Published on MAPNews (https://www.mapnews.ma/am)

Accueil > ⵙⵏⵓⴱⴳⵏ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵏⵣⴰⵖ ⴰⵏⴰⵎⵓⵔ ⴷ ⵓⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴰⵎⴰⵡⵙⴰⵙ ⵏ ⵓⵎⵏⵣⴰⵖ ⵉⵚⵕⴰⵉⵍⵉ

ⵙⵏⵓⴱⴳⵏ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵏⵣⴰⵖ ⴰⵏⴰⵎⵓⵔ ⴷ ⵓⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴰⵎⴰⵡⵙⴰⵙ ⵏ ⵓⵎⵏⵣⴰⵖ ⵉⵚⵕⴰⵉⵍⵉ

24 ⵏⵓⵡⴰⵏⴱⵉⵔ 2021 Version Imprimable
ⵕⵕⴱⴰⵟ - ⵙ ⵉⴹⵏ ⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵙⵏⵓⴱⴳ ⵎⴰⵙⵙ ⵄⴱⴷⵍⵍⵟⵉⴼ ⵍⵓⴷⵉⵢⵢⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵙⵎⴳⴰⵍⵏ ⵙ ⵜⵎⵙⵙⵓⴳⵔⵜ ⵏ ⵓⵎⵏⵣⴰⵖ ⴰⵏⴰⵎⵓⵔ, ⴷ ⵓⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵎⵖⴰⵕ ⵏ ⵜⵙⴳⴰ ⵏ ⵉⴼⴼⵓⵙ, ⴰⵙⵙ ⵏ ⵓⴽⵕⴰⵙ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ, ⴰⵎⴰⵡⵙⴰⵙ ⵏ ⵓⵎⵏⵣⴰⵖ ⵉⵚⵕⴰⵢⵍⵉ, ⵎⴰⵙⵙ ⴱⵏⵢⴰⵎⵉⵏ ⴳⴰⵏⵜⵣ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵓⵣⵔⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵎⴰⵙ ⵙ ⵓⵣⵣⵉⴳⵔ ⵏ ⵉⴹⵏ ⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵙⵏⵓⴱⴳ ⵎⴰⵙⵙ ⵄⴱⴷⵍⵟⵟⵉⴼ ⵍⵓⴷⵉⵢⵢⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵜⵎⵙⵙⵓⴳⵔⵜ ⵜⴰⵏⴰⵎⵓⵔⵜ, ⴰⵙⵙ ⴰⴷ ⴳ ⵓⵙⵖⵉⵎ ⵏ ⵜⵎⵙⵓⴳⵔⵜ, ⵢⴰⵏ ⵓⴽⴰⴱⴰⵕ ⵉⵚⵕⴰⵢⵍⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴱⵏⵢⴰⵎⵉⵏ ⴳⴰⵏⵜⵣ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ, ⴷ ⵓⵎⴰⵡⵙⴰⵙ ⵏ ⵓⵎⵏⵣⴰⵖ ⵏ ⵓⵡⴰⵏⴽ ⵉⵚⵕⴰⵢⵍⵉ ⵍⵍⵉ ⵢⵙⴽⵔ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⴳ ⵍⵎⵖⵔⵉⴱ ⵙⴳ 23 ⴰⵔ 25 ⵏⵓⵡⴰⵏⴱⵉⵔ ⴰⴷ.

ⵉⴽⵛⵎ ⵓⵣⵔⴰⴼ ⴰⴷ ⴳ ⵓⵙⴰⵜⵉ ⵏ ⵉⵎⵢⴰⵙⵙⴰⵏ ⵏ ⵓⵎⵢⴰⵡⴰⵙ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵉⵚⵕⴰⵢⵍⵉ ⵍⵍⵉ ⵢⵣⵎⵎⴻⵎⵏ ⵓⵍⴰⵢ ⵉⵍⵍⴰⵏ ⵙⴳ ⵓⵙⴳⵎⴹ ⴷ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵙⴳⵓⵔⵉ ⵜⵉⵙⵙ ⴽⵕⴰⴹ (ⵍⵎⵖⵔⵉⴱ-ⵉⵚⵕⴰⵢⵉⵍ-ⵎⵉⵔⵉⴽⴰⵏ) ⴳ ⴷⵓⵊⴰⵏⴱⵉⵔ 2020 ⵍⵍⵉ ⵢⵇⵇⵏⵏ ⵜⵔⵏⵓⵏⵜ ⵏ ⵉⵎⵢⴰⵙⵙⴰⵏ ⵉⴷⵉⴱⵍⵓⵎⴰⵙⵉⵢⵏ ⵏⵏⵙ.

ⵙ ⵓⵣⵎⵎⵣⵓ ⴷⵖ, ⵙⵎⵖⵔⵏ ⵙⵉⵏ ⵉⵎⴰⵡⵙⴰⵙⵏ ⵓⵍⴰⵢ ⵉⵍⵍⴰⵏ ⴳ ⵉⴳⵔ ⵏ ⵓⵎⵏⵣⴰⵖ ⵙ ⵓⵙⴽⵔ ⵏ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵓⵔⴰⵢ ⵏ ⵉⵏⵖⵎⵉⵙⵏ ⴳ ⵉⴳⵔ ⵏ ⵓⵎⵏⵣⴰⵖ, ⴷ ⵜⵎⵙⵙⴽⵜⵉⵜ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⵏⴼⵔⵓⵜ ⵜⴰⵙⵉⴱⵉⵕⴰⵏⵉⵜ.

ⴷⴼⴼⵉⵔ ⴰⴷ, ⵙⵉⴳⴳⵍⵏ ⵙⵉⵏ ⵉⵎⴰⵡⵙⴰⵙⵏ ⵉⴱⵔⵉⴷⵏ ⵏ ⵓⵎⵙⴰⵙⴰ ⵏ ⵜⵓⵇⵇⵏⴰ ⵜⵉⵄⵚⴽⵕⵉⵏ ⵜⵉⵙⵉⵏⵔⴰⵏⵉⵏ ⴳ ⵉⴳⵔⵏ ⵖⵓⵔⵙⵏ ⴰⴷⴷⵓⵔ ⵉⵛⵛⴰⵔⵏ, ⴷ ⵙⵎⴰⵢⵏⴰⵏ ⵜⵉⵔⴰⵜ ⵏⵏⵙⵏ ⵉⵛⵛⴰⵔⵏ ⴳ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⴰⴷ.

ⴷ ⵙⵉⴳⴳⵍⵏ ⵙⵉⵏ ⵉⵎⴰⵡⵙⴰⵙⵏ ⵜⵖⴰⵡⵙⵉⵡⵉⵏ ⵖⵓⵔⵙⵏ ⵜⵖⵔⴰ ⵜⴰⵙⵉⵏⵔⴰⵏⵜ ⴷ ⵜⴰⵙⴳⵡⴰⵏⵜ ⴳ ⵓⵙⴰⵜⵉ ⵢⴰⴷ, ⴷ ⵎⵍⴰⵏ ⵙⵏⴰⵜ ⵜⴼⵓⵍⵉⵏ ⵜⵓⵇⵇⵏⵉⵏ ⵜⵉⵎⵣⵔⵓⵢⵉⵏ ⴷ ⵜⵉⴷⵎⵙⴰⵏⵉⵏ ⵉⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ, ⴷ ⵜⵣⴷⵉⵜ ⵉⵍⵍⴰⵏ ⴳⵔ ⵉⴼⵔⴷⵉⵏ ⵏ ⵓⴳⵔⴰⵡ ⵓⴷⴰⵢ ⴳ ⵍⵎⵖⵔⵉⴱ ⴷ ⵓⴷⴰⵢⵏ ⵉⵎⵖⵔⴰⴱⵉⵢⵏ ⴳ ⵉⵚⵕⴰⵉⵍ ⴷ ⴳ ⴰⴽⴽⵯ ⵜⵙⴳⵉⵡⵉⵏ ⵏ ⵓⵎⴰⴹⴰⵍ. 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%99%E2%B5%8F%E2%B5%93%E2%B4%B1%E2%B4%B3%E2%B5%8F-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%94%E2%B5%89-%E2%B5%89%E2%B5%9C%E2%B5%9C%E2%B5%93%E2%B5%99%E2%B5%8E%E2%B4%B0%E2%B4%B3%E2%B4%B0%E2%B5%8D%E2%B5%8F-%E2%B5%99-%E2%B5%93%E2%B5%8E%E2%B5%8F%E2%B5%A3%E2%B4%B0%E2%B5%96-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B4%B7-%E2%B5%93%E2%B5%8A%E2%B5%89%E2%B5%8F%E2%B5%89%E2%B5%95%E2%B4%B0%E2%B5%8D-%E2%B4%B7%E2%B5%93-%E2%B4%BD%E2%B5%93%E2%B5%95-%E2%B4%B7%E2%B4%B0%E2%B5%95%E2%B5%8E%E2%B5%89-%E2%B4%B0%E2%B5%8E%E2%B4%B3%E2%B4%B3%E2%B5%89%E2%B5%A1%E2%B5%99