Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵡⵏⵙⵙⵉⵅⴼ ⵏ ⵓⴳⵔⴰⵡ ⵉⵅⵚⵚⴰⵏ ⴳ ⵜⵜⵓⵙⴽⴰⵔ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵏ ⵉⵣⵔⴼⴰⵏ ⵏⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵡⵏⵙⵙⵉⵅⴼ ⵏ ⵓⴳⵔⴰⵡ ⵉⵅⵚⵚⴰⵏ ⴳ ⵜⵜⵓⵙⴽⴰⵔ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵏ ⵉⵣⵔⴼⴰⵏ ⵏⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ

29 ⵏⵓⵡⴰⵏⴱⵉⵔ 2021 Version Imprimable
ⵏⵢⵓⵢⵓⵕⴽ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵜ ⵜⴱⵔⴰⵜ ⵉ ⵡⵏⵙⵙⵉⵅⴼ ⵏ ⵓⴳⵔⴰⵡ ⵉⵅⵚⵚⴰⵏ ⴳ ⵜⵜⵓⵙⴽⴰⵔ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⵏ ⵉⵣⵔⴼⴰⵏ ⵏⵏⵙ ⵓⵔ ⵥⴹⴰⵕⵏ ⴰⴷ ⵉⵙⵏⴼⵍⵏ ⵎⴰⵙⵙ ⵛⵛⵉⵅ ⵏⵢⴰⵏⴳ ⵙ ⵓⵣⵎⵎⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⴱⴷⴰⴷⵜ ⴷ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ .

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜⵉⵏⵚⵕ ⵕⴱⴱⵉ ⵎⴰⵙ ⵜⴳⴰ  ⵜⴱⵔⴰⵜ ⵜⴳⵍⴷⴰⵏⵜ ⴰⴷ  ⴰⵣⵎⵎⵣⵓ ⵏ ⵉⵙⵎⴰⵢⵏⴰ ⵏ ⵜⴱⴷⴰⴷⵜ ⵏⵏⵖ ⴽⵓⵍⵓ ⴷ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴷ ⵓⵏⵏⴰⵍ ⵏ ⵓⵣⵔⴰⴼ ⵏⵏⵙ ⵓⵙⵍⴳⴰⵏ ⵏ ⵓⵙⴽⵔ ⵏ ⵓⵡⴰⵏⴽ ⴰⵙⵉⵎⴰⵏ ⴷ ⵉⵇⴱⵍⵏ ⵏ ⵜⵓⴷⵔⵜ ⴷ ⵜⴷⴷⵓⵔ ⴳ ⵜⵏⴼⵔⵓⵜ ⴷ ⵙⵙⴰⵍⵎⵜ ⴷ ⵉⵙⵔⴰⵉⵍ .

ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ ⵢⴰⵜⵜⵓⵢⵏ ⵎⴰⵙ "ⵏⵙⴷⴷⵓⴷ ⵎⴰⵙ ⴰⴷⴷⴰⴷ ⴰⴷ ⵜⵙⵉ ⵓⵔ ⵉⴳⴰ ⵡⵉⵏⵏ ⵜⵙⵓⵜⵍ ⴷ ⵓⵣⵎⵎⵣⵓ ⴷ ⵓⵔ ⵉⴽⵛⵎ ⴳ ⵓⵙⴰⵜⵉ ⵏ ⵉⵎⵙⴰⵡⴰⵍ ⴷ ⵉⵣⴰⵢⴷⵏ ⵉⵙⵔⵜⴰⵏⵏ ⵓⵔ ⵖⵓⵔⵙ ⵉⵍⵍⵉ ⵓⴼⵙⵙⴰⵢ ⵎⴰⵛⵛⴰ ⵉⴳⴰ ⴰⴷⴳⵉ ⴷ ⵉⵎⴰⵏ ⵉⵖⴱⴰⵏ ⵏ ⵉⵎⵖⵔⴰⴱⵢⵉⵏ ⴷ ⵙⴷⴷⵓⵙⵏ ⵏ ⵜⵓⴳⴳⴰⵣ ⴰⴷⵉⴱⵍⵓⵎⴰⵙⵉ ⵉⵡⵜⵜⴰⵙ ⴷ ⵜⴰⵡⵓⵔⵉ ⵜⴰⵏⴰⵎⴰⵙⵜ ⵉ ⵜⵎⵙⴰⵔⵜ ⵜⴰⴼⵉⵍⵉⵚⴹⵉⵏⵉⵜ ⵜⴰⵣⵔⴼⴰⵏⵜ ⴷ ⵜⵖⵡⵙⴰ ⵏ ⵍⵇⵓⴷⵙ ⴰⵛⵛⵔⵉⴼ" .

ⴳ ⵓⵙⴰⵜⵉ ⴰⴷ" ⵏⵙⴷⴷⵉⴷ ⴳⵯⵎⴰⵜⵏⵖ ⵎⴰⵙⵙ ⵎⴰⵃⵎⵓⴷ ⵄⴰⴱⴱⴰⵙ , ⴰⵏⵙⵙⵉⵅⴼ ⵏ ⵓⵡⴰⵏⴽ ⴰⴼⵉⵍⵉⵚⴹⵉⵏⵉ ⴳ ⵜⴱⵔⴰⵜ ⵍⵍⵉ ⵏⵡⵣⴰⵏ ⴰⵙ ⴳ ⴰⵙⴰⴽⵓⴷ 18 ⴷⵓⵊⴰⵏⴱⵉⵔ 2020 ⵏ ⵜⵙⵉ ⵏ ⵡⴰⴷⴷⴰⴷ ⴰⵎⵖⵔⴰⴱⵉ ⵍⵍⵉ ⵏⵏⵏⴰⵍ ⵜⵎⵙⴰⵔⵜ ⵜⴰⴼⵉⵍⵉⵚⵟⵉⵏⵉⵜ ⴷ ⵉⴱⵉⴷⴷⵏ ⵅⴼ ⵓⴼⵙⵙⴰⵢ ⵏ ⵙⵉⵏ ⵉⵡⴰⵏⴽⵏ ⵉⵎⵙⴰⵙⴰⵏ ⵖⴼⵙⵏ ⵓⵎⴰⴹⴰⵍ ⴷ ⵓⵎⵎⴰⵣ ⴳ ⵉⵎⵀⵉⵡⴹⵏ ⴳⵔ ⵙⵏⴰⵜ ⵜⴼⵓⵍⵉⵏ ⴰⴼⵉⵍⵉⵚⵟⵉⵏⵉ ⴷ ⵉⵚⵕⵉⵍⵉ ⴰⵎⵎ ⵓⴱⵔⵉⴷ ⴰⵎⵙⵉⵡⴰⵏ ⵏ ⵉⵙⵙⵍⴽⵎ ⵏ ⵓⴼⵙⵙⴰⵢ ⵏ ⵓⵇⵇⵏ ⴷ ⵓⵎⵖⵍⴰⵍ ⵏ ⵓⵎⵏⵣⴰⵖ ⴰⴷ " ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⵉⵙⵓⵍ ⵉⵔⵏⴰ ⴱⴰⴱ ⵏ ⵡⴰⴷⴷⵓⵔⴰ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵎⴰⵙ ⵜⵎⵓⴽⵔⵉⵙⵜ ⵍⵍⵉ ⵜⵉⵡⴹ ⵜⵎⵀⵍⴰ ⵏ ⵙⵙⵍⴰⵎⵜ ⴳ ⵍⵇⴱⵍⵜ ⵜⴰⵏⴰⵎⴰⵙⵜ ⵉⵙⵔⵙ ⴳ ⵓⵏⴳⵔⴰⵡ ⴰⵎⴰⴹⵍⴰⵏ ⵙⵍⴰⵡⵏ ⴰⴽⴽⵯ ⵉⵡⴰⵏⴽⵏ ⵉⵅⴰⵜⴰⵔⵏ ⴷ ⵖⵓⵔⵙⵏ ⵜⵍⴽⵉⵎⵜ ⵅⴼ ⵓⵎⵏⵣⴰⵖ ⵢⴰⵏ ⴰⵙⵉ ⵉⵣⴰⵢ ⴷ ⵜⵎⵙⵙⵓⴳⵔⵜ ⵜⴰⵎⵇⵇⵕⴰⵏⵜ ⵎⵔⴰ ⵏ ⵓⵣⵣⵔⵓⵢ ⵏ ⵜⵎⵓⴽⵔⵉⵙⵉⵏ ⵉⴽⵛⵛⵓⵎⵏ ⵎⴰⵢⴰⴷ ⵓⵔ ⵊⵊⵓⵏⵜ ⴽⵔⴰ ⵢⴳⴰⵜ ⵓⵕⵥⵥⵓⵎ ⴳ ⵓⵖⴰⵔⴰⵙ ⴰⵙⵔⵜⴰⵏ ⵏ ⵓⵎⵏⵣⴰⵖ ⴰⴷ .

ⴷ ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ "ⵉⵙ ⵏⴳⴰ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ ⵉⵍⵓⵍⵏ ⵙⴳ ⵜⵏⵎⵍⴰⵢⵜ ⵏ ⵓⵎⵢⴰⵡⴰⵙ ⴰⵎⵓⵙⵍⵉⵎ ⴷ ⵏⴼⴽⴰ ⵜⵓⴳⴳⴰⵣ ⵉⵎⴽⵏ ⴷ ⴰⵙⵙ&ⴰⵔⵓ ⵏ ⵉⵎⴰⵙⵙⴰⵏ ⵉⵍⵍⴰⵏ ⴳ ⵓⴱⵔⵉⴷ ⵏ ⵓⴼⴰⵔⴳ ⵅⴼ ⵡⴰⴷⴷⴰⴷ ⵓⵙⵍⵉⴳ ⵏ ⵜⵖⵔⵎⵜ ⵜⴰⵎⴰⵓⵇⴷⴰⵙⵜ ⵎⴰⵢⴰⴷ ⵜⴰⴳ ⴰⴳⴱⵔⵉⴷ ⵏ ⵉⵙⴳⴷⵏ ⴽⵕⴰⴹ ⴰⵎⵢⵉⵡⴰⵏ ⴷ ⵓⵢⴷⴰ ⵉⵛⵛⴰⵔⵏ ⵏ ⵜⵏⴼⴳⴰⵏⵜ ⴷ ⴰⴽⴰⵍ ⵏ ⵜⵓⴷⵔⵜ ⴷ ⵓⵎⵎⴰⴳⴳⴰⵔ ⵎⴰⵢⴰⴷ ⵢⵓⵛⴽⴰⵏ ⴳ ⵜⴰⵖⵓⵔⵉ ⵏ ⵍⵇⵓⴷⵙ ⵍⵍⵉ ⵏⵙⴳⵎⴹ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⴳ ⵓⵎⵎⴰⵙ ⵏ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 30 ⵎⴰⵕⵚ 2019".

ⴷ ⵉⵇⵇⵏ ⴱⴰⴱ ⵏⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ  ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵜⴰⴱⵔⴰⵜ ⴰⴷ " ⵏⵙⵎⴰⵢⵏⴰ ⵜⵜⵓⵜⵔⴰ ⵉ ⴳⵯⵎⴰⵜⵏⵖ ⵉⴼⵉⵍⵉⵚⵟⵉⵏⵢⵉⵏ ⵎⴰⵢⴷ ⵉⴱⴹⵓⵏ ⴳ ⵉⵙⵡⴰⵏ ⵏⵏⵙ ⴰⴷ ⵢⵓⵊⵊⴰⵏ ⵏ ⵉⵎⵣⴰⵔⴰⵢⵏ ⵏⵏⵙⵏ ⴷ ⵉⵣⵔⴱⵏ ⴳ ⴰⵎⵙⴼⵔⵓ ⴳ ⵜⵏⴰⴼⵓⵜ ⵏ ⵓⵙⵏⵜⵉ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ ⵉⵖⵓⴷⴰⵏ ⴷ "ⵏⵏⴰⵏ ⴳ ⵓⵙⴰⵜⵉ ⴷⵖ ⵉⵙ ⵏⵏⴰⵏⵍ ⵏ ⴽⵓⵍ ⵏ ⵜⵏⴱⴰⴹⵜ ⵜⴰⵏⴰⵎⵓⵔⵜ ⵜⴰⴼⵉⵍⵉⵚⵜⵉⵏⵉⵜ ⵙ ⵜⵏⵙⵙⵉⵅⴼⵜ ⵏ ⴳⵯⵎⴰⵜⵏⵖ ⵓⵏⵙⵙⵉⵅⴼ ⵎⴰⵙⵙ ⵎⴰⵃⵎⵓⴷ ⵄⴰⴱⴱⴰⵙ ⴳ ⵜⵓⴳⴳⴰⵣ ⵏⵏⵙ ⵏ ⵓⵙⴽⵔ ⵏ ⵜⵉⵔⴰⵜⵉⵏ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴳⵯⵎⴰ ⵉ ⵡⵜⵜⴰⵙ ⵏⵏⵙ ⵏ ⵜⴷⵔⵓⴼⵉ ⴷ ⵜⴰⵙⵉⵎⴰⵏⵜ ⴷ ⵓⴳⵣⵣⵓⵎ ⴷ ⵓⵍⴰⵢ ".

Dernière modification : 29 ⵏⵓⵡⴰⵏⴱⵉⵔ 2021
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A1%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%89%E2%B5%85%E2%B5%9A%E2%B5%9A%E2%B4%B0%E2%B5%8F-%E2%B4%B3-%E2%B5%9C%E2%B5%9C%E2%B5%93%E2%B5%99%E2%B4%BD%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B4%B0%E2%B4%B7%E2%B4%B0%E2%B5%8F-0