Published on MAPNews (https://www.mapnews.ma/am)

Accueil > ⴰⴳⵔⴰⵡ ⵏ ⵜⵙⴷⴰⵡⵉⵜ ⵏ ⵜⴷⴰⵍⵉⵡⵉⵏ ⵏ ⵜⵙⴱⴱⴰⴱⵜ ⴳ ⵜⵙⴳⴰ ⵏ ⴱⵏⵉ ⵎⵍⵍⴰⵍ ⵅⵏⵉⴼⵔⴰ

ⴰⴳⵔⴰⵡ ⵏ ⵜⵙⴷⴰⵡⵉⵜ ⵏ ⵜⴷⴰⵍⵉⵡⵉⵏ ⵏ ⵜⵙⴱⴱⴰⴱⵜ ⴳ ⵜⵙⴳⴰ ⵏ ⴱⵏⵉ ⵎⵍⵍⴰⵍ ⵅⵏⵉⴼⵔⴰ

16 ⵎⴰⵕⵚ 2022 Version Imprimable
ⴱⵏⵉ ⵎⵍⵍⴰⵍ - ⵉⵜⵜⵓⵙⴽⴰⵔ ⵢⴰⵏ ⵓⴳⵔⴰⵡ ⴰⵎⴰⵜⴰⵢ ⴳ ⵜⵖⵉⵡⴰⵏⵜ ⵏ ⴱⵏⵉⵎⵍⵍⴰⵍ ⵅⵏⵉⴼⵔⴰ, ⵜⴰⴷⴳⴳⵯⴰⵜ ⵏ ⵉⴹⴳⴰⵎ ⵏ ⵓⵢⵏⴰⵙ ⵏ ⵜⵙⴷⴰⵡⵉⵜ ⵏ ⵜⴷⴰⵍⵉⵡⵉⵏ ⵜⵉⵎⵖⵔⵉⴱⵉⵢⵢⵉⵏ ⵏ ⵜⵙⴱⴱⴰⴱⵜ ⴷ ⵜⵡⵡⵓⵔⵉⵡⵉⵏ ⴷ ⵜⵏⴰⴼⵓⵜⵉⵏ,ⵉⵜⵜⵓⵥⵍⴰⵢ ⵙ ⵓⵙⵡⵓⴷⴷⵓ ⴷ ⵓⵙⴷⵓⵙ ⵏ ⵜⵎⴰⵜⴰⵔⵜ ⵜⴰⵡⵍⴰⵡⴰⵍⵜ ⵏ ⵜⵙⴷⴰⵡⵉⵜ ⴷ ⵓⵙⵙⴳⵎⴹ ⵅⴼ ⵓⵏⵇⵇⵉⵙ ⴷ ⵓⵏⵎⴰⵍⴰ ⴰⵎⴳⴳⴰⵔⵓ ⵏ ⵜⵙⴷⴰⵡⵉⵜ ⴳ ⵉⵎⵉⵔ ⵏ 2021 ⴷ ⵓⵙⵙⴳⵎⴹ ⵅⴼ ⵓⵙⵏⴼⴰⵔ ⵏ ⵓⵙⴳⴳⴷ ⵏ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵡⴰⵀⵉⵍ ⵏ ⵜⵏⴼⵍⵉⵜ ⵏ ⵜⵙⴷⴰⵡⵉⵜ 2018-2023.

ⴳ ⵓⴳⵔⴰⵡ ⴰⴷ, ⵉⵏⴰⵏ ⵎⴰⵙⵙ ⴰⵙⵍⵡⴰⵢ ⵏ ⵜⵖⵉⵡⴰⵏⵜ ⵏ ⴱⵏⵉⵎⵍⵍⴰⵍ ⵅⵏⵉⴼⵔⴰ ⵎⴰⵙ ⵉⵙⴽⵔ ⴰⵙⴽⵯⵜⵉ ⵙ ⵉⵎⴰⵙⵏ ⴷ ⵜⵎⴰⵎⴽⵉⵏ ⵏⵏⴰ ⵜⵙⵙⵎⵔⴰⵙ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ ⵏ ⵜⴷⴰⵍⵉⵡⵉⵏ ⵏ ⵜⵙⴱⴰⴱⴱⵜ ⴷ ⵜⵎⴳⵓⵔⵉ ⴷ ⵜⵏⴰⴼⵓⵜⵉⵏ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵣⴷⴰⵢ ⴳⵔ ⵜⴷⴰⵍⵉⵡⵉⵏ ⴷ ⵜⵉⴽⴽⵉ ⵏ ⵉⵏⵎⴰⵍⴰⵜⵏ ⵏ ⵜⴷⵎⵙⴰ ⴷ ⵓⵙⵔⵓⵙ ⵏ ⵢⴰⵏ ⵡⴰⵀⵉⵍ ⵏ ⵓⵙⵙⵔⵏⵓ ⴰⵏⴰⵎⵓⵔ ⴳ ⵉⴳⵔ ⴰⴷ.

ⴳ ⵓⵎⵏⵉⴷ ⵢⴰⴹⵏ ⵉⴱⴷⵔ ⵓⵏⵙⵙⵉⵅⴼ ⵏ ⵜⵖⵉⵡⴰⵏⵜ ⴽⵉⴳⴰⵏ ⵏ ⵜⵏⴼⴽⵉⵜⵉⵏ ⵜⵉⴳⴰⵎⴰⵢⵉⵏ ⴷ ⵜⵉⵏ ⵜⴽⵔⵣⴰ ⴷ ⵜⵎⴰⵍⵍⴰⵢⵜ ⴷ ⵜⵓⵙⴽⵉⵡⵜ ⵏⵏⴰ ⵉⵍⵍⴰⵏ ⴳ ⵜⵎⵏⴰⴷⵜ ⵏⵏⵙ , ⴷ ⵜⵣⵎⵎⴰⵔ ⵏⵏⴰ ⵜⵜⵓⵙⴽⴰⵔⵏⵉⵏ ⵉ ⵜⵏⴰⴼⵓⵜⵉⵏ ⵏ ⵓⵙⴱⵓⵖⵍⵓ ⵏ ⵜⵏⴼⴽⵉⵜⵉⵏ ⴰⴷ.

ⵉⵏⵏⴰ ⴰⵡⴷ ⵎⴰⵙ ⵔⴰⴷ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⴳ ⵜⵎⵏⴰⴷⵜ ⴰⴷ, ⵉⵏⵏⴰ ⵎⴰⵙⴷ ⴰⴳⵔⴰⵡ ⴰⴷ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵖⵉⵡⴰⵏⵜ ⵏ ⴱⵏⵉⵎⵍⵍⴰⵍ ⵅⵏⵉⴼⵔⴰ ⵔⴰⴷ ⵉⴳ ⵢⴰⵏ ⵓⵙⵏⵜⵉ ⵏ ⵜⵣⴷⴰⵢⵉⵏ ⴳⵔ ⴽⵉⴳⴰⵏ ⵏ ⵜⴷⴰⵍⵉⵡⵉⵏ ⵏ ⵜⵙⴱⴱⴰⴱⵜ ⴷ ⵜⵎⴳⵓⵔⵉ ⴷ ⵜⵏⴰⴼⵓⵜⵉⵏ ⴳ ⵜⵙⴳⴰ ⵢⴰⴷ ⴷ ⵜⴷⴰⵍⵉⵡⵉⵏ ⴳ ⴽⵉⴳⴰⵏ ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%9C%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%8F-%E2%B5%9C%E2%B4%B7%E2%B4%B0%E2%B5%8D%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%99%E2%B4%B1%E2%B4%B1%E2%B4%B0%E2%B4%B1%E2%B5%9C-%E2%B4%B3-%E2%B5%9C%E2%B5%99%E2%B4%B3%E2%B4%B0-%E2%B5%8F-%E2%B4%B1%E2%B5%8F%E2%B5%89-%E2%B5%8E%E2%B5%8D%E2%B5%8D%E2%B4%B0%E2%B5%8D-%E2%B5%85%E2%B5%8F%E2%B5%89%E2%B4%BC%E2%B5%94%E2%B4%B0