Published on MAPNews (https://www.mapnews.ma/am)

Accueil > ⴰⵎⵎⴰⴳⴳⴰⵔ ⴳ ⴱⵍⴱⴰⵡ ⵉⵙⴷⴷⵉⴷ ⴰⴷⴷⵓⵔ ⵏ ⵓⵖⴰⵡⴰⵙ ⵏ ⵜⵙⵉⵎⴰⵏⵜ ⴳ ⵓⵇⵇⵏ ⵏ ⵓⵎⵏⵣⴰⵖ ⴰⴽⴽⵯ ⵓⵔ ⵉⵍⵉ ⵅⴼ ⵚⵚⵃⵕⴰ ⵜⴰⵎⵖⵔⴰⴱⵉⵜ

ⴰⵎⵎⴰⴳⴳⴰⵔ ⴳ ⴱⵍⴱⴰⵡ ⵉⵙⴷⴷⵉⴷ ⴰⴷⴷⵓⵔ ⵏ ⵓⵖⴰⵡⴰⵙ ⵏ ⵜⵙⵉⵎⴰⵏⵜ ⴳ ⵓⵇⵇⵏ ⵏ ⵓⵎⵏⵣⴰⵖ ⴰⴽⴽⵯ ⵓⵔ ⵉⵍⵉ ⵅⴼ ⵚⵚⵃⵕⴰ ⵜⴰⵎⵖⵔⴰⴱⵉⵜ

16 ⵏⵓⵡⴰⵏⴱⵉⵔ 2021 Version Imprimable
ⴱⵉⵍⴱⴰⵡ - ⵙⴷⴷⵉⴷⵏ ⵉⵎⵎⵓⵙⵙⵓⵏ ⵉⵚⵃⵕⴰⵡⵢⵉⵏ ⵢⵓⵛⴽⴰⵏ ⵙ ⵎⵏⵏⴰⵏ ⵏ ⵜⵙⴳⴰⵡⵉⵏ ⵉⵚⴱⵍⵢⵓⵏⵉⵏ ⴷ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵎⵙⵜⴰⵏⵏ ⵉⴹⵍⵍⵉ ⴰⵙⵙ ⵏ ⵓⵢⵏⴰⵙ ⵅⴼ ⴰⴷⴷⵓⵔ ⵏ ⵜⵙⵉⵎⴰⵏⵜ ⵍⵍⵉ ⵢⵙⵎⵏⵉⴷ ⵍⵎⵖⵔⵉⴱ ⴳ ⵓⵇⵇⵏ ⵏ ⵓⵎⵏⵣⴰⵖ ⴰⴽⴽⵯ ⵓⵔ ⵉⵍⵉ ⵅⴼ ⵚⵚⵃⵕⴰ ⵜⴰⵎⵖⵔⴰⴱⵉⵜ.

ⴳ ⵓⵎⵎⴰⴳⴳⴰⵔ ⴰⴷ ⵜⵜⵓⵙⵏⵎⴰⵍⴰⵏ ⵙⴳ ⵉⵎⵎⵓⵍⵉ ⴰⵚⵃⵕⴰⵡⵉ ⴰⵚⴱⵍⵢⵓⵏⵉ ⵙ ⵓⵎⵢⴰⵡⴰⵙ ⴷ ⵓⵙⴳⵔⴰⵡ ⴰⴷⵎⵙⴰⵏ ⵏ ⵍⴱⴰⵙⴽ ⵉⴼⵔⴰ ⵏⵏⴰⵏ ⵉⵎⵙⴰⵡⵍⵏ ⵎⴰⵙ ⵜⵙⵎⵓⵔⵜ ⵜⴰⵎⵖⵔⴰⴱⵉⵜ ⵉⵙⵏⵓⴱⴳ ⴰⵏⵏⴰⵍ ⴰⵎⴰⴹⵍⴰⵏ ⴷ ⵉⴳⴰ "ⴰⵣⵎⵣ ⴰⵎⵇⵇⵕⴰⵏ" ⴰⴼⴰⴷ ⵏ ⵓⵇⵇⵏ ⵏ ⵓⵎⵏⵣⴰⵖ ⴰⴽⴽⵯ ⵓⵔ ⵉⵍⵉ ⵙⴳ "ⴰ" ⴰⵔ "ⵢ" ⵙⴳ ⴷⴷⵣⴰⵢⵔ ⵅⴼ ⵜⴰⵎⵖⵔⴰⴱⵉⵜ ⵏ ⵚⵚⵃⵕⴰ ⴷ ⵜⵜⵓⵙⴽⴰⵔ ⵏ ⵓⵍⴰⵢ ⴳ ⴰⴽⴽⵯ ⵜⵙⴳⴰ .

ⵉⵏⵏⴰ ⴱⵉⴷⵔⵓ ⵓⵔⵔⵢⴰⵔⵜⵉ , ⴰⵎⴰⵡⵙⴰⵙ ⴰⵙⴳⵡⴰⵏ ⵉⵣⵍⵉⵏ ⵏ ⵜⴷⵍⵙⴰ ⴷ ⵓⵣⵕⴼ ⴳ ⵜⵏⴱⴰⴹⵜ ⵏ ⵍⴱⴰⵙⴽ ⵎⴰⵙ ⵜⵙⵉⵎⴰⵏⵜ ⵢⵓⵙⵙⵄⵏ ⵍⵍⵉ ⵢⵙⵎⵓⵔ ⵍⵎⵖⵔⵉⴱ "ⵖⵓⵔⵙ ⴰⵜⵉⴳ ⴰⵙⵔⵜⴰⵏ ⴷ ⴰⴷⵎⵙⴰⵏ ⵉⵎⵇⵇⵓⵕⴰⵏ" ⵉⵙⴷⴷⵉⴷ ⵎⴰⵙ ⵉⴳⴰ ⵍⵃⴰⵍ ⵏ ⵓⵖⴰⵡⴰⵙ "ⵉⵖⴱⴰⵏ ⴷ ⵊⵊⴷⵉ " ⵏ ⵓⵙⴷⵓⵙ ⵏ ⵓⵍⴰⵢ ⴳ ⵜⵎⵏⴰⴹⵜ ⵏ ⵚⵚⵃⵕⴰ

ⴷⴼⴼⵉⵔ ⵍⵍⵉⵖ ⵉⵎⵍⴰ ⵏ ⵎⴰⴷ ⵉⵣⵍⵉⵏ ⵏ ⵓⵏⴳⵔⴰⵡ ⴰⵙⵔⵜⴰⵏ ⴰⴱⴰⵙⴽⵉ ⵉⴱⵉⴷⴷⵏ ⵅⴼ ⵜⴰⵙⵉⵎⴰⵏⵜ ⵉⵙⵓⵍ ⵉⵏⵏⴰ ⵎⴰⵙ ⵓⵔⵢⴰⵜⵉ ⵎⴰⵙ ⵓⵖⴰⵡⴰⵙ ⵏ ⵜⵙⵉⵎⴰⵏⵜ ⵉⵥⴹⴰⵕ ⵉⵎⵣⴷⴰⵖⵏ ⵉⴷⵖⵔⴰⵏⵏ ⴰⴷ ⵉⵙⵓⴷⴷⵓⵏ ⵏ ⵜⵖⴰⵡⵙⵉⵡⵉⵏ ⵏⵏⵙ ⵉⵙⵍⵉⴳⵏ ⵎⴰⵢⴰⴷ ⵉⴳⴰⵏ ⴰⵎⴰⴽ ⵉⴷⴷⵓⵔⵏ ⵉⴼⴽⴰⵏ ⴰⵙⴷⵓⵙ ⵏ ⵜⴳⵎⵉ ⵜⴰⴷⵖⵔⴰⵏⵜ ⴳ ⴰⴽⴽⵯ ⵉⵙⵡⵉⵔⵏ.

ⴳ ⵓⵙⴰⵜⵉ ⴷⵖ ⵉⵣⵎⵎⵓⵎ ⴱⵉⴷⵔⵓ ⴽⴰⵎⴱⵓ , ⴰⴷⵎⵙⴰⵏ ⴷ ⵓⵏⵙⵙⵙⵉⵅⴼ ⵏ ⵜⵎⵓⵏⵜ ⵜⵎⵙⵙⵓⵔⵉⵏ ⵉⵙⴱⴱⴰⴱⵏ ⴳ ⴱⵙⴽⴰⵢ ⵎⴰⵙ "ⴰⵎⵎⴰⴳⴳⴰⵔ ⴰⴷ ⵉⵖⵍⴰ ⴷ ⵉⵖⵓⴷⴰⵏ" ⵍⵍⵉⵖ ⵉⵙⵉⴳⴳⵍ ⵏ ⵜⴱⵖⵓⵔⵉⵏ ⵏ ⵜⵙⵏⵙⵉ ⵏ ⵜⵙⵉⵎⴰⵏⵜ ⴳ ⵚⵚⵃⵕⴰ ⵜⴰⵎⴰⵖⵔⴰⴱⵉⵜ ⴷ ⵉⵙⵔⵙ ⵜⵉⴼⴰⵡⵜ ⵅⴼ ⵉⵣⵎⵣⵏ ⵉⵙⴱⴰⴱⴱⵏ ⵉⵍⵍⴰⵏ ⴳⵜⵙⴳⴰⵡⵉⵏ ⵏ ⵉⵣⵣⵓⵙ.

ⵉⵏⵏⴰ ⵙⵓⵍ "ⵖⵓⵔⵖ ⵉⵣⵎⵣⵏ ⵉⴷⴷⵓⵔⵏ ⵏ ⵜⴷⵔⴰⵡⵜ ⵜⴰⵙⴱⴰⴱⴱⵜ ⴷ ⵉⵎⴷⵔⴰⵡⵏ ⵏⵏⵖ ⴳ ⵚⵚⵃⵕⴰ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%8E%E2%B4%B0%E2%B4%B3%E2%B4%B3%E2%B4%B0%E2%B5%94-%E2%B4%B3-%E2%B4%B1%E2%B5%8D%E2%B4%B1%E2%B4%B0%E2%B5%A1-%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%99%E2%B5%89%E2%B5%8E%E2%B4%B0%E2%B5%8F%E2%B5%9C-%E2%B4%B3-%E2%B5%93%E2%B5%87%E2%B5%87%E2%B5%8F-%E2%B5%8F-%E2%B5%93%E2%B5%8E%E2%B5%8F%E2%B5%A3%E2%B4%B0%E2%B5%96-%E2%B4%B0%E2%B4%BD%E2%B4%BD%E2%B5%AF-%E2%B5%93%E2%B5%94-%E2%B5%89%E2%B5%8D%E2%B5%89-%E2%B5%85%E2%B4%BC