ⵚⵚⵃⵕⴰ:ⵜⴰⵎⵓⵏⵜ ⵏ ⵓⵕⴱⴱⴰ ⵜⵏⵏⴰⵍ ⴰⴼⵙⴰⵢ ⴰⵙⵔⵜⴰⵏ ⴰⵣⵔⴼⴰⵏ ⴰⵙⵓⵍⴰⵏ ⵉⵎⵙⴰⵙⴰⵏ ⴳⵔ ⵜⵉⴼⵓⵍⵉⵏ

10 ⵏⵓⵡⴰⵏⴱⵉⵔ 2021 Version Imprimable

ⵜⵉⵎⵜⵜⴰ ⵉⵎⵓⵏⵏ/ⵏⵢⵓⵢⵓⵔⴽ/ - ⵜⵏⵏⴰ ⵜⵎⵓⵏⵜ ⵏ ⵓⵕⵓⴱⴱⴰ ⵎⵏⵉⴷ ⴰⴳⵔⴰⵡ ⵡⵉⵙⵙ ⴽⴽⵯⵓⵥ ⵏ ⵜⴰⵎⵙⵎⵓⵏⵜ ⵏ ⵜⵉⵎⵜⵜⴰ ⵉⵎⵓⵏⵏ ⴳ ⵏⵢⵓⵢⵓⵔⴽ ⵎⴰⵙ ⵜⵏⵏⴰⵍ ⴰⴼⵙⴰⵢ ⴰⵙⵔⵜⴰⵏ ⴰⵣⵔⴼⴰⵏ ⴰⵙⵓⵍⴰⵏ ⵉⵎⵙⴰⵙⴰⵏ ⴳⵔ ⵜⵉⴼⵓⵍⵉⵏ ⵏ ⵓⵎⵣⴰⵖ ⴰⵙⴳⵡⴰⵏ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵜⵏⵏⴰ ⵜⴰⵙⵎⴷⵢⴰⵜ ⵏ ⵙⵍⵓⴼⵉⵏⵢⴰ ⵍⵍⵉ ⵉⵙⵡⴰⵍⵏ ⵙ ⵉⵙⵎ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵎⴰⵙ ⴰⵔ ⵜⵙⵙⵔⵇⴰⴱ ⵜⴰⵎⵓⵏⵜ ⵜⵉⴼⵓⵍⵉⵏ ⴰⴷ ⵙⵙⵡⵓⵔⵉⵏⵜ ⴰⴼⴰⴷ ⴰⴷ ⵉⵜⵜⵢⴰⵡⵍⴽⴰⵎ ⵢⴰⵏ ⵓⴼⵙⴰⵢ ⴰⵙⵔⵜⴰⵏ ⴰⵣⵔⴼⴰⵏ ⴰⵙⵓⵍⴰⵏ ⵉⵎⵙⴰⵙⴰⵏ ⴳⵔ ⵜⵉⴼⵓⵍⵉⵏ ⴳ ⵓⵙⴰⵜⵉ ⵏ ⵜⵉⵎⵜⵜⴰ ⵉⵎⵓⵏⵏ ⵍⵍⵉ ⵉⵜⵜⵔⵙⵏ ⵅⴼ ⵜⵉⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵙⴳ 2007.

ⵜⵉⵖⵜⴰⵙⵉⵏ ⴰⴷ ⵙⵙⴼⵓⵍⴽⵉⵏⵜ ⴰⴽⴽⵯ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵉⵥⵍⵉⵏ ⵙ ⴰⵏⴱⴰⴹ ⴰⵙⵉⵎⴰⵏ ⵍⵍⵉ ⵉⴳⴰⵏ ⴰⴼⵙⴰⵢ ⵡⴰⵃⴷⵓⵜ ⵍⵍⵉ ⵉⴳⴰⵏ ⵜⵉⴳⵉⵔⴰ ⵏ ⵓⵎⵣⴰⵖ ⵉⵜⵜⵢⴰⵡⵙⴽⴰⵔⵏ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵏ ⵜⴳⵍⴷⵉⵜ ⴷ ⵡⴰⴽⴰⵍ ⵏⵏⵙ.

ⵜⵙⵙⴽⵜⵉⴷ ⵜⴰⵎⵓⵏ ⵏ ⵓⵕⵓⴱⴱⴰ ⴰⵙⵓⵖⵏ ⵏ ⵓⵏⴼⵍⴰⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵕⵥⵎⵏ ⵉⵎⴹⵉⴽⵉⵕⵏ ⵜⵉⴽⵍⵉⵜ ⵢⴰⴹⵏ ⵍⵍⵉ ⵉⵥⴹⴰⵕⵏ ⴰⴷ ⵜⴰⴹⵓ ⵜⴰⵎⵀⵍⵜ ⵜⴰⵙⵔⵜⴰⵏⵜ.

ⵖⵎⴽⵍⵍⵉ ⵜⵙⵙⴱⵔⴽ ⵜⴰⵎⵓⵏⵜ ⵏ ⵓⵕⵓⴱⴱⴰ ⵜⴰⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴰⴳⵔⴰⵖⵍⴰⵏ 2602 ⵍⵍⵉ ⵉⵎⵍⴰⵏ ⴰⵍⵍⴰⵏ ⵉⴽⵎⵍⵏ ⵉ ⵢⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⴷ ⵜⴰⵙⵓⵎⵔⵜ ⵏⵏⵙ ⴰⴼⴰⴷ ⴰⴷ ⵜⴰⴹⵓ ⵜⴰⵎⵀⵍⴰ ⵜⴰⵙⵔⵜⴰⵏⵜ ⵜⵉⴽⵍⵉⵜ ⵢⴰⴹⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%9A%E2%B5%9A%E2%B5%83%E2%B5%95%E2%B4%B0%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%93%E2%B5%95%E2%B4%B1%E2%B4%B1%E2%B4%B0-%E2%B5%9C%E2%B5%8F%E2%B5%8F%E2%B4%B0%E2%B5%8D-%E2%B4%B0%E2%B4%BC%E2%B5%99%E2%B4%B0%E2%B5%A2-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B4%B0%E2%B5%A3%E2%B5%94%E2%B4%BC%E2%B4%B0%E2%B5%8F-%E2%B4%B0%E2%B5%99%E2%B5%93%E2%B5%8D%E2%B4%B0%E2%B5%8F-%E2%B5%89%E2%B5%8E%E2%B5%99%E2%B4%B0%E2%B5%99%E2%B4%B0%E2%B5%8F-%E2%B4%B3%E2%B5%94-%E2%B5%9C%E2%B5%89%E2%B4%BC%E2%B5%93%E2%B5%8D%E2%B5%89%E2%B5%8F