ⴰⵙⵎⵏⵉⴷ ⵏ ⵜⴰⵏⴰⴹⵜ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⴰⴹⴼⵕ ⵏ ⵓⵣⵣⵉⴳⵣ ⵏ ⵓⵙⴰⴹⴰⴼ ⴰⴼⵔⵉⵇⵉ ⵏ ⵜⵎⵣⵣⵉⵜ ⴳ ⵍⵎⵖⵔⵉⴱ ⵎⵏⵉⴷ ⵏ ⵓⵏⵎⵓⵇⵇⴰⵔ ⴰⵅⴰⵜⴰⵔ ⵡⵉⵙⵙ 35 ⵏ ⵜⴰⵎⵓⵏⵜⵉⴼⵔⵉⵇⵢⴰ

07 ⴱⵕⴰⵢⵕ 2022 Version Imprimable

ⴰⴷⵉⵙ ⴰⴱⴰⴱⴰ - ⵉⵙⵙⵎⵏⵉⴷ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⵖ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴰⵙⵙ ⵏ ⵓⵙⴰⵎⴰⵙ ⵎⵏⵉⴷ ⵏ ⵓⵏⵎⵓⵇⵇⴰⵔ ⴰⵅⴰⵜⴰⵔ ⵡⵉⵙⵙ 35 ⵏ ⵜⴰⵎⵓⵏⵜⵉⴼⵔⵉⵇⵢⴰ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴰⴷⵉⵙ ⴰⴱⴰⴱⴰ ⵜⴰⵏⴰⴹⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⴰⴹⴼⵕ ⵏ ⵓⵣⵣⵉⴳⵣ ⵏ ⵓⵙⴰⴹⴰⴼ ⴰⴼⵔⵉⵇⵉ ⵏ ⵜⵎⵣⵣⵉⵜ ⴳ ⵍⵎⵖⵔⵉⴱ .

ⵉⵏⵏⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴳ ⵢⴰⵜ ⵜⵙⴳⵓⵔⵉ ⵙ ⵓⵣⵎⵣⵣⵓ ⵢⴰⴷ ⵎⴰⵙ ⵉⵜⵜⵔⵙ ⵜⵏⴰⴹⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⴽⵕⴰⵜ ⵜⴱⵔⴰⵜⵉⵏ .

ⵔⵏⵓ ⵉⵏⵏⴰ ⵎⴰⵙ ⵜⴰⴱⵔⴰⵜ ⵜⴰⵎⵣⵡⴰⵔⵓⵜ ⵉⴳⴰⵜ ⵎⴰⵙ ⵜⵓⵜ ⵉⴼⵉⵇⵢⴰ ⵜⵉⵕⵥⵉ ⵉⴳⴳⵓⵜⵏ ⵉⵅ ⵉⴳⴰ ⵍⵃⴰⵍ ⵜⵉⵏ ⵜⵎⵣⵣⵉⵜ ⵏⵖ ⵜⵉⵏ ⵓⴱⴰⵢⵢⵓⵕ ⵙⵍⴰⵡⴰⵏ ⴰⴽⴽ ⴳ ⵎⴰⴷ ⵉⵣⵍⵉⵏ ⵙ ⴰⴷⴷⴰⴷ ⵏ ⵉⵅⴷⴷⴰⵎⵏ.

ⵉⵙⴷⴷⵉⴷ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵎⴰⵙ ⵜⴳⴰ ⵜⴱⵔⴰⵜ ⵜⵉⵙⵙ ⵙⵏⴰⵜ ⵓⵣⵣⵉⴳⵣ ⵏ ⵓⵙⴰⴹⴰⴼ ⴰⴼⵔⵉⵇⵉ ⴳ 3 ⵉⵙⵡⵉⵔⵏ ⵡⴰⴷ ⵣⵡⴰⵔⵏ ⵡⵉⵏ ⵍⵎⵖⵔⵉⴱ ⵡⵉⵙⵙ ⵙⵉⵏ ⵉⴼⵔⵉⵇⵢⴰ ⵡⵉⵙⵙ ⴽⵕⴰⴹ ⴰⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵉⴼⵔⵉⵇⵢⴰ.

ⴰⵎⵎⴰ ⵜⴰⴱⵔⴰⵜ ⵜⵉⵙⵙ ⴽⵔⴰⵟ ⵉⴼⵔⴰ ⵉⵏⵏⴰ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⵖ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵜⴳⴰⵜ ⵜⴰⵥⴹⴰⵕⵜ ⵏ ⵉⴼⵔⵉⵇⵢⴰ ⴰⴷ ⵜⵏⴽⵔ ⵙ ⵜⵡⵓⵔⵉ ⵏⵏⵙ ⴳ ⵜⴰⴱⴱⴰⴹⵜ ⴰⴷ ⵜⴰⵎⴰⵢⵏⵓⵜ ⵏ ⵜⵎⵣⵣⵉⵜ ⵍⵍⵉ ⵉⵔⴰ ⵓⵎⵉⵔⵓ ⵏ ⵎⴰⴽⵛ ⴰⴷ ⵙ ⵜ ⵉⵍⴽⵎ

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%9C%E2%B4%B0%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%85%E2%B4%BC-%E2%B4%B0%E2%B4%B9%E2%B4%BC%E2%B5%95-%E2%B5%8F-%E2%B5%93%E2%B5%A3%E2%B5%A3%E2%B5%89%E2%B4%B3%E2%B5%A3-%E2%B5%8F-%E2%B5%93%E2%B5%99%E2%B4%B0%E2%B4%B9%E2%B4%B0%E2%B4%BC-%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89-%E2%B5%8F-%E2%B5%9C%E2%B5%8E%E2%B5%A3%E2%B5%A3%E2%B5%89%E2%B5%9C-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1