Published on MAPNews (https://www.mapnews.ma/am)

Accueil > ⵉⵙⴽⵔ ⵓⴽⴰⴱⴰⵕ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⵓⴳⴳⴰⵔ ⵏ 50 ⵓⴱⵔⴰⴳⵔⴰⵡ ⴰⵏⵎⵏⴰⴹ

ⵉⵙⴽⵔ ⵓⴽⴰⴱⴰⵕ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⵓⴳⴳⴰⵔ ⵏ 50 ⵓⴱⵔⴰⴳⵔⴰⵡ ⴰⵏⵎⵏⴰⴹ

02 ⴱⵕⴰⵢⵕ 2022 Version Imprimable
ⵕⵕⴱⴰⵟ - ⵉⵙⴽⵔ ⵓⴽⴰⴱⴰⵕ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⵎⴰⴷ ⵉⵜⵜⴳⴳⴰⵏ 53 ⵏ ⵓⴱⵔⴰⴳⵔⴰⵡ ⴰⵏⵎⵏⴰⴹ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏⵏⵖ, ⵙ ⵓⵃⵢⵢⵍ ⵏ ⵓⴱⵔⴰⴳⵔⴰⵡ ⴰⵏⴰⵎⵓⵔ ⵡⵉⵙⵙ ⵙⴰ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵓⵙⵙⴰⵏ ⵏ 4 ⴷ 5 ⵏⵏⴰ ⴷ ⵢⵓⵛⴽⴰⵏ ⴳ ⵡⴰⵢⵢⵓⵔ ⵏ ⵎⴰⵕⵚ 2022 ⵙ ⵓⵜⵓⵢ ⵏ ⵉⴳⵎⴰⵎⵏ ⵏ ⵓⵙⵉⵔⴰ ⴰⵙⵔⵜⴰⵏ ⴷ ⵉⵏⵙⵙⵉⵅⴼⵏ ⵏ ⵜⵎⴰⴳⵔⴰⵡⵉⵏ ⵜⵉⵏⴱⴱⴰⴹⵉⵏ ⴷ ⵉⵣⴷⴰⵢⵏ ⵉⵡⵡⵓⵔⴰⵏⵏ ⵏ ⵓⴽⴰⴱⴰⵕ.

ⵙⵎⴷⵏⵜ ⵜⵎⵣⴷⴰⵢⵉⵏ ⵏ ⵓⴽⴰⴱⴰⵔ ⴳ ⵓⵙⵡⵉⵔ ⴰⵏⵎⵏⴰⴹ ⴳ ⵜⵙⴳⴳⵉⵡⵉⵏ ⵏ ⴷⴷⴰⵅⵍⴰ ⴷ ⵟⴰⵏⵊⴰ ⴷ ⵡⴰⵎⵓⵔ ⵏ ⵡⴰⴽⵓⵛ ⴷ ⵓⵜⵡⴰⵏ ⵉⴳⵔⴰⵡⵏ ⴷ ⵉⴱⵔⴰⴳⵔⴰⵡⵏ ⴳ ⵜⵙⴳⴳⵉⵡⵉⵏ ⴰⴷ ⴰⴽⴽⵯ , ⵔⴰⴷ ⵙⵓⵍ ⵜⵜⵓⵙⴽⴰⵔⵏ ⵡⵉⵢⵢⴰⴹ ⴳ ⵜⵙⴳⴳⵉⵡⵉⵏ ⵏ ⵓⴳⵯⵍⵎⵉⵏ ⴷ ⴷⵕⵄⴰ ⵜⴰⴼⵉⵍⴰⵍⵜ ⴷ ⵍⵄⵢⵓⵏ ⵜⴰⵔⴳⵯⴰ ⵜⴰⵣⴳⴳⵯⴰⵖⵜ ⴳ ⵉⵎⴰⵍ ⴰⵙⵙ ⴰⴷ ⴷ ⵢⵓⵛⴽⴰⵏ, ⴰⴼⴰⴷ ⴰⴷ ⵉⵍⴽⵎ ⵓⵟⵟⵓⵏ ⵏ ⵉⴱⵔⴰⴳⵔⴰⵡⵏ ⵎⴰⴷ ⵉⵜⵜⴳⴳⴰⵏ 82 ⴳ ⵓⵙⵡⵉⵔ ⴰⵏⴰⵎⵓⵔ.

ⵉⴳⴰ ⵓⵣⵎⵣ ⵏ ⵓⵙⴽⴽⵉⵔ ⵏ ⵉⴱⵔⴰⴳⵔⴰⵡⵏ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⴷⴷⵉⴷ ⵏ ⵜⵡⵡⵓⵔⵉⵡⵉⵏ ⵏ ⵜⵏⴱⴰⴹⵜ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵉⵎⵉⴹⵉ ⵏ ⵡⴰⵙⵙ ⵏ ⵓⵙⵡⵡⵓⵔⵉ ⵏⵏⵙ , ⵉⵍⵉⵏⵜ ⵜⵣⵎⵎⴰⵔ ⴰⴼⴰⴷ ⴰⴷ ⵍⴽⵎⵏ ⵎⴰⴷ ⵉⵜⵜⴳⴳⴰⵏ ⵎⵍⵢⵓⵏ ⵏ ⵓⵏⵎⵓⵔⵉ ⴰⴼⴰⴷ ⴰⴷ ⴷⴰⵔⵙⵏ ⵜⵉⵍⵉ ⵜⵎⵍⴷⴰ ⵏ ⵓⵊⵉⵊⵊⵉ ⴰⵏⴰⵎⵓⵔ ⵜⵓⵎⴰⵏⵜ ⴰⴷ ⵏⵏⴰ ⵉⴽⵛⵎⵏ ⴳ ⵓⵙⵏⴼⴰⵕ ⴰⴳⵍⴷⴰⵏ ⵏ ⵡⴰⵔⴰⵢ ⴰⵏⴰⵎⵓⵏ .

ⵙⴳ ⵉⵏⴰⵡ ⵏⵏⴰ ⴰⵖ ⴷ ⵉⵍⴽⵎⵏ,ⵉⵏⵏⴰ ⵎⴰⵙⴷ ⴰⴽⴰⴱⴰⵔ ⵉⵙⵙⴷⵔⴼⵉ ⵉⵜⴳⴰⵔⵏ ⴷ ⵡⴰⵜⵉⴳⵏ ⵏⵏⵙ ⵙⴳ ⵜⵓⵎⴰⵏⵉⵏ ⵏⵏⴰ ⴼⴼⴰⵖⵏⵉⵏ ⴳ ⵓⴱⵔⴰⴳⵔⴰⵡ ⴰⵏⴰⵎⵓⵔ ⵙ ⵓⵙⴷⴷⵉⴷ ⵏ ⵜⵙⵔⵜⵉⵜ ⵏ ⵡⴰⴷⴰⵙ ⴷ ⵓⵙⵙⴼⵍⴷ ⴷ ⵓⵎⵢⴰⵡⴰⴹ, ⵉⵍⵉⵏⵜ ⵜⵣⵎⵎⴰⵔ ⵏ ⵓⵙⵎⴰⴷ ⵏ ⵓⵙⵏⴼⴰⵔ ⴰⴷ ⴰⴼⴰⴷ ⴰⴷ ⵜⵜⵓⵙⴽⴰⵔⵏ ⴰⴽⴽⵯ ⵉⵙⵙⵓⵜⵓⵔⵏ ⵏ ⵉⵏⵎⵓⵔⵉⵢⵢⵏ ⵙ ⵜⵣⵎⵎⴰⵔ ⴷⵓⵙⵏⵉⵏ ⵏⵏⴰ ⵅⴼ ⵉⵍⵍⴰ ⵓⵎⵙⴰⵙⴰ ⴰⵏⴰⵎⵓⵔ ⵉⴷⵓⵙⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%99%E2%B4%BD%E2%B5%94-%E2%B5%93%E2%B4%BD%E2%B4%B0%E2%B4%B1%E2%B4%B0%E2%B5%95-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%89%E2%B5%8F%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%8F-%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-50-%E2%B5%93%E2%B4%B1%E2%B5%94%E2%B4%B0%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9