ⵖⵓⵔ ⵍⵎⵖⵔⵉⴱ ⴰⴽⴽⵯ ⵜⵉⵥⴹⵕⴰ ⵏ ⵉⵖⴱⵉ ⵏ ⵓⵏⵙⴰ ⵏⵏⵙ ⴰⵎⵎ ⴰⵎⵙⴽⴰⵔ ⴰⵙⴳⵓⵎⴰⵏ ⴳ ⵉⴼⵔⵉⵇⵢⴰ (ⴱⵉ.ⴱⵉ.ⵙⵉ)

03 ⴷⵓⵊⴰⵏⴱⵉⵔ 2021 Version Imprimable

ⵍⵓⵏⴹⵓⵏ - ⵉⵙⴷⴷⵉⴷ ⵓⵙⴰⵔⵓ "ⴱⵉ. ⴱⵉ .ⵙⵉ ⵡⵓⵍⴷ ⵏⵢⵓⵣ" ⵎⴰⵙ ⵖⵓⵔ ⵍⵎⵖⵔⵉⴱ ⴰⴽⴽⵯ ⵜⵉⵥⴹⵕⴰ ⵏ ⵉⵖⴱⵉ ⵏ ⵓⵏⵙⴰ ⵏⵏⵙ ⴰⵎⵎ ⴰⵎⵙⴽⴰⵔ ⴰⵙⴳⵓⵎⴰⵏ ⴳ ⵉⴼⵔⵉⵇⵢⴰ ⵜⵏⵏⴰ ⵙⵓⵍ ⵎⴰⵙ ⵜⴳⴰ ⵜⵉⵍⵉⵜ ⵏ ⵜⴳⵍⴷⵉⵏⵜ ⵜⴰⴷⵓⵙⵜ ⴳ ⵓⵎⵏⵣⴰⵡ .

ⵢⵓⵛⴽⴰⵏ ⴳ ⵢⴰⵏ ⴰⵙⴰⴳⴳⵯ ⵜⵜⵓⵣⵓⵣⵔ ⴳ ⵓⵖⴰⵡⴰⵙ "ⴼⵓⴽⵓⵙ ⵓⵏ ⴰⴼⵔⵉⴽⴰ" ⵎⴰⵙ ⵜⵎⵙⵙⵏⵜⵉⵏ ⵜⵉⵎⵖⵔⴰⴱⵢⵉⵏ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴷⴰⵏ ⵉ ⵉⴼⵔⵉⵇⵢⴰ ⴰⴼⴰⴷ ⵙⵔⵙⵏ ⵏ ⵜⵙⵜⵔⴰⵜⵉⵊⵉⵜ ⴰⴷ ⴷ ⵉⵡⵉⵙ ⵍⵎⵖⵔⵉⴱ ⵙ ⴰⴼⴼⵓⵙ ⵓⵥⵕⴼ ⵎⴰⵢⴰⴷ ⵉⴳⴰⵏ ⵓⴳⵊⴷⵉ ⴰⵥⵕⴼ ⵏ ⴹⴹⴰⵕⵍⴱⵉⴹⴰ.

ⵉⵣⵎⵎⵓⵎ ⵎⴰⵙ ⵓⴳⵊⴷⵉ ⴰⵥⵕⴼⵏ ⵏ ⴹⴹⴰⵕⵍⴱⵉⴹⴰ ⵉⵜⵜⵓⵙⴽⵔⴰⵏ ⴳ ⵓⵙⴳⴳⴰⵙ 2010 ⴳ ⵜⵡⵍⴰⴼⵜ ⵏ ⵜⴷⵔⴰⵡⵜ ⴳⵔ ⵉⴳⵔ ⴰⵎⴰⵜⴰⵢ-ⴷ ⵓⵙⵍⵉⴳ ⵉⵡⵜⵜⴰⵙ ⴰⴷ ⵢⵓⵎⵣ ⵏ ⵉⵅⴼⵏ ⵏ ⵉⵇⵇⴰⵕⵉⴹⵏ ⵉⵎⴰⴹⵍⴰⵏⵏ ⴷⴰⵜ ⵏ ⵓⵎⵎⵓⵙⵙⵓ ⴳ ⵉⴼⵔⵉⵇⵢⴰ ⵎⴰⵢⴰⴷ ⵉⴷⵔⴰ ⴳ ⵜⴳⵎⵉ ⴳ ⴰⴽⴽⵯ ⴰⵎⵏⴰⵡ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ

ⵉⴼⵔⴰ ⵢⵉⵏⵏⴰ ⵓⵙⴰⵔⵓ ⵏ ⵜⵜⵉⵍⵉⴼⵣⵢⵓⵏ ⵜⴰⴱⵕⵉⵟⴰⵏⵉⵜ ⵎⴰⵙ ⵉⵙⵙⴰⵔⵓ ⵍⵎⵖⵔⴱ ⴳ ⵓⵣⵣⴰⵏ ⴰⴷ ⵓⴳⴳⵔ ⵏ 4.3 ⵓⵍⵎⵢⴰⵕ ⵏ ⴷⵓⵍⴰⵕ ⴳ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⵚⵚⵃⵕⴰ ⵎⴰⵢⴰⴷ ⵢⵓⵊⵊⴰ ⴰ ⴰⴷ ⵉⴳ ⵓⵙⵙⴰⵔⵓ ⵡⵉⵙⵙ ⵙⵉⵏ ⵉⴼⵔⵉⵇⵉ ⴳ ⵓⵎⵏⵣⴰⵡ .

ⵉⵏⵏⴰ ⵙⵓⵍ ⴰⵙⴰⴳⴳⵯ ⵎⴰⵙ ⵓⵔ ⵉⴳⵉ ⵉⵖⴱⴰⵏ ⴰⴼⵔⵉⵇⵉ ⴳ ⵉⵙⵙⴰⵔⵓⵏ ⴷ ⵉⵙⴷⴷⵉⴷ ⵎⴰⵙ ⵉⵛⵛⴰⵔ ⵍⵎⵖⵔⵉⴱ ⴷ ⵓⵎⵏⵣⴰⵡ ⵓⵍⴰ ⵓⵎⵢⴰⵡⴰⵙ ⴰⴽⴰⴷⵉⵎⵉ ⴷ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⴷ ⵉⵙⵏⵜⵉⵏ ⵏ ⵜⴳⵎⵉ ⵜⴰⵏⴰⴼⴳⴰⵏⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%96%E2%B5%93%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B4%BD%E2%B4%BD%E2%B5%AF-%E2%B5%9C%E2%B5%89%E2%B5%A5%E2%B4%B9%E2%B5%95%E2%B4%B0-%E2%B5%8F-%E2%B5%89%E2%B5%96%E2%B4%B1%E2%B5%89-%E2%B5%8F-%E2%B5%93%E2%B5%8F%E2%B5%99%E2%B4%B0-%E2%B5%8F%E2%B5%8F%E2%B5%99-%E2%B4%B0%E2%B5%8E%E2%B5%8E-%E2%B4%B0%E2%B5%8E%E2%B5%99%E2%B4%BD%E2%B4%B0%E2%B5%94-%E2%B4%B0%E2%B5%99%E2%B4%B3%E2%B5%93%E2%B5%8E%E2%B4%B0%E2%B5%8F-%E2%B4%B3-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B4%B1%E2%B5%89%E2%B4%B1%E2%B5%89%E2%B5%99%E2%B5%89