Published on MAPNews (https://www.mapnews.ma/am)

Accueil > ⴰⵎⵙⵎⴰⵎⴽ ⵍⵃⵍⵓ ⵔⴰⴷ ⵢⴰⵡⵙ ⴳ ⵓⴼⵙⴰⵔ ⴳ ⵍⵇⵓⴷⵙ

ⴰⵎⵙⵎⴰⵎⴽ ⵍⵃⵍⵓ ⵔⴰⴷ ⵢⴰⵡⵙ ⴳ ⵓⴼⵙⴰⵔ ⴳ ⵍⵇⵓⴷⵙ

17 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵔⴰⴷ ⵉⴼⵙⵔ ⵓⵎⵙⵎⴰⵎⴽ ⵎⴰⵙⵙ ⵀⵉⵛⴰⵎ ⵍⵃⵍⵓ ⵉⵙⵏⴼⵍⵓⵍⵏ ⵏⵏⵙ ⴰⵙⵙ ⵏ 18 ⴱⵕⴰⵢⵕ ⴰⴷ ⴳ ⵢⴰⵏ ⵓⵙⴼⵙⵔ ⴰⵎⴰⴹⵍⴰⵏⴳ ⵜⵎⴰⵣⵉⵔⵜ ⵏ ⵍⵇⵓⴷⵙ.

ⵉⵏⵏⴰ ⵢⴰⵏ ⵓⵙⵉⵡⴹ ⵏⵏⴰ ⴰⵖⴷ ⵉⵍⴽⵎⵏ ⵎⴰⵙⴷ ⴰⵏⴰⵥⵓⵕ ⵀⵉⵛⴰⵎ ⵍⵃⵍⵓ ⵔⴰⴷ ⵉⴼⵙⵔ ⵜⵉⵡⵡⵓⵔⵉⵡⵉⵏ ⵏⵏⵙ ⵏ ⵜⵥⵓⵕⵉ ⴳ ⵢⴰⵏ ⵓⴼⵙⴰⵔ ⵏⵏⴰ ⵔⴰⴷ ⵉⵙⵎⵓⵏ ⴳⵔ ⵙⵎⵎⵓ ⵎⵔⴰⵡ ⵏ ⵓⵏⴰⵥⵓⵕⴷ ⵓⵎⵙⵎⴰⵎⴽ ⵏⵏⴰ ⴷ ⴷⴷⴰⵏⵉⵏ ⵙⴳ ⴽⵉⴳⴰⵏ ⵏ ⵜⵎⵉⵣⴰⵔ ⴳ ⵢⴰⵏ ⵓⴼⵙⴰⵔ ⵏ ⵜⵥⵓⵕⵉ ⵜⴰⵏⴰⵎⵓⵏⵜ ⴷ ⵜⵙⵔⵜⴰⵏⵜ ⵜⴰⵜⵔⴰⵔⵜ ⴳ ⵜⵎⴰⵣⵉⵔⵜ ⵏ ⵍⵇⵓⴷⵙ,ⵉⴳ ⵓⵙⴰⵍⴰⵢ ⴰⴷ ⵡⴰⵏⵏⴰ ⵉⵜⵜⵓⵙⵜⴰⵢⵏ ⵙⴳ ⴷⴰⵔ ⵏⵢⵓⵢⵓⵕⴽ ⵟⵟⴰⵢⵎⵥ ⵎⴰⵙ ⵉⴳⴰ ⵢⴰⵏ ⵙⴳ 29 ⵏ ⵜⵎⵔⵙⵍⵜ ⵜⴰⵥⵓⵕⴰⵏⵜ ⵏⵏⴰ ⴱⴰⵀⵔⴰ ⵉⵖⵓⴷⴰⵏ ⴳ ⵓⵎⴰⴹⴰⵍ.

ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙⴷ ⴰⵎⵙⵎⴰⵎⴽ ⴰⵎⵖⵔⵉⴱⵉ ⴰⴼⴰⵕⴰⵏⵙⵉ ⵉⴽⴽⴰ ⵜⵜ ⵉⵏⵏ ⵉⴼⵙⵔ ⵜⵉⵡⵡⵓⵔⵉⵡⵉⵏ ⵏⵏⵙ ⴳ ⵜⵎⴰⵣⵉⵔⵜ ⵏ ⵍⵇⵓⴷⵙ ⴳ ⵓⵙⴳⴳⵯⴰⵙ ⵏ 2017 ⴳ ⵓⴼⵙⴰⵔ ⵏ ⵓⵙⵎⴰⵎⴽ ⴰⵏⴰⵎⵓⵏ ⵉ ⵜⵥⵓⵕⵉⵡⵉⵏ ⵏⵏⴰ ⵉⵙⵎⵓⵏⵏ ⴳⵔ ⵉⵎⵙⵎⴰⵎⴽⵏ ⵉⵎⵖⴰⵔⴱⵉⵏ ⴷ ⴰⵢⵜ ⵉⵙⵕⴰⵢⵉⵍ.

ⵉⵏⵏⴰ ⴷⴰⵖ ⵓⵙⵉⵡⴹ ⴰⴷ ⵎⴰⵙⴷ ⴰⴼⵙⴰⵔ ⴰⴷ ⵔⴰⴷ ⵉⵏⵏⵓⵕⵥⵎ ⵜⵉⴳⴳⵓⵔⴰ ⵏⵏⵙ ⴳ ⵡⴰⵙⵙ ⵏ 18 ⴱⵕⴰⵢⵕ ⴳ ⵜⵉⵣⵉ ⵜⵉⵙⵙ 11,ⵔⴰⴷ ⵉⵙⴽⵔ ⵢⴰⵏ ⵓⵙⵙⵉⴷⵔ ⵏ ⵜⵥⵓⵕⵉ ⴰⴷ ⴳ ⵓⵣⵎⵣ ⵏ ⵓⴱⴰⵢⵢⵓⵕ, ⴷ ⵎⴰⵏⵉⴽ ⴰⵙ ⴷⴰⵖ ⵉⵜⵜⵡⴰⵍⴰⵙ ⵓⵎⴰⴹⴰⵍ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ , ⵜⴳ ⵜⵥⵓⵕⵉ ⵢⴰⵜ ⵜⵓⵎⴰⵏⵜ ⵏⵏⴰ ⴷ ⵉⵜⵜⴰⵡⵉⵏ ⵉ ⵉⵎⵥⵕⵉ ⵢⴰⵏ ⵓⵏⴰⵔⵓⵣ ⵉⴼⵓⵍⴽⵉⵏ ⵉ ⵓⵏⵍⵍⵉ ⵏⵏⵙ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8E%E2%B5%99%E2%B5%8E%E2%B4%B0%E2%B5%8E%E2%B4%BD-%E2%B5%8D%E2%B5%83%E2%B5%8D%E2%B5%93-%E2%B5%94%E2%B4%B0%E2%B4%B7-%E2%B5%A2%E2%B4%B0%E2%B5%A1%E2%B5%99-%E2%B4%B3-%E2%B5%93%E2%B4%BC%E2%B5%99%E2%B4%B0%E2%B5%94-%E2%B4%B3-%E2%B5%8D%E2%B5%87%E2%B5%93%E2%B4%B7%E2%B5%99