ⵉⴷⴷⴰⴷ ⵓⵙⵍⴳⵏ ⴰⴷ ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⵢⴰⵏ ⵡⴰⵣⵣⴰⵏ ⵏⵏⴰ ⵉⴳⴰⵏ ⵙ ⵡⴰⵙⵙⴰⵖ ⵕⴰⵢⵢⴰⵏ ,ⴷⴼⴼⵉⵔ ⵍⵍⵉⵖ ⵏⵏ ⵉⴹⵕ ⴳ ⵢⴰⵏ ⵡⴰⵏⵓ ⵏⵏⴰ ⵉⵍⵍⴰⵏ ⴳ ⵜⵏⵉⵍⴰ ⵏ ⴰⵛⵛⴰⵡⵏ ⵎⵇⵇⴰⵔ ⵍⵍⴰⵏⵜ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵜ ⵊⵊⵏⵊⵎⵏ ,ⵎⴰⵛⴰⵏ ⵜⵉⵡⵉⵜ ⵜⵎⵜⵜⴰⵏⵜ ⵓⵔⵜⴰ ⵜ ⵍⴽⵎⵏ ⵉⵎⵊⵊⵏⵊⵎⵏ.
ⵉⴷⴷⴰⴷ ⵓⵙⵏⴼⴰⵕ ⴷ ⴰⴼⴰⴷ ⴰⴷ ⵉⵙⵙⵉⵎⵖⵓⵔ ⵜⵉⵏⴰⴼⵓⵜⵉⵏ ⵏ ⴰⵢⵜ ⵜⵏⴼⵔⵓⵜ ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⴰⴼⴰⴷ ⴰⴷ ⵙⵡⵡⵓⵔⵉⵏ ⴰⴷ ⴰⴽⴽⵯ ⵙⴽⵔⵏ ⵜⴰⵣⵔⴰⵡⵜ ⵉⵏⵉⴳⵏ ⵙ ⵡⵓⵏⴰ ⵏⵏⴰ ⴳ ⵓⵔ ⵜⵍⵍⵉ ⴽⵔⴰ ⵏ ⵍⴼⴰⵢⵜⵜ ⴰⴼⴰⴷ ⴰⴷ ⵜⵜⵓⵇⵇⴰⵏⵏ.
ⴳ ⵜⴳⵉⵔⴰ ⴰⴷ ⵍⵍⴰⵏⵜ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵜⵜⵓⵇⵇⴰⵏⵏ ⵡⵓⵏⴰ ⴰⴷ ⴷ ⵉⴳⴹⵢⴰⵏ ⵏ ⵡⴰⵎⴰⵏ ⵏⵏⴰ ⵉⵣⴹⴰⵕⵏ ⴰⴷ ⵉⵙⴽⵔ ⴽⵔⴰ ⵏ ⵓⵎⵓⴽⵔⵉⵙ ⵉ ⵉⵏⵎⵓⵔⵉⵏ ⴰⴽⴽⵯ , ⵙⵍⴰⵡⴰⵏ ⴰⴽⴽⵯ ⴳⵉⵙⵏ ⵜⴰⵣⵣⴰⵏⵉⵏ.
ⵏⵏⴰⵏ ⵉⵎⵙⵜⴳⴳⴰⵔⵏ ⵎⴰⵙⴷ ⴰⵢⵍⵍⵉ ⵉⵙⴰⵕⵏ ⵉ ⵕⴰⵢⴰⵏ ⵉⵇⵇⴰⵏⴷ ⴰⴷ ⵓⵔ ⵉⵜⵜⵡⴰⵍⴰⵙ, ⵉⵇⵇⴰⵏⴷ ⴰⴷ ⵏⵏ ⴳⵉⵏ ⵉⵎⵙⵜⴳⴳⴰⵔⵏ ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⴽⵉⴳⴰⵏ ⵏ ⵜⵣⵎⵎⴰⵔ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵙⴽⵔⵏ ⵢⴰⵏ ⵓⴷⵡⴰⵍ ⴰⵏⴰⵎⵓⵔ ⴰⴼⴰⴷ ⴰⴷ ⴰⴽⴽⵯ ⵇⵇⵏⵏ ⵡⵓⵏⴰ ⵏⵏⴰ ⵓⵔ ⵉⵙⴽⴰⵔⵏ ⴰⵡⴷ ⴽⵔⴰ ⵏ ⵜⵢⴰⴼⵓⵜ.
ⵔⴰⴷ ⵏⵉⵏⵉ ⵎⴰⵙⴷ ⴰⵢⵏⵏⴰ ⵉⵙⴰⵕⵏ ⵉ ⵉⴳⵍⵍⵉⵏ ⵏ ⵕⴰⵢⵢⴰⵏ ⴳ ⵜⴳⵉⵔⴰ ⵏ ⵉⵎⴰⵍ ⴰⵙⵙ ⵏⵏⴰ ⵉⵣⵔⵉⵏ ⵎⵇⵇⴰⵔ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵣⵎⵎⴰⵔ ⴷ ⵜⵡⵡⵓⵔⵉⵡⵉⵏ ⴰⴼⴰⴷ ⴰⴷ ⵜ ⵊⵊⵏⵊⵎⵏ ⵎⴰⵛⴰⵏ ⵜⵉⵡⵉⵜ ⵜⵎⵜⵜⴰⵏⵜ , ⵎⴰ ⴰⵏⵏ ⴰⴼ ⵙⴽⵔⵏ ⵉⵎⵙⵜⴳⴳⴰⵔⵏ ⴰⵙⵍⴳⵏ ⴰⴷ ⴰⴼⴰⴷ ⴰⴷ ⵜⵜⵓⵇⴰⵏⵏ ⵣⵓⵏⴷ ⴰⵏⴰⵡ ⴰⴷ ⵏ ⵡⵓⵏⴰ ⴳ ⵜⵖⵔⵎⵉⵏ ⴰⴽⴽⵯ ⴷ ⵓⵙⵓⵏⵏ ⵏ ⵜⵎⴰⵣⵉⵔⵜ ⵏⵏⵖ , ⴰⴼⴰⴷ ⴰⴷ ⵜⵜⵓⴼⵔⴰⴳⵏ ⵉⵏⵎⵓⵔⵉⵏ ⵓⵍⴰ ⵜⴰⵔⵡⴰ ⵏⵏⵙⵏ.