Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

17 ⵉⵏⵏⴰⵢⵔ 2022 Version Imprimable
ⵕⵕⴱⴰⵟ - ⴷⴼⴼⵉⵔ ⵏ ⵓⵙⵓⴳⵉ ⵉⵅⵛⵏⵏ ⵍⵍⵉ ⵜⵙⴽⵔ ⵍⵎⵉⵍⵉⵛⵢⴰ ⵏ ⵍⵃⵓⵜⵉ ⴷ ⵉⵏⵏⴰⵍⵏ ⵏⵏⵙ ⴰⵎⵎⴰⵙ ⵏ ⵡⴰⴽⴰⵍ ⵏ ⵍⵉⵎⴰⵕⴰⵜ ⵉⵄⵕⴰⴱⵏ ⵉⵎⴰⵏⵏ, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵖ ⴰⵙⵙ ⴰⴷ, ⵢⴰⵏ ⵓⵎⵙⵏⴰⵍⴰ ⴰⵜⵉⵍⵉⴼⵓⵏⵉ ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⴳⵍⴷⵓⵏ ⴰⵎⴽⴽⵓⵙⵓ ⵏ ⴰⴱⵓ ⴹⴰⴱⵉ ⴷ ⴰⵏⵙⵙⵉⵅⴼ ⴰⵏⴰⴼⵍⵍⴰ ⴰⵎⴰⵔⵉ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵏ ⵍⵉⵎⴰⵕⴰⵜ.

ⴰⵎⵎⴰⵙ ⵏ ⵓⵎⵙⵏⴰⵍⴰ ⵢⴰⴷ, ⵉⵏⴽⴹ ⴱⴰⵀⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵡⵡⵓⵔⵉ ⵉⵅⵛⵏⵏ ⴰⴷ, ⴷ ⵉⵎⵍⴰ ⵓⴼⵛⴰⴷ ⵉⵖⵥⴰⵏⵏ ⵏⵏⵙ ⵉ ⵜⵏⴱⴰⴹⵜ ⵓⵍⴰ ⵉ ⵓⴳⴷⵓⴷ ⵉⵎⴰⵕⴰⵜⵉ ⵅⴼ ⵜⵉⵙⵙⵓⴽⵉⵏ ⵜⵉⵏⴼⴳⴰⵏⵉⵏ, ⴷ ⵉⵜⵜⵔ ⵕⴱⴱⵉ ⴰⴷ ⵉⵙⴼⵙⵙⵓⵙ ⵜⵊⵊⵉⵜ ⵏ ⵡⵉⵏⵏ ⵉⵜⵜⵓⵏⴳⴰⵙⵏ.

ⵉⵔⵏⴰ ⵢⵏⵏⴰ ⵡⵙⵉⵡⴹ ⴰⴷ ⵎⴰⵙ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵏⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⴰⴽⴽ ⵜⵎⴳⴳⵉⵜⵉⵏ ⵍⵍⵉ ⵔⴰⴷ ⵜⴰⵎⵥ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⴰⵏⵏ ⴰⴼ ⴰⴷ ⵜⵎⵣⴰⵢ ⵅⴼ ⴰⴽⴰⵍ ⴷ ⵜⵏⴼⵔⵓⵜ ⵏ ⵉⵎⵣⴷⴰⵖⵏ ⵏⵏⵙ ⴷⴰⵜ ⵏ ⵍⵎⵉⵍⵉⵛⵢⴰ ⵏ ⵍⵃⵓⵜⵉ ⴷ ⵎⴰⵏ ⵉⵜⵏ ⵉⵜⵏⵏⵍⵏ.

ⴳ ⵓⵙⴰⵜⵉ ⵢⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⵎⴰⵙ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵔⴰⴷ ⴱⴷⴷⴰ ⵜⵇⵇⴰⵎⴰ ⵜⴰⵎⴰ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵏ ⵉⵎⴰⵏⵏ ⴷ ⵔⴰⴷ ⴰⵢⵜ ⵜⴰⵡⵉ ⴽⵔⴰ ⵢⴳⴰⵜⵜ ⴰⵏⵏⴰⵍ ⵍⵍⵉ ⵢⵅⵚⵚⴰⵏ ⵉ ⵜⵎⴰⵣⵉⵔⵜ ⵓⵍⵜⵎⴰⵜ ⴰⴷ ⴳ ⵓⵎⵣⴰⵢ ⵏ ⵜⴰⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵉⵏⴰⵎⵓⵔⵏ ⵏⵏⵙ, ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ.

Dernière modification : 17 ⵉⵏⵏⴰⵢⵔ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-59