ⴰⵙⴳⴳⵯⴰⵙ 2021..ⵉⵎⵎⵓⵙⵙⵓⵏ ⵉⴷⵍⵙⴰⵏⵏ ⴷ ⵉⵏⴰⵥⵓⵕⵏ ⴼⵔⴰⴳⵏ ⵅⴼ ⴰⵏⵎⵓⵇⵇⴰⵔ ⵏⵏⵙⵏ ⴷ ⵓⴳⴷⵓⴷ ⵎⵇⵇⴰⵕ ⵏ ⵓⴼⵉⵔⵓⵙ ⴽⵓⵕⵓⵏⴰ

16 ⴷⵓⵊⴰⵏⴱⵉⵔ 2021 Version Imprimable

ⵕⵕⴱⴰⵟ - ⵉⵙⵙⵏ ⵓⵙⴳⴳⵯⴰⵙ 2021 ⴰⵙⵏⵎⵍⴰ ⵏ ⵓⴳⵔⴰⵡ ⵏ ⵉⵎⵎⵓⵙⵙⵓⵏ ⵉⴷⵍⵙⴰⵏⵏ ⴷ ⵉⵏⴰⵥⵓⵔⵉⵏ ⵡⵜⵜⴰⵙⵏ ⵏ ⵜⵏⴽⵔ ⵙ ⵏ ⵜⴷⵍⵙⴰ ⴷ ⵜⴰⵥⵓⵕⵉ ⴳ ⵜⵡⵍⴰⴼⵉⵏ ⵏⵏⵙ ⴷ ⴳⴰⵏ ⴰⵣⵎⵎⵣⵓ ⵏ ⴰⵙⵉⵏ ⵉⵙⵎⴼⵍⵓⵍⵏ ⴷ ⵓⴳⴷⵓⴷ ⴷ ⵜⵏⵏⵔⴰ ⵏ ⴰⴷⴷⴰⴷ ⵏ ⵓⵎⵏⵓⵙ ⵙⴳ ⵓⴱⴰⵢⵢⵓⵕ (ⴽⵓⴼⵉⴷ-19)

ⵎⵇⵇⴰⵕ ⵎⴰⴷⵙ ⵉⵔⵏⴰ ⵓⴱⴰⵢⵢⵓⵔ ⵜⵍⴽⴰⵎⵉⵏ ⵏⵏⵙ ⵅⴼ ⵜⴰⵎⵓⵖⵍⵉⵜ ⵜⴰⴷⵍⵙⴰⵏⵜ ⴷ ⵜⴰⵥⵓⵕⵉ ⴷ ⵓⵔ ⵢⴰⵊⵊⴰ ⵉⵎⵙⴼⵍⵓⵍⵏ ⴰⴷ ⵉⵎⴰⵖⵏ ⴷ ⵓⴳⴷⵓⴷ ⵏⵏⵙⵏ ⴷ ⵉⵕⵥⵎ ⴰⵙⵏⵎⵍⴰ ⵏ ⵉⵎⵎⴰⴳⴳⴰⵔⵏ ⴷ ⵉⵏⵎⵓⴳⴳⴰⵔⵏ ⵛⵔⴰⵊⵎ ⵏ ⵓⵎⵢⴰⵡⴰⴹ ⵙⵡⴰ ⵙ ⵜⵉⵍⵉⵜ ⴷ ⴰⵏⵜⵉⵔⵏⵉⵜ.

ⴷ ⵓⵊⵊⴰⵏ ⵉⴷⴷⴰⴷⵏ ⵉⴷⵓⵙⴰⵏⵏ ⵏ ⴷⵖⵉ ⵎⵛⵜⴰ ⵏ ⵉⵎⵙⴽⴰⵔⵏ ⵉⴷⵎⵙⴰⵏⵏ ⴰⴷ ⵙⵙⵓⴼⵖⵏ ⵉⴱⵔⵉⴷⵏ ⵏ ⵜⵡⵓⵔⵉ ⵉⵎⵓⵏ ⴷ ⴰⴷⴷⴰⴷ ⴰⴷ ⴷ ⴰⵍⵜⵖ ⵏ ⵉⵙⵡⵓⴷⵓⵏ ⵏ ⵓⵃⵟⵟⵓ ⵎⴳⴰⵍ ⵏ ⵓⴱⴰⵢⵢⵓⵕ ⴽⵓⵕⵓⵏⴰ ⵓⵍⴰ ⵅⵎⵎⵓⵎⵏ ⴳ ⵉⴱⵔⵉⴷⵏ ⵉⵎⴰⵢⵏⵓⵏ ⵏ ⵓⵙⵎⵏⵉⴷ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⴰⵙⴷⵓⵙ ⵏ ⵉⵣⴷⵉⵏ ⴷ ⵓⴳⴷⵓⴷ

ⴼ ⵖⵉⴽⴰⵏ ⵉⵏⵓⵇⵇⴰⵔ ⵏ ⵓⴳⴷⵓⴷ ⴷ ⵓⵔⴳⴰⵡ ⵏ ⵉⵏⵎⵓⴳⴳⴰⵔⵏ ⵉⵏⴰⵥⵓⵕⵉⵏ ⵙⵍⴰⵡⵏ ⴰⴽⴽⵯ ⴰⵏⵎⵓⴳⴳⴰⵔ "ⴼⵉⵣⴰ ⴼⵓⵔ ⵎⵢⵓⵣⵉⴽ" ⵍⵍⵉ ⵢⵎⴰⵏⵏ ⵙⴳ 17 ⴰⵔ 26 ⵏⵡⵏⴰⴱⵉⵔ ⵉⵣⵍⵉⵏ ⵣⵍⵍⵉ ⵢⵙⵎⴰⵏ ⴳⵔ ⵜⵉⵍⵉⵜ ⴷ ⵓⵎⴰⵟⵟⵓⵏ ⴷ ⵉⵔⵏⵓ ⵓⵏⵎⵓⵇⵇⴰⵔ ⵏ ⵜⵡⵓⵔⵉ ⵏⵏⵙ ⵎⴰⵢⴰⴷ ⵉⴳⴰⵏ ⴰⵙⵔⵙ ⵏ ⵜⵉⴼⴰⵡⵜ ⵅⴼ ⵉⵏⴰⵥⵓⵕⵉⵏ ⴷ ⵜⴰⵢⵔⵉⵏ ⵏ ⵓⵣⴰⵡⴰⵏ .

ⴰⵏⵎⵓⴳⴳⴰⵔ ⵢⴰⴹⵏⵉⵏ ⵙ ⵜⴷⵔⴰⵡⵜ ⵜⴰⵅⴰⵜⴰⵔⵜ ⵏ ⵉⵎⵥⵥⴰⵡⴰⵏ ⵎⴰⵢⴰⴷ ⵉⴳⴰ ⴰⵏⵎⵓⴳⴳⴰⵔ ⵏ ⵓⵔⴷⵉⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ 22 ⵍⵍⵉ ⵉⵙⵏⵎⴰⵍⴰ ⴳ ⵢⵓⵍⵢⵓⵣ ⵉⵣⵔⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-2021%E2%B5%89%E2%B5%8E%E2%B5%8E%E2%B5%93%E2%B5%99%E2%B5%99%E2%B5%93%E2%B5%8F%C2%A0-%C2%A0%E2%B5%89%E2%B4%B7%E2%B5%8D%E2%B5%99%E2%B4%B0%E2%B5%8F%E2%B5%8F-%E2%B4%B7-%E2%B5%89%E2%B5%8F%E2%B4%B0%E2%B5%A5%E2%B5%93%E2%B5%95%E2%B5%8F-%E2%B4%BC%E2%B5%94%E2%B4%B0%E2%B4%B3%E2%B5%8F-%E2%B5%85%E2%B4%BC-%E2%B4%B0%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F%E2%B5%8F%E2%B5%99%E2%B5%8F-%C2%A0-%E2%B4%B7-%E2%B5%93%E2%B4%B3%E2%B4%B7%E2%B5%93%E2%B4%B7-%E2%B5%8E%E2%B5%87%E2%B5%87%E2%B4%B0%E2%B5%95-%E2%B5%8F