Published on MAPNews (https://www.mapnews.ma/am)

Accueil > ⵜⴰⵙⴷⴰⵡⵉⵜ ⵏ ⵎⵕⵕⴰⴽⵯⵛ ⵜⵙⴷⵓⵙ ⵜⵉⴷⵔⴰⵡⵉⵏ ⵏⵏⵙ

ⵜⴰⵙⴷⴰⵡⵉⵜ ⵏ ⵎⵕⵕⴰⴽⵯⵛ ⵜⵙⴷⵓⵙ ⵜⵉⴷⵔⴰⵡⵉⵏ ⵏⵏⵙ

10 ⵎⴰⵕⵚ 2022 Version Imprimable
ⵎⵕⵕⴰⴽⵯⵛ - ⵉⵙⵙⵉⵅⴼ ⵎⴰⵙⵙ ⵎⵓⵍⴰⵢ ⵍⵃⴰⵙⴰⵏ ⴰⵃⴱⵉⴹ, ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵏ ⵍⵇⴰⴹⵉ ⵄⵉⵢⵢⴰⴹ ⵏ ⵎⵕⵕⴰⴽⵯⵛ, ⵢⴰⵏ ⵓⴳⵔⴰⵡ ⵏ ⵓⵙⵏⵜⵉ ⵏ ⵓⵙⴷⵓⵙ ⵏ ⵜⴷⵔⴰⵡⵜ ⵜⴰⵎⴰⵙⵙⴰⵏⵜ ⴳⵔ ⵜⴰⵎⵓⵏⵜ ⵜⴰⵡⵕⵓⵃⵃⵉⵜ ⴷ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⴷⵔⴰⵡⵜ ⵏ ⵍⵇⴰⴹⵉ ⵄⵉⵢⵢⴰⴹ, ⴳ ⵓⵙⴰⵜⵉ ⵏ ⵓⵏⵏⵓⵕⵥⵎ ⵏ ⵜⵙⴷⴰⵡⵉⵜ ⴷ ⵉⵎⴷⵔⴰⵡⵏ ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏⵏ.

ⵜⴷⵔⴰ ⵢⴰⵜ ⵜⵎⵙⵜⴳⴳⴰⵔⵜ ⴳ ⵉⴳⵉⵡⵔ ⴰⴷ, ⴷ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵏ ⵜⵎⴰⵙⵙⴰⵏⵉⵏ ⵜⵉⵙⵍⴳⴰⵏⵉⵏ ⴷ ⵜⴷⵎⵙⴰ ⴷ ⵉⴳⵎⴰⵎⵏ ⵏ ⵜⵙⴳⵏⴰⴼⵜ ⵜⴰⵙⵍⴳⴰⵏⵜ ⵏ ⵜⵙⴷⴰⵡⵉⵜ ⴰⵏⵏ ⵏⵉⵜ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⴷⵔⴰⵡⵜ ⴳⵔ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵙⴳⵏⴰⴼⵜ ⵜⴰⵙⵍⴳⴰⵏⵜ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ ⵏ ⵖⵉⵍⴰⴷ ⴷ ⵉⵙⵏⴼⴰⵕⵏ ⵏⵏⴰ ⵉⵣⴷⵉⵏ ⴷ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⵡⵉⵏ ⵓⵙⴳⴷⵣ ⴳ ⵓⴼⴳⴰⵏ , ⵏⵏⴰ ⵔⴰⴷ ⵉⴳ ⴰⵙⵏⵜⵍ ⵏ ⵢⴰⵜ ⵜⵙⴰⵡⵓⵔⵜ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵜⴳⵉⵔⴰ ⵏ ⵡⴰⵢⵢⵓⵔ ⴰⴷ ⵏ ⵎⴰⵕⵚ.

ⵉⴳ ⵉⴳⵉⵡⵔ ⴰⴷ , ⵙⴳ ⴰⵢⵍⵍⵉ ⵙ ⵉⵏⵏⴰ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ, ⵢⴰⵜ ⵜⵎⵍⴷⴰ ⵉ ⵉⵡⵡⵓⵔⴰⵏⵏ ⴷ ⵉⵎⵙⵜⴳⴳⴰⵔⵏ ⴰⴽⴽⵯ ⵏ ⵜⵎⵔⵙⴰⵍ ⵏ ⵜⵙⴷⴰⵡⵉⵜ ⴰⴼⴰⴷ ⴰⴷ ⵏⵏⵓⵕⵥⵎⵏ ⴼ ⵜⴷⵔⴰⵡⵉⵏ , ⵏⵏⴰ ⵔⴰⴷ ⴰⵙⵏ ⵉⵙⴷⵓⵙ ⵉⵎⴰⵍ ⴷ ⵜⵣⵎⵎⴰⵔ ⵏⵏⴰⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B4%B0%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%8F-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B5%9C%E2%B5%99%E2%B4%B7%E2%B5%93%E2%B5%99-%E2%B5%9C%E2%B5%89%E2%B4%B7%E2%B5%94%E2%B4%B0%E2%B5%A1%E2%B5%89%E2%B5%8F-%E2%B5%8F%E2%B5%8F%E2%B5%99