ⵜⵙⵎⵖⵔ ⵜⵎⵙⵇⴰⴷⵜ ⵏ ⴱⵍⵊⵉⴽⴰ ⵉⵎⵢⴰⵙⵙⴰⵏ ⵉⵖⵓⴷⴰⵏ ⵉⵍⵍⴰⵏ ⴳⵔ ⵜⵎⴰⵣⵉⵔⵜ ⵏⵏⵙ ⴷ ⵍⵎⵖⵔⵉⴱ ⴳ ⵎⵛⵜⴰ ⵏ ⵉⴳⵔⵏ

09 ⴷⵓⵊⴰⵏⴱⵉⵔ 2021 Version Imprimable

ⵕⵕⴱⴰⵟ - ⵜⵙⵎⵖⵔ ⵜⵎⵙⵇⴰⴷⵜ ⵏ ⵜⴳⵍⴷⵉⵜ ⵏ ⴱⵍⵊⵉⴽⴰ ⴷⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵙⵙⴰ ⴼⵉⵔⵓⵏⵉⴽ ⴱⵓⵜⵉ ⴰⵙⵙ ⵏ ⵓⴽⵕⴰⵙ ⵉⵎⵢⴰⵙⵙⴰⵏ ⵉⵖⵓⴷⴰⵏ ⵉⵍⵍⴰⵏ ⴳⵔ ⵜⵎⴰⵣⵉⵔⵜ ⵏⵏⵙ ⴷ ⵍⵎⵖⵔⵉⴱ ⴳ ⵎⵛⵜⴰ ⵏ ⵉⴳⵔⵏ ⵉⴷⵎⵙⴰⵏⵏ ⵉⵙⴱⴱⴰⴱⵏ ⴷ ⵉⵎⴳⵓⵔⵉⵏ ⴷ ⵉⴷⵍⵙⴰⵏⵏ .

ⵜⵏⵏⴰ ⵎⴰⵙⵙⴰ ⴼⵉⵔⵓⵏⵉⴽ ⴱⵓⵜⵉ ⵍⵍⵉⵖ ⵜⵜⵓⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵙⵓⵜⴳ ⵏⵏⴰ ⴰⵎⵇⵇⵕⴰⵏ ⵏ ⵜⵉⵏⵥⴻⵥⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵉⵙⵡⴰⵍⵏ ⵢⴰⵜⵜⵓⵢⵏ ⴷ ⵉⵎⴰⴽⵏ ⵉⵜⵜⵢⴰⵎⴰⵣⵏ ⵏ ⵡⵜⵜⵓ ⵏ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ "ⴽⵓⴼⵉⴷ19".

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⵙⵉⵡⵍ ⵏ ⵜⵎⵙⵇⴰⴷⵜ ⵏ ⴱⵍⵊⵉⴽⴰ ⵓⵍⴰ ⵅⴼ ⵡⴰⴷⴷⴰⴷ ⴰⵎⴰⴹⵍⴰⵏ ⴷ ⵓⵎⵏⵣⴰⵡ ⴷ ⵉⵙⵏⴼⵍⵏ ⵍⵍⵉ ⵢⵙⵙⵏ ⵓⵎⴰⴹⴰⵍ ⵎⴰⵢⴰⴷ ⵉⵙⵓⵜⵔ ⴰⵙⴷⵓⵙ ⵏ ⵜⵎⴷⵔⴰⵡⵉⵏ ⴳ ⵓⵎⵎⴰⵙ ⵏⵏⵙⵏ ⴰⵕⵥⵥⵓⵎ ⵅⴼ ⵉⵏⵙⴰⵏ ⵉⵎⴰⵢⵏⵓⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵜⵎⵉⵣⴰⵔ ⵍⵍⵉ ⵙⵎⴰⵏⵜ ⵉⵎⵢⴰⵙⵙⴰⵏ ⵉⵅⴰⵜⴰⵔⵏ ⴷ ⵜⴳⵍⴷⵉⵜ ⵏ ⴱⵍⵊⵉⴽⴰ ⴳ ⴰⵎⵣⵡⴰⵔⵓ ⵜⴳⵍⴷⵉⵜ ⵏ ⵍⵎⵖⵔⵉⴱ .

ⵜⵙⵓⵍ ⵜⵏⵏⴰ ⵎⴰⵙ ⵔⴰⴷ ⵢⵉⵍⵉ ⵓⵍⴰ ⴳ ⵓⵎⵎⴰⵙ ⵏ ⵉⵙⵏⴼⴰⵍⵏ ⵏ ⵜⵏⴰⵢⵉⵏ ⴷ ⵓⵎⴹⴰⴽⵕ ⵅⴼ ⵜⵖⴰⵡⵙⵉⵡⵉⵏ ⵉⵣⵡⵓⵔⴰ ⴰⵎ ⵉⵙⵏⴼⴰⵍⵏ ⵏ ⵓⵏⵣⵡⵉ ⴷ ⵜⴰⵥⴹⴰⵕⵜ ⵉⵜⵜⵓⵙⵎⴰⵢⵏⵓⵏ ⴷ ⵓⵙⵏⴼⵍ ⴰⵎⴰⵟⵟⵓⵏ ⴷ ⵓⵎⵢⴰⵏⴰⵡ ⴷ ⴰⵎⵏⵏⴰⵡ ⴰⵙⵏⵉⵍⵙ ⴷ ⴰⴷⵎⵙⴰⵏ ⴷ ⵜⴰⵣⵡⴰⴳⵜ ⴷ ⵓⵔ ⵉⵏⵏⵓⵎⵙⵏ.

ⵜⵙⵉⵡⵍ ⵓⵍⴰ ⵜⵎⵙⵜⵜⴳⴰⵔⵜ ⴳ ⵓⵙⴰⵜⵉ ⴷⵖ ⵅⴼ ⴰⴷⴷⵓⵔ ⵏ ⵉⴱⵕⵍⴰⵎⴰⵏ ⵏ ⵓⵎⵢⴰⵡⴰⵙ ⵏ ⵉⵙⵏⴼⵍⵏ ⴷ ⵉⵛⵛⴰⵔⵏ ⵏ ⵉⵔⵉⵎⵉⵏ .ⵜⵙⵜⵓⴳ ⵓⵍⴰ ⵜⴰⴷⵉⵏⵏⴰⵎⵉⵜ ⵍⵍⵉ ⵢⵙⵙⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⴰⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%99%E2%B5%8E%E2%B5%96%E2%B5%94-%E2%B5%9C%E2%B5%8E%E2%B5%99%E2%B5%87%E2%B4%B0%E2%B4%B7%E2%B5%9C-%E2%B5%8F-%E2%B4%B1%E2%B5%8D%E2%B5%8A%E2%B5%89%E2%B4%BD%E2%B4%B0-%E2%B5%89%E2%B5%8E%E2%B5%A2%E2%B4%B0%E2%B5%99%E2%B5%99%E2%B4%B0%E2%B5%8F-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3%E2%B5%94-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C-%E2%B5%8F%E2%B5%8F%E2%B5%99-%E2%B4%B7-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%8E%E2%B5%9B%E2%B5%9C%E2%B4%B0-%E2%B5%8F-%E2%B5%89%E2%B4%B3%E2%B5%94%E2%B5%8F