Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵙⵓⴼⵖ ⴳ ⴱⵏⵙⵍⵉⵎⴰⵏ ⵏ ⵢⴰⵏ ⴰⵙⴰⴽⵯⵏ ⵏ ⵜⵎⴳⵓⵔⵉ ⵏ ⵜⴳⵣⵣⴰⵢⵜ ⵎⴳⴰⵍ ⴽⵓⴼⵉⴷ-19 ⴷ ⵜⴳⵣⵣⴰⵢⵉⵏ ⵢⴰⴹⵏⵉⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵙⵓⴼⵖ ⴳ ⴱⵏⵙⵍⵉⵎⴰⵏ ⵏ ⵢⴰⵏ ⴰⵙⴰⴽⵯⵏ ⵏ ⵜⵎⴳⵓⵔⵉ ⵏ ⵜⴳⵣⵣⴰⵢⵜ ⵎⴳⴰⵍ ⴽⵓⴼⵉⴷ-19 ⴷ ⵜⴳⵣⵣⴰⵢⵉⵏ ⵢⴰⴹⵏⵉⵏ

27 ⵉⵏⵏⴰⵢⵔ 2022 Version Imprimable
ⴱⵏⵙⵍⵉⵎⴰⵏ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵡⴰⵙ ⴳ ⵜⵙⴳⴰ ⵏ ⴱⵏⵙⵍⵉⵎⴰⵏ (ⵜⴰⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ-ⵚⵚⵟⴰⵜ) ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵙⵓⴼⵖ ⴳ ⴱⵏⵙⵍⵉⵎⴰⵏ ⵏ ⵢⴰⵏ ⴰⵙⴰⴽⵯⵏ ⵏ ⵜⵎⴳⵓⵔⵉ ⵏ ⵜⴳⵣⵣⴰⵢⵜ ⵎⴳⴰⵍ ⴽⵓⴼⵉⴷ-19 ⴷ ⵜⴳⵣⵣⴰⵢⵉⵏ ⵢⴰⴹⵏⵉⵏ ⵎⴰⵢⴰⴷ ⵉⴳⴰⵏ ⵢⴰⵏ ⵓⵙⵏⵜⵉ ⵓⵚⴽⵉⵡ ⵉⵔⴰⵏ ⴰⴷ ⵉⴼⴽⴰ ⵏ ⵜⵏⴱⴰⴹⵜ ⵏ ⵜⴳⵣⵣⴰⵢⵜ ⵏ ⵜⴳⵍⴷⵉⵜ ⴷ ⴰⵎⵏⵣⴰⵡ ⴰⴼⵔⵉⵇⵉ ⵙ ⵓⵙⵎⵜⴰ .

ⵉⴽⵛⵎ ⵓⴳⵣⵣⵓⵎ ⵏ ⵜⵎⴳⵓⵔⵉ ⴳ ⵓⵙⴰⵜⵉ ⵏ ⵓⵣⵣⵉⴳⵔ ⵏ ⵜⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴷⵉⵚ ⵉⵔⴰⵏ ⴰⴷ ⵢⵓⵊⵊⴰ ⵜⴳⵍⴷⵉⵜ ⴰⴷ ⵜⴳⵉ ⴰⴳⵊⴷⵉ ⴱⵢⵓⵜⵉⴽⵏⵓⵍⵓⵊⵉ ⵉⵚⵚⴰⵏ ⴳ ⵓⵙⵡⵉⵔ ⵏ ⵉⴼⵔⵉⵇⵢⴰ ⴷ ⵓⵎⴰⴹⴰⵍ .

ⴷ ⵓⵍⴰ ⴰⴷ ⵜⴼⴽⴰ ⵜⴳⵍⴷⵉⵜ ⵜⵜⵓⵜⵔⴰ ⵉⴷⵓⵙⴰⵏ ⵉ ⵓⵎⵏⵣⴰⵡ ⴳ ⵓⵣⵎⵣ ⴰⴳⵟⵟⵓⵟ ⴷ ⴰⵙⵖⵣⵣⵉⴼ ⴳ ⵓⵎⴰⵙ ⵏ ⵓⵔⵣⵣⵓ ⴰⵏⵙⴼⵔ ⴷ ⵉⵏⴽⵔⵙ ⴷ ⵜⵎⴳⵓⵔⵉ ⴷ ⵜⴰⵙⵖⵏⵣⵉⵜ  ⵏ ⵉⵙⵢⴰⴼⵓⵏ ⴰⴱⵢⵓ-ⴰⵏⵙⴼⵔ ⵖⵓⵔⵙ ⴰⴷⴷⵓⵔ ⴰⵎⵇⵇⵕⴰⵏ ⴷ ⵉⵙⵓⵜⵓⵔ ⴰⵙⵙⵓⴼⵖ ⵏ ⵓⵙⴰⴽⵯⵏ ⴰⴷ ⴰⵎⵓⵙⵙⵓ ⵏ ⵉⵙⵙⵔⵓⵏ ⵍⵃⴰⵡⴰⵍ ⵏ 400 ⴰⵔ 500 ⵓⵎⵍⵢⵓⵏ ⵓⵕⵓ.

ⵉⵣⴷⵉⵏ ⵓⵙⵏⵜⵉ ⵏ ⴱⵏⵙⵍⵉⵎⴰⵏ ⴰⵙⵙⵓⴼⵖ ⵏ ⴰⵙⴰⴽⵯⵏ ⵏ ⵜⵎⴳⵓⵔⵉ ⵏ ⵜⴳⵣⵣⴰⵢⵜ (ⵎⴳⴰⵍ ⵏ ⴽⵓⴼⵉⴷ ⴷ ⵜⴳⵣⵣⴰⵢⵉⵏ ⵢⴰⴹⵏⵉⵏ) ⴷ ⵖⵓⵔⵙ ⵏ ⴽⵕⴹ ⵏ ⵜⵥⵔⵉⴳⵏ ⵜⵉⵎⴳⵓⵔⵉⵏ ⵍⴽⵎⵏⵜ ⵜⵉⵥⴹⵕⴰ ⵏⵙⵙⵙⵏ ⵉⵛⵛⴰⵔⵏ ⵏ ⴰⵙⵢⴰⴼⵓ 116 ⵓⵎⵍⵢⵓⵏ ⵏ ⵓⴳⵣⵣⵓⵎ ⴳ ⵓⵎⵏⵉⴷ ⵏ ⵓⵙⴳⴳⵯⴰⵙ 2024.

ⵔⴰⴷ ⵥⵍⵉⵏⵜ  ⵜⵣⵔⵉⴳⵉⵏ ⴰⴷ ⵏ ⵜⵙⵢⴰⴼⵓⵜ ⵏ ⵜⴰⵙⵙⵎⵉⵏ ⴷ ⵜⵛⴱⵔⵉⵏ ⵏ ⵙⵙⵡⵉⵍ ⴷ ⵢⴰⴹⵏⵉⵏ ⴳ ⵓⵎⵎⴰⵙ ⵏ ⵜⵜⵊⵎⵉⴷ ⴷ ⵉⵍⴽⵎⵏ ⵉⵙⵙⴰⵔⵓⵏ ⵉⵔⵣⵣⵓⵏ ⵏ ⵍⵃⴰⵡⴰⵍ ⵏ 200 ⵓⵎⵍⵢⵓⵏ ⵓⵕⵓ ⴷ ⵔⴰⴷ ⵕⵥⵎⵏ ⵏ ⵜⵙⵢⴰⴼⵓⵜ ⵏ ⵉⵙⴽⴽⵉⵏ ⵉⵏⴰⵔⴰⵎⵏ ⴳ 30 ⵢⵓⵍⵢⵓⵣ 2022.

ⵜⵥⴹⴰⵕ ⵜⴳⵍⴷⵉⵜ ⴰⵙⵙ ⴰⴷ ⴳ ⵓⵎⵎⴰⵙ ⵏ ⵓⵙⴽⵔ ⵏ ⵜⵣⵔⵉⴳⵉⵏ ⵏ ⵓⵎⵎⵓⵙⵙⵓ ⴰⵙⵉⵣⴷⴳⵏ ⵉⵍⵍⴰⵏ ⴳ ⴰⴷⵖⵔⴰⵏ ⴳ ⵍⵎⵖⵔⵉⴱ ⴰⴷ ⵓⵙⵙⴰⵢ ⵏ ⵓⵎⵓⵣⵣⵓ ⵏ ⵜⵛⴱⴰⵔⵉⵏ ⴳ ⵜⵣⵇⵇⴰ ⵜⵓⵍⵎⵉⵎⵉⵏ ⵙⴳ ⵜⴳⵣⴰⵢⵜ ⵏ ⵙⵉⵏⵓⴼⴰⵔⵎ ⵎⴳⴰⵍ ⴽⵓⴼⵉⴷ -19 ⵉ ⵍⵎⵖⵔⵉⴱ ⴷ ⵜⵙⵢⴰⴼⵓⵜ ⵏ ⵓⴳⴳⴰⵔ ⵏ 3 ⵓⵎⵍⵢⵓⵏ ⵏ ⵜⴳⵣⵣⴰⵢⵜ ⵜⴰⴷⵖⵔⴰⵏⵜ ⴳ ⴰⵢⵢⵓⵔ .ⵎⴰⵢⴰⴷ ⵔⴰⴷ ⵜⴰⵙⵉ ⵜⵉⵥⴹⵕⴰ ⵏ ⵜⵙⵢⴰⴼⵓⵜ ⵏ ⵍⵃⴰⵡⴰⵍ ⵏ 5 ⵓⵎⵍⵢⵓⵏ ⵜⴳⵣⵣⴰⵢⵜ ⴳ ⵍⴱⴷⵓ ⵏ ⵡⴰⵢⵢⵓⵔ ⵏ ⴱⵕⴰⵢⵕ 2022 ⴷ ⵓⴳⴳⵔ ⵏ 20 ⵓⵎⵍⵢⵓⵏ ⵜⴳⵣⵣⴰⵢⵜ ⴳ ⵡⴰⵢⵢⵓⵔ ⴳ ⵓⵇⵇⵏ ⵏ 2022 ⴷ ⵍⴱⴷⵓ ⵏ 2025 ⵔⴰⴷ ⵉⵥⴹⴰⵕ ⵍⵎⵖⵔⵉⴱ ⴰⴷ ⵉⵙⵢⴰⴼⵓ ⵓⴳⴳⵔ ⵏ 2 ⵓⵎⵍⵢⴰⵔ ⵙⴳ ⵜⴳⵣⵣⴰⵢⵜ .

ⴳ ⵓⵣⵎⵎⵣⵓ ⴷⵖ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵙⵕ ⵕⴱⴱⵉ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⵙⴰⵔⵓ ⵏ ⵓⵙⴽⵔ ⵏ ⵓⴳⵣⵣⵓⵎ ⵏ ⵜⵎⴳⵓⵔⵉ ⵏ ⵜⴳⵣⵣⴰⵢⵉⵏ ⵎⴳⴰⵍ ⴽⵓⴼⵉⴷ-19 ⴷ ⵜⴳⵣⵣⴰⵢⵉ ⵢⴰⴹⵏⵉⵏ ⴳ ⴱⵏⵙⵍⵉⵎⴰⵏ ⵙⴳⵎⴹⵏ ⵅⴼ ⵜⵎⵢⴰⵇⵇⴰⵏⵜ ⴰⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵍⵄⴰⵍⴰⵡⵉ , ⵜⴰⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵎⴰⵙⵙ ⵏⵉⵣⴰⵔ ⴱⴰⵔⴰⴽⴰ ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⴰⵏ ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵎⴰⵙⵙ ⵢⵓⵏⵙ ⵙⴽⵓⵔⵉ ⴰⵎⴰⵡⵙⴰⵙ ⵏ ⵉⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵏ ⵉⵎⵣⵢⴰⵏⵏ ⴷ ⵜⵡⵓⵔⵉ ⴷ ⵜⵙⴳⵓⵔⵉⵏ ⴷ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⵍⵏ ⵙ ⵉⵙⵙⴰⵔⵓⵏ ⴷ ⵉⵎⵓⵏ ⴷ ⵓⵙⵓⵜⴳ ⵏ ⵜⵙⵔⵜⴰⵏⵉⵏ ⵜⵉⴳⴷⵓⴷⴰⵏⵉⵏ .

ⴷ ⵙⴳⵎⴹⵏ ⵓⵍⴰ ⵖⴼⵙ ⵎⴰⵙⵙ ⵄⵓⵜⵎⴰⵏ ⴱⵏⵊⵍⵓⵏ ⴰⵏⵙⵙⵉⴼ ⵜⵎⵙⵙⵓⵔⵜ "ⵙⵉⵏⵙⵢⵓ ⴼⴰⵔⵎⴰⵜⵉⴽ" ⴷ ⵎⴰⵙⵙ  ⵙⴰⵄⵉⴷ ⴰⵃⵎⵉⴷⵓⵛ ⵡⴰⵍⵉ ⵏ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ-ⵚⵚⵟⴰⵜ ⴷ ⵎⴰⵙⵙ ⵙⴰⵎⵉⵔ ⵍⵢⴰⵣⵉⴷⵉ ⵓⵏⴱⴱⴰⴹ ⵏ ⵜⵙⴳⴰ ⵏ ⴱⵏⵙⵍⵉⵎⴰⵏ ⴷ ⵜⵜⴰⵡⴼⵉⵇ ⵎⵛⵛⵔⴼ ⴰⵎⴰⵔⵉ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⵜ ⴷ ⵎⴰⵙⵙ ⵄⴱⴷ ⵍⵍⴰⵀ ⴽⴱⵉⵔⵉ ⴰⵏⵎⵀⴰⵍ ⵏ ⵓⴳⵊⴷⵉ ⵏ ⵜⵎⴳⵓⵔⵉ ⴳ ⵓⵙⵉⵔ ⴰⵏⴰⵎⵓⵔ ⵏ ⵓⵙⵉⴷ ⴷ ⵡⴰⵎⴰⵏ ⵉⵙⵡⴰⵏ .

Dernière modification : 27 ⵉⵏⵏⴰⵢⵔ 2022
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%99%E2%B5%93%E2%B4%BC%E2%B5%96-%E2%B4%B3-%E2%B4%B1%E2%B5%8F%E2%B5%99%E2%B5%8D%E2%B5%89%E2%B5%8E%E2%B4%B0%E2%B5%8F-%E2%B5%8F-%E2%B5%A2%E2%B4%B0%E2%B5%8F