Published on MAPNews (https://www.mapnews.ma/am)

Accueil > ⴰⵙⴽⵓ ⵏ ⵓⴳⴰⴷⴰⵣ ⴰⵎⴰⵢⵏⵓ ⴳ ⵜⵖⵔⵎⵜ ⵏ ⴱⵕⵕⵛⵉⴷ

ⴰⵙⴽⵓ ⵏ ⵓⴳⴰⴷⴰⵣ ⴰⵎⴰⵢⵏⵓ ⴳ ⵜⵖⵔⵎⵜ ⵏ ⴱⵕⵕⵛⵉⴷ

10 ⵎⴰⵕⵚ 2022 Version Imprimable
ⴱⵕⵕⵛⵉⴷ - ⵜⴳⴰ ⵜⴳⵔⴰⵡⵜ ⵏ ⴱⵕⵕⵛⵉⴷ ⵜⵜⵎⵉ ⵉ ⵜⴽⵔⵔⴰⵢⵜ ⵏⵏⴰⵖ ⴰⵔ ⵜⵜⵉⴷⵉⵔⵏ ⵉⵙⴱⴱⴰⴱⵏ ⴷ ⵉⵎⵣⵣⵏⵣⵏ, ⴷ ⵉⵎⵓⴽⵔⵉⵙⵏ ⵏⵏⴰ ⴳ ⵉⴷⴷⵔ ⵡⴰⵎⵎⴰⵙ ⵏ ⵜⵖⵔⵎⵜ ⴰⴷ, ⵍⵍⵉⵖ ⵜⵙⴽⵔ ⵢⴰⵏ ⵓⴳⴰⴷⴰⵣ ⵏⵏⴰ ⵉⵅⴰⵜⵔⵏ ⵛⵉⴳⴰⵏ.

ⵉⵙⵙⵏⵜⴰ ⵓⵙⴽⵓ ⵏ ⵓⴳⴰⴷⴰⵣ ⴰⴷ ⴳ ⵓⵙⵏⵜⵉ ⵏ ⵉⵎⴰⵍⴰⵙⵙ ⴰⴷ ⵏⵉⵜ ⵏⵏⴰ ⵉⴽⴽⴰⵏ ⴽⵉⴳⴰⵏ ⵏ ⵉⵙⴳⴳⵯⴰⵙⵏ ⴳ ⵓⵙⴽⵓ ⵏⵏⵙ, ⵙ ⵜⵡⵉⵙⵉ ⵏ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴷ ⵉⵏⵙⵙⵉⵅⴼⵏ ⵉⵎⴰⵜⴰⵢⵏ ⵏ ⵜⵖⵔⵎⵜ ⴰⴷ.

ⴳ ⵜⵙⴳⴰ ⵢⴰⴹⵏ ⵜⵙⵎⴰⵜⵜⵉ ⵜⴳⵔⴰⵡⵜ ⵏ ⴱⵕⵕⵛⵉⴷ ⵢⴰⵏ ⵓⴳⴰⴷⴰⵣ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⵉⵍⵍⴰ ⴳ ⵡⴰⵎⵎⴰⵙ ⵏ ⵜⵖⵔⵎⵜ, ⵏⵏⴰ ⵉⵙⴽⴰⵔⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉ ⵉⵎⵣⴷⴰⵖⵏ ⵓⵍⴰ ⵉⵎⵣⵣⴰⵏ,ⵙ ⵍⴰⵡⴰⵏ ⴰⴽⴽⵯ ⴰⵙⵙ ⵏ ⴰⵢⵏⴰⵙ ⴳ ⵓⴱⵔⵉⴷ ⵏⵏⴰ ⵉⵜⵜⴰⵡⵉⵏ ⵙ ⵍⴳⴰⵕⴰ.

ⵉⴱⵉⴷⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵟⴰⵔⵉⵇ ⵍⵇⴰⴷⵉⵔⵉ ⴷ ⵉⵏⵙⵙⵉⵅⴼⵏ ⴷ ⵉⵎⵙⵜⴳⴳⴰⵔⵏ ⵏ ⵜⵏⴼⵔⵓⵜ ⵢⴰⴹⵏⵉⵏ ⴼ ⵓⵏⵏⵓⵕⵥⵎ ⵏ ⵓⴳⴰⴷⴰⵣ ⴰⵎⴰⵢⵏⵓ ⵏ ⵜⵖⵔⵎⵜ ⵏ ⴱⵕⵕⵛⵉⴷ, ⴷ ⵓⵔ ⵔⴰⴷ ⵙⵓⵍ ⴰⵊⵊⵉⵏ ⵉⵎⵣⵣⵏⵣⵏ ⵡⴰⵔ ⴰⵏⵎⴰⵍⴰ ⴷ ⵡⴰⵔ ⴰⵙⵍⴳⵏ ⴰⴷ ⵣⵓⵣⵣⵓⵔⵏ ⵜⵉⵖⴰⵡⵙⵉⵡⵉⵏ ⵏⵏⵙⵏ ⴳ ⵡⴰⵎⵎⴰⵙ ⵏ ⵜⵖⵔⵎⵜ.

ⵉⵏⵏⴰ ⴷⴰⵖ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⴱⵕⵕⵛⵉⴷ ⵎⴰⵙⴷ ⴰⵙⴽⴽⵉⵔ ⴷ ⵓⵏⵏⵓⵕⵥⵎ ⵏ ⵓⴳⴰⴷⴰⵣ ⴰⴷ ⴰⵎⴷⵢⴰⵏ ⵏⵏⴰ ⵉⵜⵜⵓⵙⴽⴰⵔⵏ ⵙ ⵜⵖⴰⵔⴰⵙⵜ ⵜⴰⵜⵔⴰⵔⵜ, ⴰⵡⵜⵜⴰⵙ ⵏⵏⵙ ⵉⴳⴰⵜ ⴰⴷ ⴰⵏⴼⵏ ⵉ ⵉⵎⵓⴽⵔⵉⵙⵏ ⵏⵏⴰ ⴳ ⴰⴽⴽⵯ ⵜⴷⴷⵔ ⵜⵖⵔⵎⵜ ⴰⴷ, ⵙⵍⴰⵡⴰⵏ ⴰⴽⴽⵯ ⴰⵎⵎⴰⵙ ⵏⵏⵙ ⴷ ⵡⴰⵔⵔⴰⵙ ⵏⵏⴰ ⵎⵓ ⵉⵙⵔⵓⴳ ⵓⴳⴰⴷⴰⵣ ⵏⵏⴰ ⵉⵍⵍⴰⵏ ⴳ ⵡⴰⵎⵎⴰⵙ ⵏ ⵜⵖⵔⵎⵜ ⴰⴷ.

ⵉⴳ ⵓⵡⵜⵜⴰⵙ ⵏ ⵓⴳⴰⴷⴰⵣ ⴰⴷ ⴰⴷ ⵉⴳⴰⴷⴷⴰ ⴰⵡⵅⴷ ⵓⵎⵓⵙⵙⵓ ⵏ ⵉⴱⵔⴷⴰⵏ ⵏⵏⴰ ⵉⴷⴷⵔⵏ ⴰⵡⴷ ⵏⵜⵜⴰⵏ ⴳ ⵢⴰⵏ ⵓⵎⵓⴽⵔⵉⵙ ⴰⵅⴰⵜⴰⵔ ⵙ ⵓⵙⵔⴰⴳ ⵏ ⵓⴳⴰⴷⴰⵣ ⴰⵇⵇⴱⵓⵔ ⵏⵏⴰ ⵓⵔ ⵉⵏⵎⴰⵍⴰⵏ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B5%99%E2%B4%BD%E2%B5%93-%E2%B5%8F-%E2%B5%93%E2%B4%B3%E2%B4%B0%E2%B4%B7%E2%B4%B0%E2%B5%A3-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B3-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B4%B1%E2%B5%95%E2%B5%95%E2%B5%9B%E2%B5%89%E2%B4%B7