ⵉⵙⵙⵖⵥⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵙⵙⵉⴹⵏ ⴳ ⵉⵙⴳⴳⵯⴰⵙⵏ ⵏ 2019 ⴷ 2020 ⵎⴰⵙⴷ ⵎⴰⴷ ⵉⵜⵜⴳⴳⴰⵏ 472.732 ⵏ ⵜⴰⵡⵊⴰ ⵜⵣⴷⴰⵖ ⴳ ⵢⴰⵏ ⵡⴰⴷⴷⴰⴷ ⵏ ⵜⵓⵙⴽⵉⵡⵜ ⴱⴰⵀⵔⴰ ⵉⵀⵔⵛⵏ ⵙⴳ ⵜⵙⵉⴹⴰⵏ ⵏ ⵓⵙⴳⴳⵯⴰⵙ ⵏ 2018 ⴷ ⵎⴰⴷ ⵉⵜⵜⴳⴳⴰⵏ 84.148 ⵏ ⵜⵡⵊⴰ ⵜⵣⴷⴰⵖ ⴳ ⴽⵔⴰ ⵏ ⵜⴰⴷⴷⵔⵡⵉⵏ ⵏⵏⴰ ⵉⵖⵉⵏ ⴰⴷ ⴷ ⵉⴹⵕ.
ⵉⵣⴰⵢⴷ ⵓⵏⵇⵇⵉⵙ, ⵎⴰⵙⴷ ⴰⵙⵇⵇⵉⵎ ⵉⵙⴽⵔ ⴽⵉⴳⴰⵏ ⵏ ⵉⵏⵇⵇⵉⵙⵏ ⵅⴼ ⵉⵙⴳⴳⵯⴰⵙⵏ ⵏ 2017ⴷ 2020, ⵉⵙⵙⵖⵥⵏ ⵜⴰⵏⴱⴰⴷⵜ ⴰⴼⴰⴷ ⴰⴷ ⵜⴳ ⴰⴼⵏⴰ ⵉ ⵜⴰⴷⴷⵔⵡⵉⵏ ⴰⴷ ⵡⴰⵔ ⴰⵏⵎⴰⵍⴰ ⵏⵖⴷ ⵜⴰⴷⴷⵔⵡⵉⵏ ⵏⵏⴰ ⵉⵖⵉⵏ ⴰⴷ ⵅⵍⵓⵏⵜ.
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵙⵇⵇⵉⵎ ⵎⴰⵙ ⵍⵍⴰⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉⵣⴷⵉⵏ ⴷ ⵓⵙⵏⵎⴰⵍⴰ ⵏ ⵉⴳⵔ ⴰⴷ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴳⵉⵙ ⵍⵍⴰⵏ ⴽⵉⴳⴰⵏ ⵏ ⵉⴱⴽⴽⵉⴹⵏ ⵏⵏⴰ ⵉⵜⵜⴳⴳⴰⵏ ⵉⵡⵜⵜⴰ ⵎⵏⵉⴷ ⵏ ⵓⵙⵏⵎⴰⵍⴰ ⵏⵏⵙ.
ⵉⵏⵏⴰ ⵓⵙⵇⵇⵉⵎ ⴰⵡⴷ ⵎⴰⵙⴷ ⵜⵓⵙⴷⴰⵖⵜ ⵜⴰⵏⴰⵎⵓⵏⵜ, ⵓⵔ ⴰⴽⴽⵯ ⴳⵉⵙ ⵙⴼⴰⵢⴷⴰⵏⵜ ⵜⴰⵡⵊⵉⵡⵉⵏ ⵏⵏⴰ ⴷⴰⵔ ⵉⵎⵓⴽⵔⵉⵙⵏ ⵉⵣⴷⵉⵏ ⴷ ⵜⵓⵙⴳⴰ ⵏ ⵜⴰⴷⴷⵔⵡⵉⵏ, ⵏⵖⴷ ⵜⵉⵍⵍⵉ ⵍⵍⴰⵏⵉⵏ ⴳ ⵜⴰⴷⴷⵔⵡⵉⵏ ⵉⵇⵔⵔⴱⵏ ⴰⴷ ⵅⵍⵓⵏⵜ,ⵉⵏⵏⴰ ⴰⵡⴷ ⵎⴰⵙ ⵉⵍⵍⴰ ⵢⴰⵏ ⵡⴰⵔ ⴰⵎⵙⴰⵙⴰ ⴳⵔ ⵜⵏⴱⴰⴷⵜ ⵏ ⴷⴷⴰⵅⵉⵍⵉⵢⵢⴰ ⴷ ⵜⵏⵖⵍⴰⴼⵜ ⵏ ⵜⵓⵙⴽⴰ.