Published on MAPNews (https://www.mapnews.ma/am)

Accueil > ⴰⵏⵏⵓⵕⵥⵎ ⵏ ⵉⵙⴰⴽⴰⵜⵏ ⵏ ⵜⵏⴼⵔⵓⵜ ⴳ ⵜⵖⵔⵎⵉⵏ ⵏ ⵓⴽⵕⴰⵏⵢⴰ

ⴰⵏⵏⵓⵕⵥⵎ ⵏ ⵉⵙⴰⴽⴰⵜⵏ ⵏ ⵜⵏⴼⵔⵓⵜ ⴳ ⵜⵖⵔⵎⵉⵏ ⵏ ⵓⴽⵕⴰⵏⵢⴰ

08 ⵎⴰⵕⵚ 2022 Version Imprimable
ⵎⵓⵙⴽⵓ - ⵏⵏⴰⵏ ⵉⵙⵔⴷⴰⵙⵏ ⵏ ⵔⵓⵙⵢⴰ ⵉⴹⴳⴰⵎ ⵏ ⵓⵢⵏⴰⵙ ⵎⴰⵙ ⵜⵜⵓⵕⵥⴰⵎⵏ ⴽⵔⴰ ⵏ ⵉⵙⴰⴽⴰⵜⵏ ⵏ ⵜⴼⴳⴰⵏⵉⵜ ⴰⴼⴰⴷ ⴰⴷ ⴳⵉⵙ ⵣⵣⵔⴰⵢⵏ ⵉⵏⵎⵓⵔⵉⵏ, ⵉⵜⵜⵓⴱⴱⴰⵢ ⴰⵡⴷ ⵓⵍⵓⴼ ⴳ ⵡⴰⵙⵙ ⴰⴷ, ⴰⴼⴰⴷ ⴰⴷ ⴰⴼⵉⵏ ⵉⵏⵎⵓⵔⵉⵏ ⵏ ⵜⵎⴰⵥⵓⵏⵜ ⵏ ⵅⴰⵕⴰⴽⵓⴼ ⴷ ⵎⴰⵕⵢⵓⴱⵓⵍ ⵏ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ ⵏⵏⴰ ⴳ ⵉⵍⵍⴰ ⵢⴰⵏ ⵉⵎⵉⵖ ⵉⴷⵓⵙⵏ ⵓⵙⵙⴰⵏ ⴰⴷ.

ⵉⴷⴷⴰⴷ ⴳ ⵢⴰⵏ ⵓⵙⵉⵡⴹ ⵏ ⵜⵏⵖⵍⴰⴼⵜ ⵏ ⵓⵏⵣⴰⵖ ⵜⴰⵔⵓⵙⵉⵜ ⵎⴰⵙⴷ ⴰⵙⴽⴽⵉⵔ ⴰⴷ ⴷ ⵓⵏⵏⵓⵕⵥⵎ ⵏ ⵉⵙⴰⴽⴰⵜⵏ ⴰⴷ ⵉⴳⴰ ⵙⴳ ⵓⵙⴰⵜⵉ ⵏ ⵜⴼⴳⴰⵏⵉⵜ, ⴷ ⵡⴰⴱⴱⴰⵢ ⵏ ⵓⵍⵓⴼ ⵙⴳ ⵜⵙⵔⴰⴳⵜ ⵜⵉⵙⵙ ⵎⵔⴰⵡⵜ ⵏⵏⴰ ⵉⵎⵙⴰⵙⴰⵏ ⴷ ⵜⵙⵔⴰⴳⵜ ⵜⵉⵙⵙ ⵙⴰ ⴳ ⵜⵉⵣⵉ ⵏ ⴳⵔⵉⵏⵉⵜⵛ, ⴳ ⵡⴰⵙⵙ ⵏ 07 ⵎⴰⵕⵚ, ⵙ ⵓⵙⴽⴽⵉⵔ ⵏ ⵉⵙⴰⴽⴰⵜⵏ ⴰⴷ ⵏⵏⴰ ⴳⴰⵏⵉⵏ ⵙⴳ ⵉⵜⴳⴰⵔⵏ ⵏ ⵜⴼⴳⴰⵏⵉⵜ.

ⴰⵙⵉⵡⴹ ⵓⵔ ⵉⵏⵏⵉ ⵎⴰⵏ ⵜⵉⵣⵉ ⴰ ⵔⴰⴷ ⵙⵎⵔⵙⵏ ⵉⵣⴷ ⵜⵉⵏ ⵔⵓⵙⵢⴰ ⵏⵖⴷ ⵜⵉⵣⵉ ⵏ ⵓⴽⵕⴰⵏⵢⴰ.

ⴳ ⵓⵎⵏⵉⴷ ⵢⴰⴹⵏ ⵏⵏⴰⵏ ⵉⵙⵔⴷⴰⵙ ⵏ ⵔⵓⵙⵢⴰ,ⵎⴰⵙⴷ ⴰⵡⵏⵏⵉ ⴰⴷ ⵉⴳⴰ ⵙⴳ ⵓⵙⵙⵓⵜⵔ ⴰⵏⵉⵎⴰⵏ ⵏ ⵓⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏ ⴼⵕⴰⵏⵚⴰ ⵉⵎⴰⵏⵡⵉⵍ ⵎⴰⴽⵕⵓⵏ ⵉ ⵓⵏⵙⵙⵉⵅⴼ ⵏ ⵔⵓⵙⵢⴰ ⴼⵍⴰⴷⵉⵎⵉⵕ ⴱⵓⵜⵉⵏ,ⴷⴼⴼⵉⵔ ⵍⵍⵉⵖ ⵎⵙⴰⵡⴰⴹⵏ ⴰⵙⵙ ⵏ ⴰⵙⴰⵎⴰⵙ ⴰⴷ ⵉⵣⵔⵉⵏ ⵎⴰⴷ ⵉⵜⵜⴳⴳⴰⵏ ⵙⵏⴰⵜ ⵜⵙⵔⴰⴳⵉⵏ ⴳ ⵜⵜⵉⵍⵉⴼⵓⵏ.

ⵎⴽⵍⵍⵉ ⵓⵔ ⵎⵓⵔⵙⵏⵜ ⵜⵡⵡⵓⵔⵉⵡⵉⵏ ⵏ ⵓⵣⵣⵔⴰⵢ ⵏ ⵉⵏⵎⵓⵔⵉⵏ ⴳ ⵓⵙⵙⴰⵏ ⴰⴷ ⵉⵎⴳⴳⵓⵔⴰ ⴳ ⵜⵖⵔⵎⵜ ⵏ ⵎⴰⵕⵢⵓⴱⵓⵍ ⵏⵏⴰ ⵉⵍⵍⴰⵏ ⴳ ⵉⴼⴼⵓⵙ ⵏ ⵓⵜⵡⴰⵏ ⵏ ⵓⴽⵕⴰⵏⵢⴰ.

ⵏⵏⵓⵕⵥⵎⵏ ⵉⵙⴰⴽⴰⵜⵏ ⴰⴷ ⵏⵏⴰ ⵉⵍⵍⴰⵏ ⴳⵔ ⵜⵖⵔⵎⵜ ⵏ ⵜⵎⴰⵥⵓⵏⵜ ⵏ ⴽⵉⴼ ⴷ ⵜⵖⵔⵎⵜ ⵏ ⵖⵓⵎⵉⵍ ⵏ ⴱⵉⵍⴰⵔⵓⵙⵢⴰ ⵏⵏⴰ ⵢⴰⵣⴹⵏ ⵉ ⵉⵡⵜⵜⴰ ⵏ ⵓⴽⵕⴰⵏⵢⴰ.

ⵉⵏⵏⴰ ⵓⵙⵉⵡⴹ ⴰⴷ ⴰⵡⴷ ⵎⴰⵙ ⵔⴰⴷ ⵏⵏⵓⵕⵥⵎⵏ ⵙⵉⵏ ⵉⵙⴰⴽⴰⵜⵏ ⵢⴰⴹⵏⵉⵏ ⵙⴳ ⵎⴰⵕⵢⵓⴱⵓⵍ ⴰⵔ ⵔⵓⵙⵢⴰ ⵙ ⵜⵖⵔⵎⵜ ⵏ ⵔⵓⵙⵓⴼⵜ ⵏⵖⴷ ⵍⵇⵇⴱⵍⵜ ⵏ ⵜⵖⵔⵎⵜ ⵏ ⵣⴰⴱⵓⵕⵓⵊⵢⴰ ⵏ ⵓⴽⵕⴰⵏⵢⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B4%B0%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%89%E2%B5%99%E2%B4%B0%E2%B4%BD%E2%B4%B0%E2%B5%9C%E2%B5%8F-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B4%B3-%E2%B5%9C%E2%B5%96%E2%B5%94%E2%B5%8E%E2%B5%89%E2%B5%8F-%E2%B5%8F-%E2%B5%93%E2%B4%BD%E2%B5%95%E2%B4%B0%E2%B5%8F%E2%B5%A2%E2%B4%B0