Published on MAPNews (https://www.mapnews.ma/am)

Accueil > ⴰⵙⵏⴼⴰⵕ ⴷ ⵜⵏⴰⴼⵓⵜⵉⵏ ⵜⵓⵟⵜⵓⵏⴰⵏⵉⵏ ⴳ ⵉⴳⵔ ⵏ ⵜⵖⴹⵎⵜ ⴷ ⵜⵏⵣⵣⴰⵔⴼⵓⵜⵉⵏ

ⴰⵙⵏⴼⴰⵕ ⴷ ⵜⵏⴰⴼⵓⵜⵉⵏ ⵜⵓⵟⵜⵓⵏⴰⵏⵉⵏ ⴳ ⵉⴳⵔ ⵏ ⵜⵖⴹⵎⵜ ⴷ ⵜⵏⵣⵣⴰⵔⴼⵓⵜⵉⵏ

04 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⴰⵔ ⵜⵜⵃⵢⵢⴰⵍ ⵜⵏⵖⵍⴰⴼⵜ ⵏ ⵜⵖⴹⵎⵜ ⴰⴼⴰⴷ ⴰⴷ ⵜⵙⴽⵔ ⵢⴰⵜ ⵜⵡⵓⵔⵉ ⵏ ⵜⵓⵟⵜⵓⵏⴰⵏⵜ ⴳ ⵉⴳⵔ ⵏ ⵓⵙⵏⴱⴹ ⵜⵉⵔⵉ ⴰⴷ ⵜ ⵜⴼⵙⵔ ⴼ ⵓⵙⵇⵇⵉⵎ ⵓⵏⴱⵉⴹ ⵓⵔⵜⴰ ⵜ ⵜⴼⴽⵉ ⵉ ⵓⴱⵕⵍⴰⵎⴰⵏ.

ⴰⵡⵜⵜⴰⵙ ⵏ ⵓⵙⵏⴼⴰⵕ ⴰⴷ ⵙⴳ ⵓⵏⵇⵇⵉⵙ ⵏⵏⵙ ⵏⵏⴰ ⴰⵖⴷ ⵉⵍⴽⵎⵏ ⴰⴷ ⵢⵉⵍⵉ ⵓⵙⵙⵉⴷⴼ ⵏ ⵜⴻⵜⵉⵇⵏⵉⵢⵢⵉⵏ ⵜⵉⵜⵔⴰⵔⵉⵏ ⴳ ⵉⴳⵔ ⵏ ⵓⵙⵏⴱⴹ ⵙⴳ ⴳⵉⵙⵏ ⴰⴼⵔⴰⴳ ⵏ ⵜⵓⵎⵍⴰⵢⵉⵏ ⵜⵉⵏⵉⵎⴰⵏⵉⵏ .

ⴳ ⵓⵎⵏⵉⴷ ⴰⴷ , ⵔⴰⴷ ⵜⵜⵓⵙⵎⵔⴰⵙⵏⵜ ⴽⵉⴳⴰⵏ ⵏ ⵜⵉⵜⵉⵇⵏⵉⵢⵉⵏ ⵜⵉⵜⵔⴰⵔⵉⵏ ⴳ ⵉⴳⵔ ⵏ ⵜⵎⵀⵍⴰ, ⵜⵜⵓⵙⵎⵔⴰⵙⵏ ⴰⵡⴷ ⵜⵉⵎⴰⵎⴽⵉⵏ ⵜⵉⵜⵔⴰⵔⵉⵏ ⵏⵏⴰ ⴳⴰⵏⵉⵏ ⵜⵓⵟⵟⵓⵏⵉⵏ ⴰⴼⴰⴷ ⴰⴷ ⴰⴽⴽⴰⵏ ⵜⵉⵏⴰⴼⵓⵜⵉⵏ ⵙⴳ ⵜⵓⴳⴳⵓⴳⵜ, ⴷ ⵉⴳⵉⵡⵔⵏ ⵏ ⵜⵓⴳⴳⵓⴳⵜ ⴰⵡⴷ ⵏⵜⵜⵏⵉ.

ⵉⵔⴰ ⵓⵙⵏⴼⴰⵔ ⴰⴷ ⴰⴷ ⵉⵙⴷⴷⵉⴷ ⴽⵉⴳⴰⵏ ⵏ ⵉⵡⵜⵜⴰⵙⵏ , ⵙⴳ ⴳⵉⵙⵏⵜ ⴰⵙⵖⵓⴷⵓ ⵏ ⵉⴳⵔ ⵏ ⵜⵖⴹⵎⵜ ⴷ ⵓⵏⴱⴹ ⴳ ⵓⴳⵏⵙⵓ ⵏ ⵜⵏⵣⵣⴰⵔⴼⵓⵜⵉⵏ.

ⵔⴰⴷ ⵜⵜⵓⵙⵎⵔⴰⵙ ⵜⴻⵜⵉⵇⵏⵉⵜ ⴰⴷ ⵜⴰⵎⴰⵢⵏⵓⵜ ⵏⵏⴰ ⵉⴳⴰⵏ ⵜⴰⵜⵔⴰⵔⵜ ⵙ ⵜⵣⵎⵎⴰⵔ ⵏ ⵉⵡⵡⵓⵔⴰⵏⵏ ⴳ ⵉⴳⵔ ⴰⴷ , ⵔⴰⴷ ⵜⵜⵓⵙⴽⴰⵔⵏⵜ ⴰⵡⴷ ⴽⵉⴳⴰⵏ ⵏ ⵜⵏⴰⴼⵓⵜⵉⵏ ⵏⵏⴰ ⵥⵍⵉⵏⵉⵏ ⵙ ⵜⵖⴹⵎⵜ ⴷ ⵓⵙⵏⴱⴹ ⵙ ⵢⴰⵜ ⵜⵖⴰⵔⴰⵙⵜ ⵉⵣⵔⴱⵏ ⴳ ⵉⵍⵍⴰ ⵓⵖⵓⴷⵓ.

ⵔⴰⴷ ⵉⵜⵜⵓⵙⴽⴰⵔ ⵢⴰⵏ ⵓⴹⵕⵉⵙ ⵓⵏⴱⵉⴷ ⵏⵏⴰ ⵉⵣⴷⵉⵏ ⴷ ⵓⵙⵏⴼⴰⵕ ⴰⴷ ⴷ ⵓⵙⵍⴳⵏ ⴰⴷ ⴰⵎⴰⵢⵏⵓ ⵏⵏⴰ ⵔⴰⴷ ⵉⴼⴽ ⵜⴰⵢⴰⴼⵓⵜ ⵉⴷⵓⵙⵏ ⴳ ⵉⴳⵔ ⴰⴷ.

ⵔⴰⴷ ⵜⵜⵓⵙⴽⴰⵔⵏ ⴰⵡⴷ ⵉⵏⵙⴰⵜⵏ ⵉⵍⵉⴽⵜⵕⵓⵏⵉⵏ ⵏ ⵉⵡⵡⵓⵔⴰⵏⵏ ⴰⴽⴽⵯ ⵏ ⵜⵏⵣⵣⴰⵔⴼⵓⵜⵉⵏ ⴷ ⵉⵎⵙⵜⴳⴳⴰⵔⵏ ⵏ ⵜⵖⴷⵎⵜ, ⵔⴰⴷ ⵜⵜⵓⵙⴽⴰⵔⵏⵜ ⴰⵡⴷ ⴽⵔⴰ ⵏ ⵜⵏⴰⴼⵓⵜⵉⵏ ⴷ ⵉⵏⵙⴰⵜⵏ ⵏ ⵓⵙⵕⵓⴹ ⵓⵏⴱⵉⴷ.

ⴳ ⵜⵙⴳⴰ ⵢⴰⴷⵏⵉⵏ , ⵉⵣⴹⴰⵕ ⴰⴷ ⵜⵜⵓⵙⴽⴰⵔⵏ ⵉⴳⵉⵡⵔⵏ ⵏ ⵜⵏⵣⵣⴰⵔⴼⵓⵜⵉⵏ ⵙⴳ ⵜⵓⴳⴳⵓⴳⵜ, ⵔⴰⴷ ⵢⵉⵍⵉ ⴰⵡⴷ ⵓⵙⵙⴼⵍⴷ ⵏ ⵉⵎⵏⴰⴷⵏ ⴰⴽⴽⵯ ⵏ ⴽⵓ ⵜⴰⵎⵏⵜⵉⵍⵜ ⵏⵖⴷ ⴽⵔⴰ ⵏ ⵜⵓⵎⴰⵏⵜ ⵏ ⵓⵙⵕⵓⴹ.

ⵙⴳ ⵓⵏⵇⵇⵉⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⵉⴳⵔ ⴰⴷ , ⵉⵍⵍⴰ ⴳⵉⵙ ⵎⴰⵙⴷ ⵔⴰⴷ ⵢⵉⵍⵉ ⴰⵡⴷ ⵓⵙⵙⴼⵍⴷ ⵏ ⵉⵏⴱⵏⵉⵇⵏ ⵙ ⵜⵎⴰⵎⴽⵜ ⵏ ⵜⵓⴳⴳⵓⴳⵜ, ⵉⵖ ⵉⵍⵍⴰ ⵓⵎⵙⴰⵙⴰ ⵅⴼ ⵓⵙⵏⴼⴰⵔ ⴰⴷ ⵓⵟⵟⵓⵏⴰⵏ.

ⵉⵣⴹⴰⵕ ⴰⵡⴷ ⴰⴷ ⵢⵉⵍⵉ ⵓⵙⵙⴼⵍⴷ ⵙⴳ ⵜⵓⴳⴳⵓⴳⵜ ⵏ ⵎⵉⴷⴷⵏ ⵏⵏⴰ ⵍⵍⴰⵏⵉⵏ ⴳ ⴱⵕⵕⴰ ⵏ ⵍⵎⵖⵔⵉⴱ,ⴰⴼⴰⴷ ⴰⴷ ⴰⵎⵥⵏ ⵜⵓⴳⴳⵉⵡⵉⵏ ⵏⵏⵙⵏ ⴷ ⵜⵓⵎⵍⴰⵢⵉⵏ ⵏⵏⴰ ⵔⴰⵏ ⴰⴷ ⵜⵏⵜ ⵙⵙⵍⴽⵎⵏ ⵉ ⵉⵏⴱⴱⴰⴷⵏ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%99%E2%B5%8F%E2%B4%BC%E2%B4%B0%E2%B5%95-%E2%B4%B7-%E2%B5%9C%E2%B5%8F%E2%B4%B0%E2%B4%BC%E2%B5%93%E2%B5%9C%E2%B5%89%E2%B5%8F-%E2%B5%9C%E2%B5%93%E2%B5%9F%E2%B5%9C%E2%B5%93%E2%B5%8F%E2%B4%B0%E2%B5%8F%E2%B5%89%E2%B5%8F-%E2%B4%B3-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%96%E2%B4%B9%E2%B5%8E%E2%B5%9C-%E2%B4%B7-%E2%B5%9C%E2%B5%8F%E2%B5%A3%E2%B5%A3%E2%B4%B0%E2%B5%94%E2%B4%BC%E2%B5%93%E2%B5%9C%E2%B5%89%E2%B5%8F