Published on MAPNews (https://www.mapnews.ma/am)

Accueil > ⴰⵙⵏⵜⵉ ⵏ ⵓⵏⵎⵓⵇⵇⴰⵔ ⵏ ⵉⵏⵖⵍⴰⴼⵏ ⵏ ⴱⵕⵕⴰ ⴰⵔⵓⵙⵉ ⴷ ⵓⴽⵕⴰⵏⵉ

ⴰⵙⵏⵜⵉ ⵏ ⵓⵏⵎⵓⵇⵇⴰⵔ ⵏ ⵉⵏⵖⵍⴰⴼⵏ ⵏ ⴱⵕⵕⴰ ⴰⵔⵓⵙⵉ ⴷ ⵓⴽⵕⴰⵏⵉ

10 ⵎⴰⵕⵚ 2022 Version Imprimable
ⴰⵏⵟⴰⵍⵢⴰ - ⵉⵙⵙⵏⵜⴰ ⵓⵎⴰⵡⵙⴰⵙ ⵏ ⴱⵕⵕⴰ ⴰⵔⵓⵙⵉ, ⵙⵉⵔⴳⵉ ⵍⴰⴼⵕⵓⴼ, ⴷ ⵓⴽⵕⴰⵏⵉ, ⴷⵍⵉⵜⵔ ⴽⵓⵍⵉⴱⴰ, ⴰⵙⵙ ⴰⴷ ⵏ ⵓⴽⵡⴰⵙ ⴳ ⵜⵖⵔⵎⵜ ⵏ ⴰⵏⵟⴰⵍⵢⴰ ⴳ ⵉⴼⴼⵓⵙ ⵏ ⵜⵓⵕⴽⵢⴰ, ⵢⴰⵏ ⵓⴳⵔⴰⵡ ⴰⵎⵣⵡⴰⵔⵓ ⴳ ⵓⵙⵡⵉⵔ ⵏ ⵓⵙⵏⵜⵉ ⵏ ⵉⵎⵉⵖ ⴷ ⵓⵙⴷⵓⵔⵔⵉ ⴰⵔⵓⵙⵉ ⴳ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ ⴳ ⴱⵕⴰⵢⵕ ⵏⵏⴰ ⵉⵣⵔⵉⵏ.

ⴼⴼⵖⵏⵜ ⵜⵢⴰⴼⵓⵜⵉⵏ ⴳⵔ ⵜⵎⴰⵥⵓⵏⵜ ⴽⵉⴼ ⴷ ⵎⵓⵙⴽⵓ ⴰⵔ ⵖⵉⵍⴰⴷ ⵙ ⵓⵙⴱⵉⴷⴷ ⵏ ⵓⵍⵓⴼ ⴽⵉⴳⴰⵏ ⵏ ⵜⵉⴽⴰⵍ ⴷ ⵓⵏⵏⵓⵕⵥⵎ ⵏ ⵉⵙⴰⴽⴰⵜⵏ ⵉⵏⴼⴳⴰⵏⵏ ⵉ ⵉⵏⵎⵓⵔⵉⵏ ⵏ ⵓⴽⵕⴰⵏⵢⴰ,ⵎⴰⵛⴰⵏ ⵓⵔ ⵜⵜⵡⴰⵇⵇⴰⵕ ⵜⵎⵢⴰⵇⵇⴰⵏⵜ ⴰⴷ ⵙ ⵜⵖⴰⵔⴰⵙⵜ ⵉⴷⵓⵙⵏ.

ⴳ ⵜⵙⴳⴰ ⵢⴰⴹⵏ,ⵉⵏⵏⴰ ⵓⵎⵙⵜⴳⴳⴰⵔ ⵙ ⵉⵙⵎ ⵏ ⵜⵏⵖⵍⴰⴼⵜ ⵏ ⴱⵕⵕⴰ ⴰⵡⴽⵕⴰⵏⵉ ⵜⴰⴷⴳⴳⵯⴰⵜ ⵏ ⵉⴳⴹⴰⵎ ⴰⴽⵕⴰⵙ ⵎⴰⵙⴷ ⴽⵓⵍⵉⴱⴰ ⵉⵍⴽⵎⴷ ⴰⵏⵟⴰⵍⵢⴰ ⴰⴼⴰⴷ ⴰⴷ ⵉⵎⵔⴰⵔⴰ ⴰⵡⴰⵍ ⵅⴼ ⵜⵖⵡⵡⴰⵖⵜ ⴷ ⵓⵙⵎⴰⴷ ⵏ ⵉⵎⵉⵖ ⵏⵏⴰ ⵜⵙⴽⵔ ⵔⵓⵙⵢⴰ ⴼ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ.

ⵉⴳⴰ ⵓⵎⵔⴰⵔⴰ ⴰⴷ ⵢⴰⵜ ⵜⵣⵎⵔⵜ ⵏ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ ⴰⴼⴰⴷ ⴰⴷ ⵜⵙⴽⵔ ⴰⵎⵙⴰⵙⴰ ⴳⵔ ⵙⵉⵏ ⵉⵎⵏⴰⴷⵏ ⵏⵏⴰ ⵉⵙⴽⵔⵏ ⵉⵎⵉⵖ ⵙⴳ ⵓⵙⵏⵜⵉ ⵏⵏⵙ, ⵉⵏⵏⴰ ⵓⵏⵙⵙⵉⵅⴼ ⵏ ⵟⵓⵕⴽⵢⴰ ⵎⴰⵙⵙ ⵕⴰⵊⴰⴱ ⵟⵟⴰⵢⵢⵉⴱ ⴰⵕⴷⵓⴳⴰⵏ ⵉⴳⴹⴰⵎ, ⵎⴰⵙ ⴰⵔ ⵙⵡⵡⵓⵔⵉⵏ ⴰⴼⴰⴷ ⴰⴷ ⵓⵔ ⵜⵏⴼⵍ ⵜⵖⵡⵡⴰⵖⵜ ⴰⴷ ⵙ ⵢⴰⵜ ⵜⵡⴰⵖⵉⵜ ⵉⴷⵓⵙⵏ, ⵉⵙⵙⵓⵜⵔ ⴰⴷ ⵉⴼⴼⴰⵖ ⵓⵎⵔⴰⵔⴰ ⵏ ⵡⴰⵡⴰⵍ ⵙ ⵡⴰⴱⴱⴰⵢ ⵏ ⵓⵍⵓⴼ ⴳⵔ ⵔⵓⵙⵢⴰ ⴷ ⵓⴽⵕⴰⵏⵢⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%89%E2%B5%8F%E2%B5%96%E2%B5%8D%E2%B4%B0%E2%B4%BC%E2%B5%8F-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B4%B0%E2%B5%94%E2%B5%93%E2%B5%99%E2%B5%89-%E2%B4%B7-%E2%B5%93%E2%B4%BD%E2%B5%95%E2%B4%B0%E2%B5%8F%E2%B5%89