ⵜⵙⵙⴳⵎⴹ ⵜⵏⴱⴰⴹⵜ ⴼ ⵓⵙⵏⴼⴰⵕ ⵏ ⵓⵙⴽⴽⵉⵔ ⵏ ⵜⵏⵣⵣⴰⵔⴼⵓⵜⵉⵏ ⵜⵉⵎⴰⵢⵏⵓⵜⵉⵏ ⴳ ⵍⵎⵖⵔⵉⴱ

08 ⴱⵕⴰⵢⵕ 2022 Version Imprimable

ⵕⵕⴱⴰⵟ - ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⴳ ⵓⴳⵔⴰⵡ ⵏ ⵡⴰⵙⵙ ⵏ ⵓⴽⵡⴰⵙ ⴰⴷ ⵉⵣⵔⵉⵏ ⴼ ⵓⵙⵏⴼⴰⵕ ⵏⵏⴰ ⵉⵣⴷⵉⵏ ⴷ ⵓⵙⴷⴷⵉⴷ ⵏ ⴹⴹⴰⵀⵉⵕ ⵏ ⵓⵙⵏⵎⴰⵍⴰ ⵏ ⵉⴳⵔ ⵏ ⵜⵣⵣⴰⵔⴼⵓⵜⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ..

ⵉⴷⴷⴰⴷ ⵓⵙⵏⴼⴰⵕ ⴰⴷ ⵙⴳ ⵉⵏⴰⵡ ⵏⵏⴰⴷ ⵉⴼⴼⴰⵖⵏ ⵙⴳ ⴷⴰⵔ ⵜⵏⵖⵍⴰⴼⵜ ⵏ ⵜⵖⴹⵎⵜ ⴰⴼⴰⴷ ⴰⴷ ⵉⵙⵙⵖⵍⵉ ⵓⵟⵟⵓⵏ ⵏ ⵜⵏⵣⵣⴰⵔⴼⵓⵜⵉⵏ ⵙⴳ 22 ⴰⵔ 23 ⵏ ⵜⵏⵣⵣⴰⵔⴼⵓⵜ,ⴷⴼⴼⵉⵔ ⵏ ⵓⵡⵏⵏⵉ ⵏ ⵓⵏⵖⵍⴰⴼ ⵏ ⵜⵖⴹⵎⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ ⴰⴼⴰⴷ ⴰⴷ ⵜⵜⵓⵙⴽⴰⵔ ⵜⵏⵣⵣⴰⵔⴼⵓⵜ ⵏ ⵍⵉⵙⵜⵉⵏⴰⴼ ⴳ ⵜⵖⵔⵎⵜ ⵏ ⴷⴷⴰⵅⵍⴰ.

ⵎⴽⵍⵍⵉ ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⵅⴼ ⵓⵙⵏⴼⴰⵕ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵡⴰⵢⵏⵓⵏ ⵏ ⵜⵏⵣⵣⴰⵔⴼⵓⵜⵉⵏ ⵜⵉⵙⴱⴱⴰⴱⵉⵏ ⴷ ⵜⵓⵥⵍⴰⵢⵉⵏ ⵏⵏⵙ ⵎⵢⴰⵏⴰⵡⵏⵉⵏ.

ⵢⵓⵛⴽⴰⴷ ⵓⵙⵏⴼⴰⵕ ⴰⴷ ⴰⴼⴰⴷ ⴰⴷ ⵉⵙⴽⵔ ⵢⴰⵜ ⵜⵏⵣⵣⴰⵔⴼⵓⵜ ⴳ ⵜⵖⵔⵎⵜ ⵏ ⴷⴷⴰⵅⵍⴰ ⴷ ⵢⴰⵜ ⵢⴰⴹⵏ ⴳ ⵜⵖⵔⵎⵜ ⵏ ⵍⵄⵢⵓⵏ, ⵎⴰ ⴰⵏⵏ ⴰⵔⴰⴷ ⵉⵙⵙⵖⵍⵉ ⵓⵟⵟⵓⵏ ⵏ ⵜⵏⵣⵣⴰⵔⴼⵓⵜⵉⵏ ⵜⵉⵙⴱⴱⴰⴱⵉⵏ ⴰⵔ 10 ⵏ ⵜⵏⵣⵣⴰⵔⴼⵓⵜⵉⵏ.

ⴳ ⵜⵙⴳⴰ ⵢⴰⴹⵏ, ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⴼ ⵢⴰⵏ ⵓⵙⵏⴼⴰⵕ ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷ ⵉⵙⵙⴷⵓⵙ ⵜⵉⵣⵎⵎⴰⵔ ⵏ ⵓⵙⵏⴼⴰⵕ ⴰⴷ ⵏⵏⴰ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵓⵟⵟⵓⵏ ⵏ ⵜⵏⵣⵣⴰⵔⴼⵓⵜⵉⵏ ⴳ ⵜⵎⴰⵣⵉⵔⵜ ⵏⵏⵖ

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9C%E2%B5%99%E2%B5%99%E2%B4%B3%E2%B5%8E%E2%B4%B9-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%BC-%E2%B5%93%E2%B5%99%E2%B5%8F%E2%B4%BC%E2%B4%B0%E2%B5%95-%E2%B5%8F-%E2%B5%93%E2%B5%99%E2%B4%BD%E2%B4%BD%E2%B5%89%E2%B5%94-%E2%B5%8F-%E2%B5%9C%E2%B5%8F%E2%B5%A3%E2%B5%A3%E2%B4%B0%E2%B5%94%E2%B4%BC%E2%B5%93%E2%B5%9C%E2%B5%89%E2%B5%8F-%E2%B5%9C%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C%E2%B5%89%E2%B5%8F-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1