ⵎⴰⵙⵙ ⴱⵓⵕⵉⵟⴰ ⵉⵎⵎⴰⴳⴳⴰⵔ ⴷ ⵓⵎⴰⵣⴰⵏ ⵉⵎⵥⵍⵉ ⵏ ⵜⵎⵜⵜⴰ ⵢⵎⴰⵏⵏ ⵉ ⵚⵚⵃⵕⴰ ⵜⵎⵖⵔⴰⴱⵉⵜ

13 ⵉⵏⵏⴰⵢⵔ 2022 Version Imprimable

ⵕⵕⴱⴰⵟ - ⵉⵎⵎⴰⴳⴳⴰⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⴷ ⵓⵎⴰⵣⴰⵏ ⵉⵎⵥⵍⵉ ⵏ ⵜⵎⵜⵜⴰ ⵢⵎⴰⵏⵏ ⵉ ⵚⵚⵃⵕⴰ ⵜⵎⵖⵔⴰⴱⵉⵜ, ⵎⴰⵙⵙ ⵚⵟⴰⴼⴰⵏ ⴷⵉ ⵎⵉⵙⵜⵓⵔⴰ.

ⵜⵉⵔⵎⵜ ⵏ ⵜⵡⵡⵓⵔⵉ ⵢⴰⴷ ⵜⵣⵔⵉ ⵙ ⵜⵉⵍⵉⵜ ⵏ ⵓⵎⵙⵇⴰⴷ, ⴰⵙⵎⴷⵢⴰⵡ ⴰⵎⵖⵍⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵔ ⵜⵎⵜⵜⵉ ⵢⵎⴰⵏⵏ, ⵎⴰⵙⵙ ⵄⵓⵎⴰⵕ ⵀⵉⵍⴰⵍ, ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ.

ⵉⴽⵛⵎ ⵓⵔⵣⴰⴼ ⴰⵏⵎⵏⴰⴹ ⵏ ⵎⴰⵙⵙ ⵎⵉⵙⵜⵓⵔⴰ ⴳ ⵓⵙⴰⵜⵉ ⵏ ⵓⵙⵓⴼⴼⵖ ⵏ ⵜⵖⵜⴰⵙⵜ ⵜⵉⵙⵙ 2602 ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵎⴰ ⵢⴰⴷ ⵉⵜⵜⵓⴹⴼⴰⵕⵏ ⴰⵙⵙ ⵏ 29 ⴽⵜⵓⴱⵕ 2021, ⵍⵍⵉⵖ ⵉⵎⵍⴰ ⵡⵙⵇⵇⵉⵎ ⴰⴷ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, ⴰⵖⵓⵔⵉ ⵏⵏⵙ ⵉ ⵜⴼⵓⵍⵉⵏ ⴰⴷ ⵔⵏⵓⵏⵜ ⴰⵙⵓⵖⵏ ⵏⵏⵙⵏⵜ ⴳ ⵜⵣⵉⴳⵣⵜ ⵏ ⵜⵓⴷⴰⴱⵓⵜⵉⵏ ⵉⴱⵕⵕⵎⵏ, ⴰⴼ ⴰⴷ ⴰⴼⵉⵏⵜ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴰⵏⵉⵍⴰⵡ, ⴰⴱⵕⴰⴳⵎⴰⵜⵉ, ⴰⵙⵓⵍⴰⵏ ⴷ ⵉⴱⵉⴷⴷⵏ ⵅⴼ ⵓⵎⵙⵏⴰⵍⴰ, ⵎⴰ ⵢⴰⴷ ⵙⵓⵍ ⵉⵏⵏⴰ ⵓⵙⴰⴳⵎ ⴰⴷ.

ⴰⵎⵎⴰⵙ ⵏ ⵉⵎⵙⵏⴰⵍⴰ ⵢⴰⴷ, ⵉⵎⵍⴰ ⵡⴽⴰⴱⴰⵕ ⴰⵎⵖⵔⴰⴱⵉ ⵜⵉⵙⵉⵍⴰ ⵏ ⵓⴷⴷⴰⴷ ⵏ ⵜⴳⵍⴷⵉⵜ, ⵖⵉⴽ ⵍⵍⵉ ⵜ ⵙⵙⴽⵯⵜⵉⵏ ⵉⵏⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 45 ⴷ ⵡⵉⵙⵙ 46 ⵏ ⵜⵡⴰⴷⴰ ⵜⴰⵣⴳⵣⴰⵡⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B5%89%E2%B5%8E%E2%B5%8E%E2%B4%B0%E2%B4%B3%E2%B4%B3%E2%B4%B0%E2%B5%94-%E2%B4%B7-%E2%B5%93%E2%B5%8E%E2%B4%B0%E2%B5%A3%E2%B4%B0%E2%B5%8F-%E2%B5%89%E2%B5%8E%E2%B5%A5%E2%B5%8D%E2%B5%89-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B5%89-%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C