Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

16 ⴱⵕⴰⵢⵕ 2022 Version Imprimable
ⴱⵓⵣⵏⵉⵇⴰ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⵕⴱⵉ ⴰⵙⵙ ⵏ 16 ⴼⴱⵕⴰⵢⵕ 2022ⴳ ⵜⵎⵣⴷⵓⵖⵜ ⵜⴰⴳⵍⴷⴰⵏⵜ ⵏ ⴱⵓⵣⵏⵉⵇⴰ ⵢⴰⵜ ⵜⵉⴳⵉⵡⵔⵜ ⵏ ⵜⵡⵓⵔⵉ ⵉⵣⵍⵉⵏ ⵏ ⵜⵏⵜⵜⴰⵎⵜ  ⵜⴰⵎⴰⵢⵏⵓⵜ ⵏ ⵉⵙⵙⴰⵔⵓⵏ

ⵜⴽⵛⵎ ⵜⵉⴳⵉⵡⵔⵜ ⵏ ⵜⵡⵓⵔⵉ ⴰⴷ ⴳ ⵓⵎⵎⴰⵙ ⵏ ⵉⵙⵏⴰⵡⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⴳ ⵉⵏⴰⵡ ⵏ ⵓⵕⵥⵥⵓⵎ ⵏ ⵓⴱⵕⵍⴰⵎⴰⵏⵉ ⵉⵙⵙⵓⵜⵔ ⵏ ⵓⵎⵎⴰⵣ ⵏ ⵜⵏⵜⵜⴰⵎⵜ  ⵜⴰⵎⴰⵢⵏⵓⵜ ⵏ ⵉⵙⵙⴰⵔⵓⵏ ⴳ ⵡⴰⴽⵓⴷ ⵉⵖⴰⵡⵍⵏ

ⴳ ⵓⵎⵎⴰⵙ ⵏ ⵜⵉⴳⵡⵉⵔⵜ ⴰⴷ ⵉⵜⵜⵓⵙⵎⵏⵉⴷ ⵏ ⵢⴰⵏ ⵓⵙⴼⵙⴰⵔ ⵏ ⵉⵣⵔⵉⴳⵏ ⵉⵎⵇⵇⵇⵓⵕⵏ ⵏ ⵓⵙⵏⵜⵉ ⵏ ⵜⵎⵜⵜⴰⵜⵏ ⵏ ⵉⵙⵙⴰⵔⵓⴷ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵓⵎⴰⵙⴰⵙ ⴰⵎⴰⵔⵉ ⴷⴰⵔ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵉⵙⵙⴰⵔⵓⵏ ⴷ ⵉⵎⵓⵏ ⴷ ⵓⵙⵓⵜⴳ ⵏ ⵜⵙⵔⵜⴰⵏⵉⵏ ⵜⵉⴳⴷⵓⴷⴰⵏⵉⵏ

 ⵉⵡⵜⵜⴰⵙ ⵓⵙⵏⵜⵉ ⴰⴷ ⵍⵍⵉ ⵢⴽⵛⵎ ⴳ ⵓⵙⴰⵜⵉ ⵏ ⵉⵎⴰⵏ ⴷ ⵓⵏⴰⵡ ⵏ ⵓⵏⴳⵎⵓ ⴰⵎⴰⵢⵏⵓ ⵙⵍⴰⵡⴰⵏ ⴰⴽⴽⵯ ⴰⴷ ⵉⵙⵏⴼⴰⵍ ⵏ ⴰⵎⵏⵉⴷ ⵏ ⵖⵉⵍⴰⴷ ⵎⴰⵢⴰⴷ ⵉⴳⴰⵏ ⵓⵙⵙⴰⵔⵓ ⵓⵙⵍⵉⴳ ⵍⵃⴰⵡⴰⵍ ⵏ ⵜⵓⵍⵜ ⵏ ⵉⵙⵙⴰⵔⵓⵏ ⴳ ⵓⵎⵖⵍⴰⵍ ⴷ ⵓⵙⵙⴰⵔⵓ ⴰⴳⴷⵓⴷⴰⵏ ⵜⵓⵍⵓⵜ ⵍⵍⵉⵖ ⵉⵔⴰ ⴰⴷ ⵢⴰⵙⵉ ⴰⵎⵓⵔ ⵏ ⵓⵙⵙⴰⵔⵓ ⵓⵙⵍⵉⴳ ⴰⵔ ⵜⵓⵍⵓⵜ ⴷ ⵓⵎⵖⵍⴰ ⴳ ⵓⵎⵏⵉⴷ 2035.

 ⴳⴰⵏ ⵉⵡⵜⵜⴰⵙⵏ ⵉⴷⵍⵙⴰⵏ ⵉⵜⵜⵓⵣⵍⴰⵢⵏ ⴳ ⵜⵎⵜⵜⴰⵏⵜ ⵏ ⵓⵙⵙⴰⵔⵓ ⴰⵎⴰⵢⵏⵓ ⴰⵙⴽⵔ ⵏ ⵉⵏⵙⴰⵏ ⵏ ⵜⵡⵓⵔⵉ ⴷ ⵉⵏⴽⴽⵔⵙ ⵏ ⵜⴳⵎⵉ ⵜⵖⵓⴷⴰⵏⵜ ⵏ ⵉⴳⵔ ⴷ ⵓⵣⵣⵍⴰⵢ ⵏ ⵉⴳⵔⴰⵏ ⵉⴼⵓⵍⴽⵉⵏ ⵖⵓⵔⵙⵏ ⴰⴷⴷⵓⵔ ⴰⵎⵣⵡⴰⵔⵓ ⴳ ⵜⴷⵍⵙⴰ ⵜⴰⵏⴰⵎⵓⵔⵜ ⴳ ⵓⵙⴰⵜⵉ ⴰⴷ ⵉⵍⵍⴰ ⴳ ⵓⵙⵏⵜⵉ ⵏ ⵜⵎⵜⵜⴰⵏⵜ ⵜⴰⵎⴰⵢⵏⵓⵜ ⵙⴰⵍⴰⵡⵏ ⴰⴽⴽⵯ ⵉⵙⵡⵓⴷⴷⵓⵏ ⵉⴷⵍⵙⴰⵏⵏ ⵏ ⵓⵏⵏⴰⵍ :

 ⴰⵔⵔⴰⵣ ⵏ ⵓⵏⵏⴰⵍ ⵏ ⵉⵙⵙⴰⵔⵓⵏ ⵉⵎⵓⵏ ⴷⴷ ⵉⵙⵡⴰⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⴷ ⵉⵡⵜⵜⴰⵙⵏ ⵏ ⵡⵏⴰⵡ ⵏ ⵓⵏⴳⵎⵓ ⴰⵎⴰⵢⵓⵏ ⵉⵣⵡⴰⵔⵓⵏ ⵍⵍⵉ ⵜⵜⵓⵣⵍⴰⵢ ⵜⵏⴱⴰⴹⵜ

 ⴰⵔⵔⴰⵣ ⴰⵣⵓⵣⴰⴼⵉ ⴳ ⵉⴳⵔⴰⵏ ⵉⵣⴰⵢⴷⵏ ⵉⵔⴰⵏ ⵓⵙⵔⵇⴱ ⵏ ⵉⵙⵙⴰⵔⵓⵏ ⴳ ⵜⵙⴳⴰⵡⵉⵏ ⵜⵉⵣⵍⵎⴰⴹⵉⵏ

 ⴰⵔⵔⴰⵣ ⵉⴳⵔⴰⵏ ⵉⵣⴰⵢⴷⵏ ⵉⵜⵜⵓⴼⴽⴰ ⵏ ⵓⵙⵔⵇⴱ ⵉⵡⵜⵜⴰⵙ ⵏ ⵓⵎⵓⵙⵙⵓ ⵏ ⵉⴳⵔⴰⵏ ⵏ ⵉⵎⴰⵍ

ⵉⵍⵍⴰ ⴳ ⵓⵙⵏⵜⵉ ⴰⴷ ⴰⵎⵎⴰⵣ ⵏ ⵉⵎⴰⴽⵏ ⵏ ⵓⵏⵏⴰⵍ ⵉⵣⵍⵉⵏ ⵙ ⵓⵙⵏⵜⵉ ⵖⵓⵔⵙⵏ ⵜⵖⵔⴰ ⴰⵙⵜⵔⴰⵜⵉⵙⵊⵉ ⴰⵎⵎ ⵜⵎⴳⵓⵔⵉ ⵏ ⵓⵎⵏⵣⴰⵖ ⵏⵖⴷ ⵜⵎⴳⵓⵔⵉ ⵜⴰⵙⴼⵔⵏⵜ ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵙⵙⴰⵔⵓⵏ ⴷ ⵜⴰⵎⴰⵏ ⵏ ⵉⵙⵡⵓⴷⴷⵓⵏ ⵉⵙⵍⵉⴳⵏ ⵏ ⵓⵏⵏⴰⵍ ⵏ ⵜⵎⵙⵙⵏⵜⵉⵏ ⵉⵎⵣⵢⴰⵏⵏ ⴱⴰⵀⵔⴰ ⴷ ⵉⵎⵣⵡⴰⵏⵏ ⴷ ⵉⵎⵣⵊⵀⴷⵉⵏ ⵓⵍⴰ ⵉⵙⵡⵓⴷⴷⵓⵏ ⵢⴰⴹⵏⵉⵏ ⵏ ⵉⵏⴽⵔⵙ ⵏ ⵉⵙⵙⴰⵔⵓⵏ ⵉⵎⵖⵔⴰⴱⵢⵉⵏ ⴳ ⴱⵕⵕⴰ

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵔⵇⴱ ⵏ ⵜⴳⵍⴷⵉⵜ ⴳ ⵜⵡⵓⵔⵉ ⵍⵍⵉ ⵜⵙⴽⵔ ⴷ ⵉⴼⴽⴰ ⵉⵙⵡⴰⵏ ⵏⵏⵙ ⵏ ⵓⵙⵓⵊⴷ ⴳ ⵉⴼⵔⵓⵔⵉⵏ ⵏ ⵓⵙⵔⵙ ⵏ ⵜⵎⵜⵜⴰⵜⵏ ⵜⴰⵎⴰⵢⵏⵓⵜ ⵏ ⵉⵙⵙⴰⵔⵓⵏ

 ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵍⴰⵍⵜ ⵜⴰⵏⵙⵙⵉⵅⴼⵜ ⵖⵓⵔ ⵉⴳⵔ ⵓⵙⵍⵉⴳ ⴰⵏⴰⵎⵓⵔ ⴳ ⵜⴰⵙⵙⴰⵔⵓⵜ ⵉⵖⵕⴰ ⵜⵏⴱⴰⴹⵜ ⴰⴷ ⴷⵔⵓⵏ ⵉⵎⵙⴽⴰⵔⵏ ⵓⵙⵍⵉⴳⵏ ⴳ ⵜⵔⵡⵉ ⴳ ⵓⵎⵎⴰⵙ ⵏⵏⵙⵏ ⵜⴰⴹⴰ ⵏ ⵜⵎⵙⵙⵏⵜⵉⵏ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⵣⵣⵓⵍⴰⵏ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⴳ ⵓⵖⴰⵔⴰⵙ ⵏ ⵓⵣⵔⵙ ⵏ ⵜⵎⵜⵜⴰⵏⵜ.

ⴳ ⵜⵙⴳⴰ ⵢⴰⴹⵏⵉⵏ ⵉⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵜⵜⵓⵙⵎⴰⵢⴰⵏ ⵏ ⴰⵃⴽⴰⵎ ⵉⵙⵍⴳⴰⵏⵏ ⴷ ⵓⵙⵔⵇⴱ ⵉⵅⵚⵚⴰⵜ ⵏ ⴰⴼⵓⵍⴽⵉ ⵏ ⵓⵣⵣⵉⴳⵔ ⴷ ⵓⴹⴼⴰⵕ ⴰⵙⵙⵏⵎⵍⴰⵏ ⴳ ⵡⴰⴽⴰⵍ ⵏ ⵜⵉⵍⴰⵡⵜ ⵉⵡⵜⵜⴰⵙⵏ ⵏ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵉⵙⵙⴰⵔⵓⵏ ⵓⵙⵍⵉⴳⵏ ⴷ ⵓⵙⵔⵙ ⵏ ⵜⴳⵍⴷⵉⵜ ⴰⵎⵎ ⴰⴽⴰⵍ ⵏ ⵉⵙⵙⴰⵔⵓⵏ ⴳ ⵉⵙⵡⵡⵉⵔⵏ ⴰⵙⴳⵡⴰⵏ ⴷ ⴰⵎⴰⴹⵍⴰⵏ.

ⵃⴰⴹⵕⵏ ⴳ ⵜⵉⴳⵉⵡⵔⵜ ⵏ ⵜⵡⵓⵔⵉ ⴰⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⴰ ⴰⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ , ⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵍⵄⴰⵍⴰⵡⵉ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵣⵔⴼ ⴷ ⵎⴰⵙⵙ ⵕⵕⵢⴰⴹ ⵎⵣⵡⵔ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵎⴰⵙⵙ ⵎⵓⵃⵙⵙⵉⵏ ⵍⵊⴰⵣⵓⵍⵉ ⴰⵎⴰⵡⵙⴰ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵉⵙⵙⴰⵔⵓⵏ ⴷ ⵉⵎⵓⵏ ⴷ ⵓⵙⵓⵜⴳ ⵏ ⵜⵉⵙⵔⵜⴰⵏⵉⵏ ⵜⵉⴳⴷⵓⴷⴰⵏⵉⵏ"

Dernière modification : 16 ⴱⵕⴰⵢⵕ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-62