ⴰⵙⴳⴳⴰⵙ ⵏ ⴰⵚⵉⵍⴰ ⵉⵙⴼⵓⴳⵍⵓ ⵙ ⵎⵓⵃⵎⵎⴷ ⵍⴱⵔⵉⵏⵉ , ⴰⵏⵖⵎⴰⵙ ⵍⵍⵉ ⵉⵙⵎⴰⵢⵓ ⵏ ⵜⵎⵓⵖⵍⵉⵜ ⵜⴰⵏⵖⵎⴰⵙⵜ ⴳ ⵍⵎⵖⵔⵉⴱ

11 ⵏⵓⵡⴰⵏⴱⵉⵔ 2021 Version Imprimable

ⴰⵚⵉⵍⴰ - ⵉⵙⴼⵓⴳⵍⴰ ⵓⵙⴳⴳⵯⴰⵙ ⴰⵚⵉⵍⴰ ⴰⴷⵍⵙⴰⵏ ⴰⵎⴰⴹⵍⴰⵏ ⵡⵉⵙⵙ 42 ⴰⵙⵙ ⵏ ⵓⴽⵡⴰⵙ ⴳ ⵓⵕⵥⵥⵓⵎ ⵏ ⵜⵅⴰⵎⵜ ⵏ ⵓⵙⵏⴼⵍⵓⵍ ⵙ ⵉⵔⵉⵎ ⵏ ⵎⵓⵃⵎⵎⴷ ⵍⴱⵔⵉⵏⵉ ⵢⴰⵏ ⵎⵉⴷⵏ ⵉⵅⴰⵜⴰⵔⵏ ⵏ ⵜⵏⵖⵎⴰⵙⵜ ⵏ ⵉⵎⵓⵍⵍⵉ ⴷ ⴰⵙⵉⵎⴰⵏ ⴷ ⵢⴰⵏ ⵓⵏⵖⵎⴰⵙ ⵍⵍⵉ ⵉⵙⵎⴰⵢⵏⵓⵏ ⵏ ⵜⵎⵓⵖⵍⵉⵜ ⵜⴰⵏⵖⵎⴰⵙⵜ ⵜⴰⵎⵖⵔⴰⴱⵉⵜ .

ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⴱⵏ ⵄⵉⵙⵙⴰ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⴳⵔⴰⵡ ⵏ ⴰⵚⵉⵍⴰ ⴰⴷⵍⵙⴰⵏ ⴰⵎⴰⴹⵍⴰⵏ ⵍⵍⵉ ⵢⵎⴰⵏⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⴰⵕⵥⵥⵓⵎ ⵏ ⵜⵅⴰⵎⵜ ⵏ ⵓⵙⵏⴼⵍⵓⵍ ⵏ ⵓⵙⴳⴳⴰⵙ 2021 ⵉⵣⵍⵉⵙ ⵙ ⵓⵙⵎⵖⵔ ⵏ ⵎⴰⵙⵙ ⵎⵓⵃⵎⵎⴷ ⵍⴱⵔⵉⵏⵉ ⵢⴰⵏ ⵉⵎⵙⴽⴰⵔⵏ ⵉⵙⵎⴰⵢⵏⵓⵏ ⴳ ⵉⴳⵔ ⵏ ⵜⵏⵖⵎⴰⵙⵜ ⵍⵍⵉ ⵜⵜⵓⵙⵙⴰⵏⵏ ⵙ ⵉⴷⴰⴷⵏ ⵏⵏⵙ ⴰⵙⵉⵎⴰⵏ ⴷ ⵉⴷⵓⵙⴰⵏⵏ ⴷ ⵉⵙⵔⵇⴱⵏ ⴳ ⵜⵏⴰⵢⵜ .

ⵉⵙⵓⵍ ⵉⵏⵏⴰ ⵎⴰⵙ ⴰⵙⵜⴰⵢ ⴰⴷ ⵜⵎⵍⴰ "ⵉⵙⴼⴽⴰⵏⵏ ⴳ ⵜⴰⴱⵔⵣⴰ ⵓⴳⴳⵔ ⵏ ⵓⴼⴳⴰⵏ ⵍⵍⵉ ⵢⵅⵚⵚⴰⵏ ⵏ ⵓⵙⵎⵖⵔ ⵙ ⵜⵉⵥⴹⵕⴰⵏ ⵜⵉⵏⴼⴳⴰⵏⵉⵏ ⴷ ⵉⵅⵚⵚⴰⵜ ⵏ ⵓⵙⵎⵖⵔ ⵏ ⵎⵉⴷⵏ ⵏ ⵜⵏⵖⵎⴰⵙⵜⴳ ⵍⵎⵖⵔⵉⴱ ⵎⴰⵢⴰⴷ ⵉⴳⴰⵏ ⴰⴱⵉⴷⵏ ⵏ ⵓⵍⴰⵢ ⴰⵏⴰⵎⵓⵏ".

ⵙ ⵜⵙⴳⴰ ⵏⵏⵙ ⵉⵏⵏⴰ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵉⴷⵔⵉⵙⵉ , ⴰⵏⵎⵀⴰⵍⴰ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵍⵍⵉⵖ ⵉⵙⴰⵡⵍ ⵙ ⴽⴰⵛⵛⵓⵎ ⵏⵏⵙ ⵙ ⵓⵣⵡⵍ "ⵎⵓⵃⵎⵎⴷ ⵍⴱⵔⵉⵏⵉ ..ⴰⵙⴰⵜⵉ ⵉⵛⵛⴰⵔⵏ " ⵎⴰⵙ ⵉⵙⴼⵓⴳⵍⴰⵏ ⴳⵉⵙ "ⵓⵔⴳⴰⵣ ⴰⴷⴷⵓⵙ ⵉⴱⵉⴷⴷⵏ ⵅⴼ ⵜⴷⵍⵙⴰ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⵍⵎⵖⵔⵉⴱ ⴷ ⵉⵉⴼⵓⵍⴽⵉ ⵙ ⵉⴷⴰⵏ ⵏⵏⵙ ⴷ ⵉⵔⴰⵔⵏ ⵏⵏⵙ ⵅⴼ ⵉⵙⴽⵉⵏⵉⵏ .

ⵉⵙⵓⵍ ⵉⵏⵏⴰ ⵎⴰⵙ ⵉⵜⵜⵢⵓⵙⵙⴰⵏ ⵎⴰⵙ ⵍⴱⵔⵉⵏⵉ ⵙ ⵜⵙⵉ ⴷ ⵉⴷⴷⴰⴷⵏ ⵏ ⵓⵙⵖⵍ ⵙ ⵉⵎⵓⵣⴰⵢⵏ ⴷ ⵜⴰⴷⵍⵙⴰ ⵜⴰⴷⵉⵎⵓⵇⵕⴰⵟⵉⵜ ⴷ ⵉⵎⴰⵏ ⵏ ⵓⵎⵙⴰⵡⴰⵍ ⴷ ⵉⴼⵓⵍⴽⵉ ⵏ ⵉⵙⵏⴼⴰⵍⵏ ⵏ ⵉⵅⵎⵎⵓⵎⵏ ⴷ ⵓⵙⵜⴰⵢ ⵏ ⴰⴽⵓⴷ ⵏ ⵏⵏⵉⵏⵉ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B3%E2%B4%B3%E2%B4%B0%E2%B5%99-%E2%B5%8F-%E2%B4%B0%E2%B5%9A%E2%B5%89%E2%B5%8D%E2%B4%B0-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%99-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%8D%E2%B4%B1%E2%B5%94%E2%B5%89%E2%B5%8F%E2%B5%89-%E2%B4%B0%E2%B5%8F%E2%B5%96%E2%B5%8E%E2%B4%B0%E2%B5%99-%E2%B5%8D%E2%B5%8D%E2%B5%89-%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%93-%E2%B5%8F-%E2%B5%9C%E2%B5%8E%E2%B5%93%E2%B5%96%E2%B5%8D%E2%B5%89%E2%B5%9C-%E2%B5%9C%E2%B4%B0%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C-%E2%B4%B3