Published on MAPNews (https://www.mapnews.ma/am)

Accueil > ⵜⴰⵙⴰⵡⵓⵔⵜ ⵜⴰⵏⵖⵎⴰⵙⵜ ⴼ ⵜⵣⵎⵎⴰⵔ ⵏ ⵜⵡⵜⵎⵉⵏ

ⵜⴰⵙⴰⵡⵓⵔⵜ ⵜⴰⵏⵖⵎⴰⵙⵜ ⴼ ⵜⵣⵎⵎⴰⵔ ⵏ ⵜⵡⵜⵎⵉⵏ

11 ⵎⴰⵕⵚ 2022 Version Imprimable
ⵙⵍⴰ - ⵉⵏⵏⴰ ⵓⵏⵎⴰⵍⵍⵓ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⵏ ⵓⵙⵍⵍⵉⵥⵕ ⵎⴰⵙ ⵔⴰⴷ ⵉⵙⵏⵎⴰⵍⴰ ⴰⵙⵙ ⵏ ⴰⴽⵡⴰⵙ ⴳ ⵜⵖⵔⵎⵜ ⵏ ⵙⵍⴰ ⵢⴰⵜ ⵜⵙⴰⵡⵓⵔⵜ ⵏ ⵓⵎⵢⴰⴷⴰⵙ ⵅⴼ ⵓⵙⵏⵜⵍ ⵏ ⵓⵙⵏⵖⵎⵙ ⴷ ⵜⵡⵡⵓⵔⵉ ⵉⴷⵓⵙⵏ ⵏ ⵜⵡⵜⵎⵉⵏ,ⵏⵏⴰ ⵉⴳⴰⵏ ⴰⵙⴰⵜⵜⵓⵢ ⵏ ⵓⵙⵏⴼⵍ ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴷⵍⴰⵏ ⵏ ⵜⵎⵖⴰⵔⵜ.

ⵉⵙⵎⴰⵍ ⴰⵡⴷ ⵓⵏⵎⴰⵍⵍⵓ ⴰⴷ ⵏ ⵓⵙⵍⵍⵉⵥⵕ, ⴳ ⵢⴰⵏ ⵓⵙⵉⵡⴹ ⵏⵏⵙ ⵎⴰⵙ ⵔⴰⴷ ⵜⵙⵏⵎⴰⵍⴰ ⴽⵔⴰ ⵏ ⵉⵏⵎⵓⵇⵇⴰⵔⵏ ⴷ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴰⴼⴰⴷ ⴰⴷ ⵜⴰⵣⴹ ⵉ ⵜⵣⵎⵎⴰⵔ ⵏ ⵜⵏⵣⵡⴰⵢⵉⵏ ⴷ ⵜⴱⴰⴷⵓⵜⵉⵏ ⵜⵉⵏⴰⵎⵓⵏⵉⵏ ⵏⵏⴰ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏ ⵜⵡⵜⵎⵉⵏ ⴷ ⵓⵏⵣⴰⵖ ⵅⴼ ⵉⵡⵏⵏⵉⵜⵏ ⵏ ⵉⴱⴽⴽⵉⴹⵏ ⵎⴳⴰⵍ ⵏ ⵜⵎⵖⴰⵔⵜ ⵙ ⵓⵎⴰⵜⴰ, ⴷ ⵓⵙⴷⴷⵉⴷ ⵏ ⵜⵓⵙⵙⵏⴰ ⵏ ⵓⵙⵎⴳⵉⴷⴷⵉ ⴷ ⵓⵙⵖⵓⴷⵓ ⵏ ⵓⴼⴰⵔⵙ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵙⵍⵍⵉⵥⵕ.

ⴷ ⵓⵙⵔⵓⵙ ⵏ ⴽⵔⴰ ⵏ ⵉⵎⴰⵙⵙⵏ ⵉⵜⵉⵇⵏⵉⵢⵢⵏ ⵏ ⵓⵎⵢⴰⴷⴰⵙ ⵏ ⵡⴰⵏⴰⵡ ⴷ ⵓⵣⵓⵣⵣⵔ ⵏ ⵉⵏⵇⵇⵉⵙⵏ ⵉⵎⴷⵢⴰⵏⵏ ⵥⵍⵉⵏⵉⵏ ⵙ ⵜⵓⵎⴰⵏⵜ ⵏ ⵜⵡⵉⵙⵉ ⵜⴰⵏⴱⵖⵓⵔⵜ ⵏ ⵜⵎⵖⴰⵔⵜ ⴳ ⵓⵙⵔⵓⵙ ⵏ ⴽⵉⴳⴰⵏ ⵏ ⵉⵙⵇⵇⵙⵉⵜⵏ ⴳ ⵎⴰⴷ ⵉⵥⵍⵉⵏ ⵙ ⵜⵍⴻⵍⵍⵉⵜⵉⵏ ⴷ ⵓⵎⵢⴰⵡⴰⵙ ⵏⵏⵙ ⴳ ⵓⵙⴱⵓⵖⵍⵓ ⵏ ⵓⵡⵏⵏⵉ ⵏ ⵡⴰⵎⵓⵏ ⵙ ⵓⵎⴰⵜⴰ.

ⴳ ⵉⴳⵔ ⵢⴰⴹⵏ ⵏⵏⴰⵏ ⵉⵎⵙⵜⴳⴳⴰⵔⵏ ⵏ ⵓⵏⵎⵓⴳⴳⴰⵔ ⴰⴷ ⵎⴰⵙⴷ ⵜⴰⵎⵖⴰⵔⵜ ⴰⵔ ⵜⵙⴽⴰⵔ ⵢⴰⵏ ⵓⵙⵏⴼⵍ ⴰⵎⴰⵜⴰⵢ ⴳ ⵓⵡⵏⵏⵉ ⵏ ⵡⴰⵎⵓⵏ ⵙ ⵜⵣⵎⵎⴰⵔ ⵏⵏⴰ ⵜⵜⴳⴳⴰ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵜⵓⵎⴰⵏⵉⵏ ⵣⴷⵉⵏⵉⵏ ⵙ ⵜⵖⴹⵎⵜ ⴷ ⵓⵙⴷⵓⵙ ⵏ ⵉⵜⴳⴰⵔⵏ ⵏ ⵓⵎⵢⴰⴷⴰⵙ ⵏ ⵡⴰⵏⴰⵡ ⴷ ⵓⵎⵙⴰⴷⴷⴰⵔ ⴳⵔⴰⵜⵙⵏ.

ⵔⴰⴷ ⴰⵡⵙⵏⵜ ⴽⵉⴳⴰⵏ ⵏ ⵜⵡⵜⵎⵉⵏ ⵜⵉⵏⵎⵎⴰⵙⵙⵓⵜⵉⵏ ⴳ ⵓⵏⵎⵓⵇⵇⴰⵔ ⴰⴷ ⴷ ⵉⵔⴳⴰⵣⵏ ⴰⵡⴷ ⵏⵜⵜⵏⵉ ⵏⵏⴰ ⴱⴷⴷⴰ ⵉⵍⵍⴰⵏ ⵎⵏⵉⴷ ⵏ ⵜⵎⵖⴰⵔⵜ ⴷ ⵉⵎⴰⵔⴰⵜⵏ ⴷ ⵉⵏⴰⵖⵎⴰⵙⵏ ⵓⵍⴰ ⵉⵜⵉⵇⵏⵉⵢⵢⵏ ⴰⵡⴷ ⵏⵜⵜⵏⵉ ⵔⴰⴷ ⴰⵡⵙⵏ ⴳ ⵜⵙⴰⵡⵓⵔⵜ ⴰⴷ , ⵔⴰⴷ ⴳⵉⵙ ⴷⵔⵓⵏ ⴰⵡⴷ ⴽⵔⴰ ⵏ ⵉⴱⵕⵍⴰⵎⴰⵏⵉⵏ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵓⵏⴱⵉⴹⵏ ⴳ ⴽⵉⴳⴰⵏ ⵏ ⵜⵖⵔⵎⵉⵏ ⵏ ⵜⵎⴰⵣⵉⵔⵜ ⵏⵏⵖ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B4%B0%E2%B5%99%E2%B4%B0%E2%B5%A1%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C-%E2%B4%BC-%E2%B5%9C%E2%B5%A3%E2%B5%8E%E2%B5%8E%E2%B4%B0%E2%B5%94-%E2%B5%8F-%E2%B5%9C%E2%B5%A1%E2%B5%9C%E2%B5%8E%E2%B5%89%E2%B5%8F