ⵢⵜⵜⵓⵣⵎⵎⴻⵎⵏ ⴰⵙⵙ ⵏ 02 ⵎⴰⵕⵚ 2020.
ⵅⴼ ⵖⵉⴽⴰⵏⵏ, ⵜⵍⴽⵎ ⵜⵎⴰⵖⵓⵏⵜ ⵏ ⵎⴷⴷⵏ ⵉⵊⵊⵉⵏ 1.145.998 , ⵙ ⵓⵙⵖⵏ ⵏ ⵜⵊⵊⵉⵜ ⵉⵍⴽⵎⵏ 98.6%. ⴰⵎⵎⴰ ⵜⵎⵜⵜⴰⵏⵜ, ⵜⵖⵍⵉ ⵉ 16.053 ⵓⵎⴷⵢⴰ, ⴷ ⵉⵇⴰⵎⵎⴰ ⵓⵙⵖⵏ ⵏ ⵜⵎⵜⵜⴰⵏⵜ ⴳ 1.4%.