Published on MAPNews (https://www.mapnews.ma/am)

Accueil > ⴰⵙⵏⵜⵉ ⵏ ⵓⵙⵡⵡⵓⵔⵉ ⵏ ⵓⵎⴰⵣⴰⵏ ⵏ ⵍⵎⵖⵔⵉⴱ ⴳ ⴼⴰⵍⴰⵚⵟⵉⵏ

ⴰⵙⵏⵜⵉ ⵏ ⵓⵙⵡⵡⵓⵔⵉ ⵏ ⵓⵎⴰⵣⴰⵏ ⵏ ⵍⵎⵖⵔⵉⴱ ⴳ ⴼⴰⵍⴰⵚⵟⵉⵏ

10 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵉⵙⵔⵙ ⵎⴰⵙⵙ ⵄⴱⴷⵕⵕⴰⵃⵉⵎ ⵎⵣⵢⴰⵏ ⵜⵉⵏⴼⵓⵍⵉⵏ ⵏ ⵜⵡⵡⵓⵔⵉ ⵏⵏⵙ ⵉ ⵎⴰⵙⵙ ⴰⵏⵖⵍⴰⴼ ⵏ ⴱⵕⵕⴰ ⴷ ⵉⵏⵎⵎⵓⴷⴷⴰ ⵉⴼⴰⵍⵉⵙⵟⵉⵏⵉⵏ, ⵕⵉⵢⵢⴰⴹ ⵍⵎⴰⵍⴽⵉ, ⵏⵏⴰ ⵉⴳⴰⵏ ⴰⵎⴰⵣⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⴷⴰⵔ ⵓⵡⴰⵏⴽ ⵏ ⴼⴰⵍⴰⵚⵟⵉⵏ.

ⴳ ⵓⵙⵏⵓⴱⴳ ⴰⴷ ⵏⵏⴰ ⵉⵜⵜⵓⴳⴰⵏ ⴳ ⵡⴰⵏⵙⴰ ⵏ ⵜⵏⵖⵍⴰⴼⵜ ⵏ ⴱⵕⵕⴰ ⴳ ⵕⴰⵎⴰ ⵍⵍⴰⵀ, ⵉⵙⵏⵓⴱⴳ ⵓⵏⵖⵍⴰⴼ ⵏ ⴱⵕⵕⴰ ⴰⴼⴰⵍⴰⵚⵟⵉⵏⵉ ⵙ ⵓⵎⴰⵣⴰⵏ ⵏ ⵍⵎⵖⵔⵉⴱ ⴳ ⵜⵎⴰⵣⵉⵔⵜ ⵏⵏⵙ ⵜⵉⵙⵙ ⵙⵏⴰⵜ, ⵉⵏⵏⴰ ⵎⴰⵙⵜ ⵙⵙⵓⵙⵎⵏ ⵉⵣⴷⴰⵢⵏ ⵏⵏⴰ ⵉⵙⵎⵓⵏⵏ ⵍⵎⵖⵔⵉⴱ ⴷ ⵜⵎⴰⵣⵉⵔⵜ ⵏ ⴼⴰⵍⴰⵚⵟⵉⵏ, ⵙⵍⴰⵡⴰⵏ ⴰⴽⴽⵯ ⵜⴰⵢⵎⵓⵏⵜ ⵏ ⵍⵇⵓⴷⵙ ⴷ ⵜⴰⴷⴷⴰⵔⵜ ⵏ ⵉⴷⵔⵉⵎⵏ ⵏ ⵍⵇⵓⴷⵙ. 

ⵙ ⵜⵎⵍⴷⴰ ⴰⴷ ⴰⵙ ⵉⴼⴽⴰ ⵎⴰⵙⵙ ⵍⵎⴰⵍⴽⵉ ⴰⴼⵛⵛⴰⴷ ⵏⵏⵙ ⵉ ⵓⵖⵔⴼ ⴰⴽⴽⵯ ⴰⵎⵖⵔⵉⴱⵉ ⵙ ⵎⴰⴷ ⵉⵚⴰⵕⵏ ⵉ ⵉⴳⵍⵍⵉⵏ ⵏ ⵡⴰⵣⵣⴰⵏ ⵕⴰⵢⴰⵏ ⵏⵏⴰ ⵜⵉⵡⵉ ⵜⵎⵜⵜⴰⵏⵜ.

ⵎⴽⵍⵍⵉ ⵉⵙⵙⵓⵜⵔ ⴰⵎⵓⵔⵙ ⵉ ⵎⴰⵙⵙ ⵄⴱⴷⵕⵕⴰⵃⵉⵎ ⵎⵣⵢⴰⵏ ⴳ ⵜⵡⵡⵓⵔⵉ ⴰⴷ ⵏⵏⵙ ⵜⴰⵎⴰⵢⵏⵓⵜ,ⵎⴽⵍⵍⵉ ⵉⵏⵏⴰ ⵎⴰⵙⴷ ⵜⴰⵏⵖⵍⴰⴼⵜ ⵔⴰⴷ ⵜⴼⴽ ⴰⵏⵏⴰⵍ ⵉⴳⵓⵎⵏ ⴰⴼⴰⴷ ⴰⴷ ⵎⵓⵔⵙⵏⵜ ⵜⵏⴰⴼⵓⵜⵉⵏ ⵏ ⵓⵎⴰⵣⴰⵏ ⴰⵎⴰⵢⵏⵓ ⴰⴼⴰⴷ ⴰⴷ ⵙⴽⵓⵏⵜ ⴽⵉⴳⴰⵏ ⵏ ⵜⵣⴷⴰⵢⵉⵏ ⴷⵓⵙⵏⵉⵏ ⴳⵔ ⵙⵉⵏ ⵉⵡⴰⵏⴽⵏ ⴰⴷ.

ⴳ ⵜⵙⴳⴰ ⵏⵏⵙ ⵉⵙⵏⵉⵎⵎⵔ ⴽⵉⴳⴰⵏ ⵎⴰⵙⵙ ⵎⵣⵢⴰⵏ ⴰⵏⵖⵍⴰⴼ ⵏ ⴱⵕⵕⴰ ⴰⴼⴰⵍⴰⵚⵟⵉⵏⵉ ⴼ ⵓⵙⴱⵔⵔⴽ ⵏⵏⵙ ⵉⴷⵓⵙⵏ, ⵉⵙⵙⴷⵓⵙ ⵙ ⵜⵣⴷⴰⵢⵉⵏ ⴼⵓⵍⴽⵉⵏⵉⵏ ⴳⵔ ⵍⵎⵖⵔⵉⴱ ⴷ ⴼⴰⵍⵉⵚⵟⵉⵏ.

ⵎⴽⵍⵍⵉ ⵉⵏⵏⴰ ⵎⴰⵙ ⵔⴰⴷ ⵉⵙⵡⵡⵓⵔⵉ ⴰⵢⴰⴷ ⴰⴷ ⵉⵙⴱⵓⵖⵍⵓ ⴰⵙⵡⵉⵔ ⵏ ⵜⵣⴷⴰⵢⵉⵏ ⴰⴷ ⵏⵏⴰ ⵉⵙⵎⵓⵏⵏ ⵜⵉⵎⵉⵣⴰⵔ ⴰⴷ ⵙ ⵙⵏⴰⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B5%A1%E2%B5%A1%E2%B5%93%E2%B5%94%E2%B5%89-%E2%B5%8F-%E2%B5%93%E2%B5%8E%E2%B4%B0%E2%B5%A3%E2%B4%B0%E2%B5%8F-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B4%BC%E2%B4%B0%E2%B5%8D%E2%B4%B0%E2%B5%9A%E2%B5%9F%E2%B5%89%E2%B5%8F