ⵎⵓⵙⴽⵓ : ⵉⵙⵓⵍ ⵓⴽⴰⵏ ⵙⵓⵍ ⵓⵙⵓⴳⵉ ⴰⵔⴷ ⴳⵏ ⵉⵡⵜⵜⴰⵙⵏ ⵜⵉⴷⵜ

01 ⵎⴰⵕⵚ 2022 Version Imprimable

ⵎⵓⵙⴽⵓ - ⵉⵏⵏⴰ ⵓⵎⴰⵡⵙⴰⵙ ⵏ ⵓⵏⵣⴰⵖ ⴰⵔⵓⵙⵉ ⵎⴰⵙⵙ ⵙⵉⵔⴳⵉ ⵛⵡⵉⴳⵓ, ⴰⵙⵙ ⴰⴷ ⴰⵙⵉⵏⴰⵙ, ⵎⴰⵙⴷ ⴰⵙⵓⴳⵉ ⵏ ⵔⵓⵙⵢⴰ ⴼ ⵓⴽⵕⴰⵏⵢⴰ ⵉⵙⵓⵍ ⵓⴽⴰⵏ ⵙⵓⵍ ⴰⵔⴽⵉⵖ ⵜⵜⵓⵙⴽⴰⵔⵏ ⵉⵡⵜⵜⴰⵙⵏ ⵏ ⵔⵓⵙⵢⴰ ⵙ ⵓⵎⴰⵜⴰ.

ⵉⵣⴰⵢⴷ ⵓⵎⴰⵡⵙⴰⵙ ⴳ ⵢⴰⵏ ⵓⴱⵔⴰⴳⵔⴰⵡ ⴰⵏⴰⵖⵎⴰⵙ ⵏⵏⴰ ⵜⵣⵣⵔⵉ ⵜⴱⴰⴷⵓⵜ ⵜⴰⵔⵓⵙⵉⵜ, ⵎⴰⵙⴷⴷ ⵉⵙⵔⴷⴰⵙ ⵉⵔⵓⵙⵉⵏ ⵙⵓⵍⵏ ⵓⴽⴰⵏ ⵙⵓⵍ ⴳ ⵓⵙⵓⴳⵉ ⴷ ⵉⵎⵉⵖ ⴷ ⵉⵙⵔⴷⴰⵙ ⵏ ⵓⴽⵕⴰⵏⵢⴰ ⴰⵔ ⵖⵉⵍⴰⴷ, ⵙ ⵓⵏⴰⵔⵓⵣ ⵏ ⵓⵙⴷⴷⵉⴷ ⵏ ⴽⵓⵍⵍ ⵉⵡⵜⵜⴰⵙⵏ ⵏⵏⴰ ⵜⵙⵔⵙ ⵜⵏⴱⴰⴹⵜ ⵜⴰⵔⵓⵙⵉⵜ ⴰⴼⴰⴷ ⴰⴷ ⵜⵏ ⵜⵙⴷⴷⵔⴼⵉ ⴳ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ.

ⵉⵣⴰⵢⴷ ⵓⵎⴰⵡⵙⴰⵙ ⵉⵏⵏⴰ ⵎⴰⵙⴷⴷ ⴰⵡⵜⵜⴰⵙ ⵏ ⵔⵓⵙⵢⴰ ⵉⴳⴰⵜ ⴰⴷ ⵜⴽⴽⵙ ⵓⵍⵓⴼ ⵜⵙⵙⴼⴰⵖ ⵉⵖⵡⵡⴰⵖⵏ, ⴳ ⵓⴽⵕⴰⵏⵢⴰ ⴷ ⵡⴰⵔⴰⵢ ⵏ ⵓⴽⵕⴰⵏⵢⴰ ⵙⴳ ⵜⵖⵡⵡⴰⵖⵜ ⵜⴰⵙⵔⴷⴰⵙⵜ ⵏⵏⴰ ⵙⴽⵔⵏⵜ ⴽⵉⴳⴰⵏ ⵏ ⵜⵎⵉⵣⴰⵔ ⵏⵏⴰ ⵉⵎⵢⴰⵡⴰⵙⵏ ⴷ ⵓⴽⵕⴰⵏⵢⴰ.

ⵉⵙⵔⴷⴰⵙ ⴷ ⵜⵏⴱⴰⴹⵜ ⵏ ⵔⵓⵙⵢⴰ ⵜⵏⵏⴰ ⴳ ⵢⴰⵏ ⵓⵙⵉⵡⴹ ⵢⴰⴷⵏⵉⵏ , ⵎⴰⵙ ⵔⴰⴷ ⵓⵔ ⵜⵙⴱⵉⴷⴷ ⵉⵎⵉⵖ ⴷ ⵓⵙⵓⴳⵉ ⵏⵏⵙ ⴼ ⵉⵙⵔⴷⴰⵙ ⴷ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ ⴰⵔⴽⵉⵖ ⵜⵙⵙⵉⴷⵔ ⵉⵡⵜⵜⴰⵙⵏ ⵏⵏⴰ ⵜⵏⵏⵓⵔⵙ ⴰⴷ ⵜⵜⵓⵙⴽⴰⵔⵏ ⴳ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%8E%E2%B5%93%E2%B5%99%E2%B4%BD%E2%B5%93-%E2%B5%89%E2%B5%99%E2%B5%93%E2%B5%8D-%E2%B5%93%E2%B4%BD%E2%B4%B0%E2%B5%8F-%E2%B5%99%E2%B5%93%E2%B5%8D-%E2%B5%93%E2%B5%99%E2%B5%93%E2%B4%B3%E2%B5%89-%E2%B4%B0%E2%B5%94%E2%B4%B7-%E2%B4%B3%E2%B5%8F-%E2%B5%89%E2%B5%A1%E2%B5%9C%E2%B5%9C%E2%B4%B0%E2%B5%99%E2%B5%8F-%E2%B5%9C%E2%B5%89%E2%B4%B7%E2%B5%9C