ⵚⵚⵃⵕⴰ : ⵜⵙⵎⵢⵏⴰ ⵎⵉⵔⵉⴽⴰⵏ ⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⵙⵉⵎⴰⵏⵜ ⴰⵎⵎ ⵓⴼⵙⵙⴰⵢ "ⵖⵓⵔⵙ ⵍⵎⵉⵚⴹⴰⵇⵢⵢⴰ ⴷ ⵓⵍⴰⵡ"

23 ⵏⵓⵡⴰⵏⴱⵉⵔ 2021 Version Imprimable

ⵡⴰⵛⵉⵏⵟⵓⵏ - ⵜⵙⵎⵢⵏⴰ ⵎⵉⵔⵉⴽⴰⵏ, ⴰⵙⵙ ⵏ ⵓⵢⵏⴰⵙ, ⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⵙⵉⵎⴰⵏⵜ ⴰⵎⵎ ⵓⴼⵙⵙⴰⵢ ⵏ ⵍⵎⵄⵇⵓⵍ "ⵖⵓⵔⵙ ⵍⵎⵉⵚⴹⴰⵇⵢⵢⴰ ⴷ ⵓⵍⴰⵡ", ⵎⴰ ⵢⴰⴷ ⵉⵇⵇⵏⵏ ⵓⵎⵏⵣⴰⵖ ⴰⵙⴳⵡⴰⵏ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ.

ⵉⵏⵏⴰ ⵡⵎⵙⵉⵡⵍ ⵙ ⵢⵙⵎ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⴳ ⵢⴰⵏ ⵓⵙⵉⵡⴹ ⵉⴼⴼⵖⵏ ⴷⴼⴼⵉⵔ ⵏ ⵓⵎⵎⴰⴳⴳⴰⵔ ⵍⵍⵉ ⵢⵙⵎⴰⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵉⴽⵏⵉ ⵏⵏⵙ ⴰⵎⵉⵔⵉⴽⴰⵏⵉ ⴰⵏⵟⵓⵏⵉ ⴱⵍⵉⵏⴽⵏ, "ⵏⵔⵏⴰ ⵜⵏⴰⵢⵜ ⵏ ⵓⵖⴰⵡⴰⵙ ⴰⵎⵖⵔⴰⴱⵉ ⵏ ⵜⵙⵉⵎⴰⵏⵜ ⵎⴰ ⵢⴰⴷ ⵉⴳⴰⵏ ⵜⵉⵏ ⵍⵎⵇⵄⵓⵍ ⴷ ⵖⵓⵔⵙ ⵍⵎⵉⵚⴹⴰⵇⵉⵢⵢⴰ ⴷ ⵓⵍⴰⵡ".

ⵏⵏⴰⵏ ⵙⵏⴰⵜ ⵜⴼⵓⵍⵉⵏ ⴳ ⵜⵙⴳⴰ ⵢⴰⴹⵏⵉⵏ "ⴰⵏⵏⴰⵍ ⵏⵏⵙⵏ" ⵏ ⵓⵎⴰⵣⴰⵏ ⴰⵏⴼⴳⴰⵏ ⴰⵎⴰⵢⵏⵓ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ, ⵙⵜⵉⴼⴰⵏ ⴷⵉ ⵎⵉⵙⵜⵓⵔⴰ, ⴳ ⵜⵡⵡⵓⵔⵉ ⵏⵏⵙ ⵏ ⵜⵏⵙⵙⵉⵅⴼⵜ ⵏ ⵜⵎⵀⵍⴰ ⵜⵙⵔⵜⴰⵏⵜ ⵉⵥⵍⵉⵏ ⵙ ⵚⵚⵃⵕⴰ ⵙ ⵉⵡⵉⵣ ⵏ ⵜⵎⵜⵜⴰ ⵢⵎⴰⵏⵏ.

ⵙⴰⵡⵍⵏ ⵙⵓⵍ ⴳ ⵓⵎⵎⴰⴳⴳⴰⵔ ⴰⴷ ⵅⴼ ⵜⵎⵢⴰⵇⵇⴰⵏⵜ ⵏ ⴽⵕⴰⴹ ⵏ ⵜⴼⵓⵍⵉⵏ "ⵉⴷⴷⵓⵔⵏ ⴱⴰⵀⵔⴰ" ⵍⵍⵉ ⵙⴽⵔⵏ ⵎⵉⵔⵉⴽⴰⵏ ⴷ ⵍⵎⵖⵔⵉⴱ ⴷ ⵉⵚⵕⴰⵉⵍ, ⵎⴰⵢⴰⴷ ⵉⵙⵔⵙⵏ ⵜⵙⵙⵏⴰ ⵜⴰⵎⴰⵉⵔⵉⴽⴰⵏⵉⵜ ⵏ ⵜⵏⴱⴰⴹⵜ ⵏ ⵜⴳⵍⴷⵉⵜ ⵅⴼ ⴰⴽⴽⵯ ⵡⴰⴽⴰⵍ ⵏ ⵚⵚⵃⵕⴰ.

ⴳ ⵓⵙⴰⵜⵉ ⴷⵖ, ⵉⵏⵏⴰ ⵡⵎⵙⵉⵡⵍ ⵙ ⵢⵙⵎ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵏ ⵎⵉⵔⵉⴽⴰⵏ, ⵎⴰⵙ ⵎⴰⵙⵙ ⴱⵓⵕⵉⵟⴰ ⴷ ⵎⴰⵙⵙ ⴱⵍⵉⵏⴽⵏ "ⵙⵎⵖⵔⵏ ⴳ ⵓⵙⵙⴽⵜⵉ ⵜⴰⵎⵣⵡⴰⵔⵓⵜ ⵏ ⵜⵙⴳⵓⵔⵉ ⵉⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⵉⵚⵕⴰⵉⵍ ⴷ ⵎⵉⵔⵉⴽⴰⵏ, ⵍⵍⵉ ⵢⵎⴰⴳⴳⴰⵔⵏ ⴷ ⵡⴰⵙⵙ ⵏ 22 ⴷⵓⵊⴰⵏⴱⵉⵔ".

ⵉⵙⵓⵍ ⵉⵙⵙⴽⵜⵉ ⵎⴰⵙ ⵜⴷⵔⴰⵡⵜ ⵜⴰⵙⵉⵏⴰⵏⵜ "ⵜⵙⵖⵣⵣⵉⴼ ⴳ ⵓⵣⵎⵣ ⵏ ⵜⵖⴱⵉ ⴳ ⵉⵙⴱⵖⵓⵔⵏ ⵉⵛⵛⴰⵔⵏ ⵅⴼ ⵙⵙⵍⴰⵎⵜ ⴷ ⵜⵏⴼⵔⵓⵜ ⴷ ⵓⵍⴰⵢ ⴰⵙⴳⵡⴰⵏ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B5%99%E2%B5%8E%E2%B5%A2%E2%B5%8F%E2%B4%B0-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%9C%E2%B5%99%E2%B5%8F%E2%B5%9C%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B5%8E-%E2%B5%93%E2%B4%BC%E2%B5%99%E2%B5%99%E2%B4%B0%E2%B5%A2-%E2%B5%96%E2%B5%93%E2%B5%94%E2%B5%99-%E2%B5%8D%E2%B5%8E%E2%B5%89%E2%B5%9A%E2%B4%B9%E2%B4%B0%E2%B5%87%E2%B5%A2%E2%B5%A2%E2%B4%B0-%E2%B4%B7