Published on MAPNews (https://www.mapnews.ma/am)

Accueil > ⵉⵙⵙⵖⵥⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵔⵜ ⵏ "ⵍⴰⵎⴰⴱ" ⵅⴼ ⴰⵖⴰⵡⴰⵙ ⵏ ⵜⵡⵓⵔⵉ ⴷ ⵜⴰⵎⵙⴰⵙⵜⵍⵜ ⵏ ⵓⵙⴳⴳⴰⵙ ⵏ 2022

ⵉⵙⵙⵖⵥⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵔⵜ ⵏ "ⵍⴰⵎⴰⴱ" ⵅⴼ ⴰⵖⴰⵡⴰⵙ ⵏ ⵜⵡⵓⵔⵉ ⴷ ⵜⴰⵎⵙⴰⵙⵜⵍⵜ ⵏ ⵓⵙⴳⴳⴰⵙ ⵏ 2022

23 ⵏⵓⵡⴰⵏⴱⵉⵔ 2021 Version Imprimable
ⵕⵕⴱⴰⵟ - ⵉⵙⵙⵖⵥⵏ ⵓⵙⵇⵇⵉⵎ ⵏ ⵜⵎⵙⵓⴳⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ" ⵍⵍⵉ ⵢⵎⴰⵏ ⴰⵙⵙ ⵏ ⵓⵢⵏⴰⵙ ⵙ ⵜⵏⵙⵙⵉⵅⴼⵜ ⵏ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵉⵄⵄⵓⵔⵎⴰ ⴷ ⵓⵎⵢⴰⵡⴰⴹ ⵎⵓⵃⵎⵎⴷ ⵎⵀⴷⵉ ⴱⵏⵙⵄⵉⴷ ⵅⴼ ⴰⵖⴰⵡⴰⵙ ⵏ ⵜⵡⵓⵔⵉ ⵜⴰⵎⵙⴰⵙⵜⵍⵜ ⵏ ⵓⵙⴳⴳⴰⵙ ⵏ 2022.

ⴷ ⵉⴹⴼⵔ ⵓⵙⵇⵇⵉⵎ ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ ⵍⵍⵉ ⵎⵓⵏⵜ ⵙⵍⴰⵡⵏ ⴰⴽⴽⵯ ⵙ ⵜⵉⵍⵉⵜ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵔⵜ ⵏ ⵍⵎⵃⴹⴰⵔ ⵏ ⵜⵙⵎⵓⵏⵉ ⵍⵍⵉ ⵢⵎⴰⵏ ⵙ ⵓⵎⵣⵔⵓⵢ 29 ⵉⵏⵏⴰⵢⵔ 2020.

ⴳ ⵢⴰⵜ ⵜⵙⴳⵓⵔⵉ ⴳ ⵓⵣⵎⵎⵣⵓ ⴰⴷ ⵉⵎⵍⴰ  ⵎⴰⵙⵙ ⴱⵏⵙⵄⵉⴷ ⵜⵉⵍⴰⵍⵜ ⵉⴷⴷⵓⵔⵏ ⵖⵓⵔ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⴳ ⵓⵏⵙⴰ ⵏ ⵓⵏⵖⵎⴰⵙ ⴷ ⴰⵏⴰⵎⵓⵔ ⴷ ⵉⵙⵔⵙ ⵜⵉⴼⴰⵡⵜ ⵅⴼ "ⵉⵏⴽⵔⵙⵏ ⵉⵖⵓⴷⴰⵏ ⴱⴰⵀⵔⴰ" ⵎⴰⵢⴰⴷ ⵜⵓⵊⵊⴰ ⵜⵙⵏⵓⵔⴰⵢⵜ ⵅⴼ ⵉⴳⵔ ⵏ ⵜⵏⵖⵎⴰⵙⵜ ⴳ ⵍⵎⵖⵔⵉⴱ

ⴳ ⵜⵙⴳⴰ ⵏⵏⵙ ⵉⵏⵏⴰ ⵓⵎⴰⵔⵉ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵎⴰⵙⵙ ⵕⵕⴰⵛⵉⴷ ⴱⵓⵎⵃⵉⵍ ⴳ ⵢⴰⵏ ⵓⵙⴼⵙⵔ ⵍⵍⵉ ⵢⵙⵎⵏⵉⴷ ⴳ ⵓⵣⵎⵎⵣⵓ ⵜⵜⵓⵙⴽⴰⵔⵏ ⵏ ⵜⵙⵏⵓⵔⴰⵢⵜ ⴳ ⵓⵙⴳⴳⵯⴰⵙ ⵓⵥⵕⴼ 2020 ⵍⵍⵉ ⵢⵙⵙⵏ ⴰⴷⴷⴰⴷ ⵓⵔ ⵉⵣⵡⵓⵔ : ⴰⵇⵇⵉⵎ ⴰⴷⵓⵙⴰⵏ ⵓⵎⴰⵜⴰ ⴳ 25% ⵏ ⵓⵙⴳⴳⵯⴰⵙ .

ⵉⵙⵓⵍ ⵉⵏⵏⴰ ⵎⴰⵙ ⵉⵜⵜⵢⵓⵎⴰⵣⵏ ⵏ ⵓⵏⵎⵓⴷⴷⵓ ⴳ ⵓⵙⴳⴳⵯⴰⵙ ⴷ ⵓⴱⵉⴷⴷ ⵏ ⵓⵎⵎⵓⵙⵙⵓ ⴳ ⵎⵏⵏⴰⵡ ⵏ ⵉⴳⵔⵏ ⵉⴷⵍⵙⴰⵏⵏ ⵎⴰⵢⴰⴷ ⵢⵓⵊⵊⴰ ⵜⵉⵎⵓⴽⵔⵉⵉⵙⵏ ⵉⵥⵕⴼⵏ ⵉⵎⵇⵇⵕⴰⵏⵉⵏ ⴳ ⵎⵏⵏⴰⵡ ⵏ ⵎⵉⴷⴷ ⵏ ⵜⵙⵏⵓⵔⴰⵢⵜ .

ⵉⵔⵏⴰ ⵢⵉⵏⵏⴰ ⵎⴰⵙⵙ ⴱⵓⵎⵃⵉⵍ ⵎⵃⴰⵙ ⵜⵣⴹⴰⵕ ⵜⴰⵙⵏⵓⵔⴰⵢⵜ ⴰⴷ ⵜⵙⴱⴰⵢⵏ ⴰⵎⵎⵓⵙⵙⵓ ⵏ ⵉⵙⵉⵛⴽⵍ ⵙⵍⴰⵡⵏ ⴰⴽⴽⵯ ⴳ ⵓⵙⵡⵉⵔ ⴰⵏⴳⵔⴰⵡ ⴷ ⵢⵉⵡⵉⵏ ⵏ ⵜⴼⵍⵙⴰⴼⵜ ⵏ ⵜⵜⵓⵙⴽⵔⴰ ⵏ ⵜⴷⵍⴰ ⵏ ⵉⵏⵖⵎⵉⵙⵏ ⴳ ⴰⵏⵜⵉⵔⵏⵉⵜ ⴷ ⵓⵙⴷⴷⵓⵙ ⵏ ⵓⵙⵙⴰⵢ ⵏ ⵉⵎⵡⵡⵓⵔⵉⵏ ⵎⴰⵢⴰⴷ ⵉⴳⴰⵏ ⵓⵖⴰⵔⴰⵙ ⵍⵍⵉ ⵢⴱⴷⴰⵏ ⴳ ⵓⵙⴳⴳⵯⴰⵙ 2015 ⵏ ⵜⵢⴰⴼⵓⵜⵉⵏ ⵉⵅⴰⵜⴰⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%99%E2%B5%96%E2%B5%A5%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8E%E2%B5%99%E2%B5%99%E2%B5%93%E2%B4%B3%E2%B5%94%E2%B5%9C-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B5%85%E2%B4%BC-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B4%B7-%E2%B5%9C%E2%B4%B0%E2%B5%8E%E2%B5%99%E2%B4%B0%E2%B5%99%E2%B5%9C%E2%B5%8D%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B4%B0%E2%B5%99-%E2%B5%8F-2022