ⵜⵙⵏⵎⴰⵍⴰ ⵜⴰⴼⵉⴷⵉⵕⴰⵍⵉⵜ ⵜⴰⵟⵍⴰⵙⵉⵜ ⵏ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ ⴰⵏⵎⵓⵇⵇⴰⵔ ⵡⵉⵙⵙ 8 ⵏ ⵓⵙⵇⵇⵉⵎ ⵏⵏⵙ ⴰⵎⵙⴽⴰⵔ

25 ⵏⵓⵡⴰⵏⴱⵉⵔ 2021 Version Imprimable

ⴷⴰⴽⴰⵕ - ⵉⵜⵜⵓⵕⵥⵎ ⴰⵙⵙ ⵏ ⵓⴽⵡⴰⵙ ⴳ ⴷⴰⴽⴰⵕ ⵓⵏⵎⵓⵇⵇⴰⵔ ⵡⵉⵙⵙ 8 ⵏ ⵓⵙⵇⵇⵉⵎ ⴰⵎⵙⴽⴰⵔ ⵏ ⵜⴰⴼⵉⴷⵉⵕⴰⵍⵉⵜ ⵜⴰⵟⵍⴰⵙⵉⵜ ⵏ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ ⵙ ⵜⵉⵍⵉⵜ ⵏ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ ⴰⵏⵙⵙⵉⵅⴼ ⵏ ⵜⴰⴼⵉⴷⵉⵕⴰⵍⵉⵜ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ.

ⴳ ⵢⴰⵜ ⵜⵙⴳⵓⵔⵉ ⵉⵏⵏⴰ ⵓⵏⵙⵙⵉⵅⴼ ⵏ ⵜⴰⴼⵉⴷⵉⵕⴰⵍⵉⵜ ⵜⴰⵟⵍⴰⵙⵉⵜ ⵏ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ ⵎⴰⵙ ⴱⴰⵀⵔⴰ ⵉⵙⵙⵓⵙⵎ ⴰⴷ ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ ⵡⵉⵙⵙ 8 ⵏ ⵓⵙⵇⵇⵉⵎ ⴰⵎⵙⴽⴰⵔ ⵏ ⵜⴰⴼⵉⴷⵉⵕⴰⵍⵉⵜ ⴳ ⴷⴰⴽⴰⵔ ⴷⴼⵉⵉⵔ ⵏ ⵏ ⵉⵏⵎⵓⵇⵇⴰⵔⵏ ⴱⵕⵕⴰ ⵏ ⵓⵙⵖⵉⵎ ⵏ ⵜⴰⴼⵉⴷⵉⵕⴰⵍⵉⵜ ⴳ ⴰⴱⵉⴷⵊⴰⵏ ⴷ ⴱⵔⴰⵣⴰⴼⵉⵍ ⴷ ⴱⵔⴰⵢⴰ.

ⵉⵎⵍⴰⵏ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙ ⵓⵍⴰ ⴰⵏⴰⵕⵓⵥ ⵏⵏⵙ ⴰⴷ ⵉⴼⵖ ⵓⵏⵎⵓⵇⵇⴰⵔ ⴰⴷ ⵙ ⵢⵜⴰ ⵜⴰⵙⵜⵔⴰⵜⵉⵊⵉⵜ ⵉⵛⵛⴰⵔⵏ ⴰⴼⴰⴷ ⴰⴷ ⵉⵢⴰⵡⵍⴽⴰⵎ ⵢⴰⵏ ⵡⴰⵏⴰⵡ ⵏⴰⵎⴰⵢⵏⵓ ⵏ ⵜⵡⵓⵔⵉⵡⵉⵏ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⴷ ⵜⵉⵎⴷⵔⴰⵡⵉⵏ ⵉⴷⵓⵙⵏ ⴰⴼⴰⵏ ⵜⴰⵏⴽⵔⴰ ⵙ ⵜⵡⵓⵔⵉ ⵏ ⵜⵙⵏⵓⵔⴰⵢⵉⵏ ⴰⴷ.

ⵙⴰⵡⵍ ⵓⵍⴰ ⴳ ⵓⵏⵎⵓⵇⵇⴰⵔ ⴰⴷ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵙⵓⵏⵉⵖⴰⵍⵉⵜ ⵏ ⵉⵏⵖⵎⵉⵙⵏ ⵎⴰⵙⵙ ⵜⵢⵉⵔⵏⵓ ⵀⴱⵔⴰⵀⵉⵎ ⴷ ⵓⵏⵎⵀⴰⵍ ⵏ ⴷⵉⵡⴰⵏ ⵏ ⵓⵎⴰⵡⴰⵙ ⵏ ⵜⴰⴷⵍⵙⴰ ⵏ ⵓⵎⵢⴰⵡⴰⴷ ⵉⵙⵉⵏⵖⴰⵍⵉ ⵎⴰⵙⵙ ⴷⵉⵎⴱⴰ ⴼⴰⵢ.

ⵜⴽⴽⴰⵜⵏ ⵜⴰⴼⵉⴷⵉⵕⴰⵍⵉⵜ ⵜⴰⵟⵍⴰⵙⵉⵜ ⵏ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⴱⴷⴰ ⴳ 14 ⴽⵟⵓⴱⵕ 2014 .ⵜⵔⴰ ⴰⴷ ⵜⴰⵡⵙ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵜⵉⵙⵏⵓⵔⴰⵢⵉⵏ ⴳ ⵉⵙⵡⵉⵔⵏ ⵉⵏⵎⵏⴰⴹⵏ ⴷ ⵓⵎⴰⴹⴰⵍ

ⵉⵍⵍⴰ ⴳ ⵜⴰⴼⵉⴷⵉⵕⴰⵍⵉⵜ ⵜⴰⵟⵍⴰⵙⵉⵜ ⵏ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵜⵉⴼⵔⵉⵇⵢⵉⵏ ⵓⴳⴳⴰⵔ ⵏ 20 ⵏ ⵜⵉⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⴳ ⵉⴼⵔⵉⵇⵢⴰ ⵜⴳⴰ ⴰⵏⵙⴰ ⵏ ⵓⴷⵓⴷ ⵏ ⵉ ⵓⵙⵏⴼⵍ ⵏ ⵉⵔⵉⵎⵏ ⴷ ⵉⵏⵖⵎⵉⵙⵏ

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%9C%E2%B4%B0%E2%B4%BC%E2%B5%89%E2%B4%B7%E2%B5%89%E2%B5%95%E2%B4%B0%E2%B5%8D%E2%B5%89%E2%B5%9C-%E2%B5%9C%E2%B4%B0%E2%B5%9F%E2%B5%8D%E2%B4%B0%E2%B5%99%E2%B5%89%E2%B5%9C-%E2%B5%8F-%E2%B5%9C%E2%B5%89%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%89%E2%B5%8F-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B5%9C%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B5%89%E2%B5%8F-%E2%B4%B0%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%A1%E2%B5%89%E2%B5%99%E2%B5%99-8-%E2%B5%8F