"ⵍⴰⵎⴰⴱ", ⴰⴳⵊⴷⵉ ⴰⴳⴷⵓⴷⴰⵏ ⵏ ⵜⵏⵖⵎⴰⵙⵜ ⵉⵚⵃⴰⵏ ⵉⵍⵍⴰⵏ ⴳ ⴽⵔⴰ ⵢⴳⴰⵜ ⵉⴳⵔ ⵏ ⵓⴳⴰⴷⴰⵣ ⵏ ⵜⵏⵖⵎⴰⵙⵜ (ⴰⵏⵎⵀⴰⵍ ⴰⵎⴰⵜⴰⵢ ⵏ "ⵍⴰⵎⴰⴱ")

22 ⵏⵓⵡⴰⵏⴱⵉⵔ 2021 Version Imprimable

ⵕⵕⴱⴰⵟ - ⵜⴳⴰ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ), ⴳ ⴰⵙⵙ ⴰⴷ, ⵢⴰⵏ ⵓⴳⵊⴷⵉ ⴰⴳⴷⵓⴷⴰⵏ ⵏ ⵜⵏⵖⵎⴰⵙⵜ ⵉⵚⵃⴰⵏ ⵉⵍⵍⴰⵏ ⴳ ⴽⵔⴰ ⵢⴳⴰⵜⵜ ⵉⴳⵔ ⵏ ⵓⴳⴰⴷⴰⵣ ⵏ ⵜⵏⵖⵎⴰⵙⵜ, ⵎⴰ ⵢⴰⴷ ⵉⵏⵏⴰ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ, ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ.

"ⵉⴳⴰ ⵍⵃⴰⵍ ⵢⴰⵏ ⵓⴳⵊⴷⵉ ⴰⴳⴷⵓⴷⴰⵏ ⵢⵓⵎⵥⵏ ⴰⵖⴰⵔⴰⵙ ⵉⴼⵓⵍⴽⵉⵏ, ⵙ ⵜⵣⵓⵍⵜ ⴷ ⵜⵎⵓⵣⴰⵢⵜ ⵜⴰⵣⵣⵓⵍⴰⵏⵜ ⴷ ⵜⵏⴰⵎⵓⵔⵜ", ⵎⴰ ⵢⴰⴷ ⵉⵏⵏⴰ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ, ⴰⵎⵎⴰⵙ ⵏ ⵢⴰⵜ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ "ⵍⴰⵎⴰⴱ", ⵍⵍⵉ ⵢⵣⵔⵉⵏ ⴷⴷⵓ ⵏ ⵜⵏⵙⵙⵉⵅⴼⵜ ⵏ ⵓⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⵓⵃⵎⵎⴷ ⵎⵀⴷⵉ ⴱⵏⵙⵄⵉⴷ.

ⵉⴼⵔⴰ ⵢⵏⵏⴰ ⵎⴰⵙ "ⵍⴰⵎⴰⴱ", ⵍⵍⵉ ⵢⵟⵟⴰⴼⵏ ⵢⴰⵜ ⵜⵎⵙⴰⵙⵜⵍⵜ ⵏ 255 ⵓⵎⵍⵢⵓⵏ ⵏ ⴷⴷⵔⵀⵎ, ⴰⵔ ⵙⵓⵍ ⵜⵙⴰⴳⴳⵯⴰⵎⵏ ⴰⴷ ⵉⵜⵜⵓⵙⴷⵓⵙ ⵜⵉⵎⵔⵙⵉ ⵜⴰⵣⵔⴼⴰⵏⵜ ⴰⴼ ⴰⴷ ⵜⴽⵎⵎⵍ ⵜⵙⵎⵉⴳⵍⵜ ⴷ ⵜⵍⴰⵍⵉⵜ ⵜⴰⵏⴰⵎⵓⵔⵜ ⴷ ⵜⴰⵏⵎⵏⴰⴹⵜ ⴷ ⵜⴰⴷⵖⵔⴰⵏⵜ ⵏⵏⵙ.

ⵉⵏⵏⴰ ⵙⵓⵍ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ ⵎⴰⵙ ⵜⵔⴰ ⵜⵏⵥⵕⵜ ⴰⴷ ⴰⴷ ⵜⵉⵍⵉ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵏ ⵜⵏⵖⵎⴰⵙⵜ ⴰⴷ ⵙ ⵢⴰⵜ ⵜⵎⴰⵎⴽⵜ ⵜⴰⵙⵉⵎⴰⵏⵜ ⵙ ⵜⵉⵔⵔⴰ ⴷ ⵉⵙⵉⵜⵏ ⴷ ⵜⵎⵣⴰⵣⵜ ⴷ ⵜⵡⵍⴰⴼⵜ ⴷ ⵉⵙⴰⵜⵉⵍⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B4%B0%E2%B4%B3%E2%B5%8A%E2%B4%B7%E2%B5%89-%E2%B4%B0%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C-%E2%B5%89%E2%B5%9A%E2%B5%83%E2%B4%B0%E2%B5%8F-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3-%E2%B4%BD%E2%B5%94%E2%B4%B0-%E2%B5%A2%E2%B4%B3%E2%B4%B0%E2%B5%9C-%E2%B5%89%E2%B4%B3%E2%B5%94-%E2%B5%8F-%E2%B5%93%E2%B4%B3%E2%B4%B0%E2%B4%B7%E2%B4%B0%E2%B5%A3-%E2%B5%8F-%E2%B5%9C%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C-%E2%B4%B0%E2%B5%8F%E2%B5%8E%E2%B5%80%E2%B4%B0%E2%B5%8D