Published on MAPNews (https://www.mapnews.ma/am)

Accueil > ⴰⵏⵏⵓⵕⵥⵎ ⵏ ⵜⴰⴷⴷⴰⵔⵜ "ⵄⴱⴷⵍⵀⴰⴷⵉ ⵉⴳⴳⵓⵜ" ⵉ ⵜⵥⵓⵕⵉⵡⵉⵏ ⴳ ⴷⴷⵛⴰⵢⵔⴰ

ⴰⵏⵏⵓⵕⵥⵎ ⵏ ⵜⴰⴷⴷⴰⵔⵜ "ⵄⴱⴷⵍⵀⴰⴷⵉ ⵉⴳⴳⵓⵜ" ⵉ ⵜⵥⵓⵕⵉⵡⵉⵏ ⴳ ⴷⴷⵛⴰⵢⵔⴰ

10 ⵏⵓⵡⴰⵏⴱⵉⵔ 2021 Version Imprimable
ⴷⴷⵛⴰⵢⵔⴰ - ⵉⵜⵜⵓⵙⴽⴰⵔ ⵓⵏⵏⵓⵕⵥⵎ ⵏ ⵜⴰⴷⴷⴰⵔⵜ ⵏ ⵜⵥⵓⵕⵉⵡⵉⵏ "ⵄⴱⴷⵍⵀⴰⴷⵉ ⵉⴳⴳⵓⵜ" ⴳ ⵜⴳⵔⴰⵡⵜ ⵏ ⴷⴷⵛⴰⵢⵔⴰ, ⴰⵙⵙ ⵓⵢⵏⴰⵙ ⴰⴷ ⵉⵣⵔⵉⵏ, ⵙⴳ ⴷⴰⵔ ⵎⴰⵙⵙ ⵍⵄⴰⵎⵍ ⵏ ⵜⵏⵉⵍⴰ ⵏ ⵉⵏⵣⴳⴳⴰⵏ ⴰⵢⵜ ⵎⵍⵍⵓⵍ, ⵎⴰⵙⵙ ⵙⵎⴰⵄⵉⵍ ⴱⵓ ⵍⵃⵓⵇⵓⵇ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 46 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵙ ⵓⴷⵔⴰⵡ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⴷ ⵎⴰⵙⵙ ⴰⵏⵎⵀⴰⵍ ⴰⵏⵎⵏⴰⴹ ⵏ ⵜⴷⵍⵙⴰ, ⴷ ⵉⴳⵎⴰⵎⵏ ⵏ ⵡⴰⵎⵎⴰⵙ ⵏ ⵙⵓⵙ ⵎⴰⵙⵙⵜ ⵉ ⵜⴳⵎⵉ ⴷ ⵜⴷⵍⵙⴰ, ⵉⵡⵙⵏ ⴳ ⵓⵏⵏⵓⵕⵥⵎ ⴰⴷ ⴰⵡⴷ ⴽⵔⴰ ⵏ ⵉⵏⴰⵥⵓⵕⵏ ⴷ ⵉⵏⵖⵎⴰⵙⵏ ⵏ ⵜⵙⴳⴰ ⵏ ⵓⴳⴰⴷⵉⵔ.

ⵜⴰⵣⴷⴷⵓⵖⵜ ⴰⴷ ⵜⴰⴷⵍⵙⴰⵏⵜ ⴳⵉⵙ ⴽⵉⴳⴰⵏ ⵏ ⵉⵏⵙⴰⵜⵏ ⴷ ⵜⵙⴰⵡⵓⵔⵉⵏ ⴳ ⵉⴳⵔⴰⵏ ⵏ ⵜⵥⵓⵕⵉ ⴳⴰⵏⵉⵏ ⵜⵉⵎⵏⵏⴰⵡⵉⵏ, ⴷ ⵢⴰⵏ ⵡⴰⵏⵙⴰ ⵉⵥⵍⵉⵏ ⵙ ⵉⵙⴼⵙⵔⵏ ⴷ ⵢⴰⵏ ⵓⵙⴰⵍⴰⵢ ⴰⵥⵓⵕⴰⵏ, ⴷ ⵢⴰⵜ ⵜⵙⴰⵡⵓⵔⵜ ⵏ ⵓⵕⵛⴰⵎ ⴷ ⵜⵙⴰⵡⵓⵔⵜ ⵢⴰⴹⵏ ⵉⵥⵍⵉⵏ ⵙ ⵓⵙⴽⴽⵉⵔ ⵏ ⵉⵎⴰⵙⵙⵏ ⵉⵍⵉⴽⵜⵕⵓⵏⵉⵏ, ⵉⵍⵍⴰ ⴳⵉⵙ ⴰⵡⴷ ⵢⴰⵏ ⵙⵜⵓⴷⵢⵓ ⵏ ⵓⵣⵎⵎⵉⵎ ⵏ ⵜⵙⵙⴼⵉⴼⵉⵏ ⵏ ⵓⵥⴰⵡⴰⵏ , ⴷ ⵙⵜⵓⴷⵢⵓ ⵏ ⵓⵙⵡⵍⵍⴼ, ⴷ ⵢⴰⵜ ⵜⴷⴰⵍⴰ ⵉⵎⵢⴰⵏⴰⵡⵏ ⴳ ⵉⵙⵎⵔⵙⵏ ⵏⵏⵙ.

ⵔⴰⴷ ⵢⵉⵍⵉ ⴼ ⵜⴰⴷⴷⴰⵔⵜ ⴰⴷ ⵏ ⵜⵥⵓⵕⵉ ⵉⴳⵎⴰⵎⵏ ⵏ ⵡⴰⵎⵎⴰⵙ ⵏ ⵙⵓⵙ ⵎⴰⵙⵜ ⵉ ⵜⴳⵎⵉ ⵜⴰⴷⵍⵙⴰⵏⵜ ⴷ ⵜⴳⵔⴰⵡⵜ ⵏ ⴷⴷⵛⴰⵢⵔⴰ ⵍⵊⵉⵀⴰⴷⵉⵢⵢⴰ ⴷ ⵜⵎⵀⵍⴰ ⵜⴰⵏⵎⵏⴰⴷⵜ ⵏ ⵜⴷⵍⵙⴰ, ⵙ ⵢⴰⵜ ⵜⵎⵢⴰⵇⵇⴰⵏⵜ ⵏⵏⴰ ⵉⵙⵎⵓⵏⵏ ⴽⵕⴰⴷ ⵉⵎⵏⴰⴷⵏ ⴰⴷ, ⴰⵡⵜⵜⴰⵙ ⵏ ⵜⴳⵔⴰⵡⵜ ⵏ ⵉⵏⵣⴳⴳⴰⵏ ⵉⴳⴰⵜ ⴰⴷ ⵜⵙⴱⵓⵖⵍⵓ ⵉⴳⵔ ⵏ ⵜⴷⵍⵙⴰ ⴳ ⵜⵖⵔⵎⵜ ⴰⴷ , ⵙⴳ ⵉⵎⵓⵙⵙⵓⵜⵏ ⵉⵎⵢⴰⵏⴰⵡⵏ ⵏⵏⴰ ⵔⴰⴷ ⵜⴰⴽⴽⴰ ⵜⴰⴷⴷⴰⵔⵜ ⴰⴷ ⴳ ⵉⵎⴰⵍ, ⵎⴽⵍⵍⵉ ⵔⴰⴷ ⵜⴼⴽ ⵜⴰⵡⵀⴰⵍⵜ ⴷ ⵜⵏⴰⴼⵓⵜ ⵏ ⵓⵣⵎⵎⵉⵎ ⵏ ⵜⵙⵙⴼⵉⴼⵉⵜ ⵉ ⴽⵉⴳⴰⵏ ⵏ ⵉⵏⴰⵥⵓⵕⵏ ⵏⵏⴰ ⵉⵍⵍⴰⵏ ⴳ ⵜⵎⵏⴰⴹⵜ ⴰⴷ.

ⵎⴽⵍⵍⵉ ⵍⵍⴰⵏ ⴽⵉⴳⴰⵏ ⵏ ⵉⵎⴰⵙⵏ ⵉⵍⵓⵊⵉⵙⵜⵉⴽⵉⵏ ⵏ ⵓⵙⵡⵓⵔⵉ ⴳ ⵜⵙⴰⵡⵓⵔⵉⵏ ⴰⴷ ⴰⴽⴽⵯ ⵙ ⵎⴰⴷ ⵉⵣⵍⵉⵏ ⵙ ⵉⵎⴰⵙⵙⵏ ⵏ ⵓⵙⴽⴽⵉⵔ ⵏ ⵉⵎⴰⵙⵏ ⵏ ⵓⵥⴰⵡⴰⵏ ⴷ ⵡⵉⵏ ⵕⵕⵛⵎ ⴷ ⵢⴰⵏ ⵙⵜⵓⴷⵢⵓ ⵏⵏⴰⵖ ⵍⵍⴰⵏ ⵉⵎⴰⵙⵙⵏ ⵉⵜⵔⴰⵔⵏ ⵏ ⵓⵣⵎⵎⵉⵎ ⴷ ⵉⵎⴰⵙⵏ ⵉⵎⴰⵢⵏⵓⵜⵏ ⵏ ⵓⵥⴰⵡⴰⵏ, ⴷ ⵉⵙⵍⴽⵉⵎⵏ ⵉⵍⵉⴽⵜⵕⵓⵏⵉⵏ ⵎⴽⵍⵍⵉ ⵙⵎⵔⵙ ⴽⵉⴳⴰⵏ ⵏ ⵜⵉⵜⵉⵇⵏⵉⵢⵢⵉⵏ ⴳ ⵜⴷⴰⵍⴰ ⵏ ⵓⵙⵎⵏⵉⴷ ⴷ ⵓⴼⵙⴰⵔ, ⵣⵓⵏⴷ ⵍⴽⴰⵎⵉⵕⴰⵜ ⴷ ⵉⵎⴰⵙⵙⵏ ⵉⵜⵔⴰⵔⵏ ⵏ ⵉⵎⵙⵍⵉ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%9C%E2%B4%B0%E2%B4%B7%E2%B4%B7%E2%B4%B0%E2%B5%94%E2%B5%9C-%E2%B5%84%E2%B4%B1%E2%B4%B7%E2%B5%8D%E2%B5%80%E2%B4%B0%E2%B4%B7%E2%B5%89-%E2%B5%89%E2%B4%B3%E2%B4%B3%E2%B5%93%E2%B5%9C-%E2%B5%89-%E2%B5%9C%E2%B5%A5%E2%B5%93%E2%B5%95%E2%B5%89%E2%B5%A1%E2%B5%89%E2%B5%8F-%E2%B4%B3-%E2%B4%B7%E2%B4%B7%E2%B5%9B%E2%B4%B0%E2%B5%A2%E2%B5%94%E2%B4%B0