Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

05 ⵉⵏⵏⴰⵢⵔ 2022 Version Imprimable
ⵕⵕⴱⴰⵟ - ⵉⵏⵏⴰ ⵢⴰⵏ ⵓⵙⵉⵡⴹ ⴰⴳⵍⴷⴰⵏ ⵎⴰⵙ ⵜⵙⵙⴼⵓⵍⴽⵉ ⴰⵍⵎⴰⵏⵢⴰ ⵉⵙⵎⵙⴰⵙⵜⵏ ⵉⵅⴰⵜⴰⵔⵏ ⵍⵍⵉ ⵕⵥⵎⵏ ⴷⴷⵓ ⵜⵏⵙⵉⵅⴼⵜ ⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⵔⵏⵓ ⵜⵏⵏⴰ ⵎⴰⵙ ⵜⴳⴰ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵙⵉⵎⴰⵏ ⵜⴰⵙⵉⵍⴰ ⵉⵖⵓⴷⴰⵏ ⴰⴼⴰⴷ ⴰⴷ ⵜⵢⴰⴼⴰ ⵜⴼⵙⵙⴰⵢⵜ ⵏ ⵜⵎⵓⴽⵔⵉⵙⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵖⵎⴽⵍⵍⵉ ⵜⵙⵏⵉⵎⵎⵔ ⴰⵍⵎⴰⵏⵢⴰ ⵜⴰⵡⵓⵔⵉ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⵜⴰⵎⵀⵍⵜ ⵏ ⵙⵙⴰⵍⴰⵎ ⴳ ⵍⵉⴱⵢⴰ.

ⵉⵏⵏⴰ ⵓⵏⵙⵙⵉⵅⴼ ⵏ ⴰⵎⵍⴰⵏⵢⴰ ⵎⴰⵙⵙ ⴼⵔⴰⵏⴽ ⴼⴰⵍⵜⵔ ⵛⵜⴰⵢⵏⵎⴰⵢⵔ ⴳ ⵢⴰⵜ ⵜⴱⵔⴰⵜ ⵉ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⵏ ⵓⵙⴳⴳⵯⴰⵙ ⴰⵎⴰⵢⵏⵓ ⵎⴰⵙ ⵉⵙⴽⵔ ⵍⵎⵖⵔⵉⴱ ⴷⴷⵓ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⵙⵎⵙⴰⵙⵜⵏ  ⵉⵅⴰⵜⴰⵔⵏ ⵖⵎⴽⵍⵍⵉ ⵉⵎⵍⴰ ⴰⵏⵏⴰⵍ ⵏ ⴰⵍⵎⴰⵏⵢⴰ ⵉⴷⵡⵎⵏ ⵉⴷⵓⵙⵏ ⵜⵎⵔⵏⵉⵡⵜ ⵉⵖⵓⴷⴰⵏ ⵏ ⵍⵎⵖⵔⵉⴱ.

ⵉⵙⵙⴼⵓⵍⴽⵉ ⵓⵍⴰ ⵜⵉⵙⵏⵜⴰⵢⵉⵏ ⵏ ⵍⵎⵖⵔⵉⴱ ⴳ ⵉⴳⵔ ⵉⵙⵏⴼⴰⵍⵏ ⵏ ⵓⵏⵣⵡⵉ ⵙ ⴷ ⵓⵙⵏⴼⵍ ⵏ ⵜⵥⴹⴰⵕⵜ ⵖⵎⵍⴽⴽⵍⵉ ⵉⴳⴰ ⴰⵍⵎⵖⵔⵉⴱ ⴰⵏⵙⴰ ⵏ ⵉⵙⵙⵓⵔⴰ ⵏ ⵜⵎⵏⵙⵙⵉⵜⵉⵜⵉⵏ ⵏ ⴰⵍⵎⴰⵏⵢⴰ ⴳ ⵉⴼⵔⵉⵇⵢⴰ.

ⴳ ⵓⵙⴰⵜⵉ ⵢⴰⴷ ⵢⵓⵣⵏ ⵓⵏⵙⵙⵉⵅⴼ ⴼⵔⴰⵏⴽ ⴼⴰⵍⵜⵔ ⵛⵜⴰⵢⵏⵎⴰⵢⵔ ⵜⴰⵖⵓⵔⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⵏ ⵡⴰⵏⴽ ⵉ ⴰⵍⵎⴰⵏⵢⴰ ⴰⴼⴰⴷ ⴰⴷ ⵉⵜⵜⵔⵙ ⵜⵎⴷⵔⴰⵡⵜ ⵜⴰⵎⴰⵢⵏⵓⵜ ⴳⵔ ⵜⵎⵉⵣⴰⵔ ⵙⵏⴰⵜ.

ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵉⵙⴷⴷⵉⴷ  ⵎⴰⵙⵙ ⵛⵜⴰⵢⵏⵎⴰⵢⵔ ⴳ ⵜⴱⵔⴰⵜ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ  ⵎⵙ ⵜⴳⴰ ⵜⵖⴰⵡⴰⵙⵜ ⵏ ⵓⵏⴱⴰⴹ ⴰⵙⵉⵎⴰⵏ ⵍⵍⵉ ⴷ ⵉⴼⵖⵏ ⴳ 2007 ⵜⵓⴳⴳⴰⵙ ⵉⵖⵓⴷⴰⵏ ⴷ ⵜⴰⵖⵍⵉⴼⵜ ⵙⴳ ⵍⵎⵖⵔⵉⴱ ⴰⴼⴰⴷ ⴰⵎⵙⴰⵙⴰ ⵏ ⵏ ⵓⵎⵏⵣⴰⵖ ⴰⵏⵎⵏⴰⴹ.

ⵖⵎⴽⵍⵍⵉ ⵉⵎⵍⴰ ⵓⵏⵙⵙⵉⵅⴼ ⵏ ⴰⵍⵎⴰⵏⵢⴰ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⵎⵍⵜ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴼⴰⵙⴰⵢ ⴰⵙⵔⵜⴰⵏ ⵉⵖⵓⴷⴰⵏ ⵍⵍⵉ ⴼ ⵉⵍⵍⴰ ⵓⵎⵙⴰⵙⴰⵙ ⴳⵔ ⵜⵉⴼⵓⵍⵉⵏ ⴰⴽⴽⵯ.

ⵉⵙⴷⴷⵉⴷ ⵓⵍⴰ ⴰⵙⵓⵖⵍ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵓⵙⴱⴷⴷ ⵏ ⵓⴱⵔⵙⵉⵡⴷ ⴰⴳⵔⴰⵖⵍⴰⵏ ⵖⵎⴽⵍⵍⵉ ⵉⵙⵙⴼⵓⵍⴽⵉ ⵉⵏⴰⵏ ⴰⵎⵖⵔⵉⴱⵉ ⴳ ⵓⵙⵎⵓⵜⵜⴳ ⵏ ⵉⴷⵍⵉⵎⴰⵎ ⴰⴼⴰⴷ ⴰⵙⴱⴷⴷ ⵏ ⵓⵙⴷⴱⵔⵡⵉⴷ.

ⵉⴽⵎⵍ ⵓⵏⵙⵙⵉⵅⴼ ⵏ ⴰⵍⵎⴰⵏⵢⴰ ⵜⴰⴱⵔⴰⵜ ⴰⴷ ⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ  ⵎⴰⵙ ⵜⵙⵏⵏⵉⵎⵔ ⵜⵎⴰⵣⵉⵔⵜ ⵏⵏⵙ ⵓⵍⴰ ⵏⵜⵜⴰ ⴰⵙⵙⵉⴷⴼ ⵉⵖⵓⴷⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⵜⴰⵎⵀⵍⵜ ⵏ ⵙⵙⵍⴰⵎⵜ ⴳ ⵍⵉⴱⵢⴰ.

 

Dernière modification : 05 ⵉⵏⵏⴰⵢⵔ 2022
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-58