ⵎⴰⵙⵙ ⵀⵉⵍⴰⵍ: ⵜⵉⵍⴰⵍⵜ ⵉⵙⴱⴰⵢⵏ ⵎⴰⵙ ⴷⴷⵣⴰⵢⵔ ⵜⴽⵛⵎ ⴳ ⵓⵎⵏⵣⴰⵖ ⵅⴼ ⵚⵚⵃⵕⴰ "ⵓⵔ ⵏⵥⴹⴰⵕ ⴰⴷ ⵏⵉⵏⵉ ⵉⵙ ⵓⵔ ⵜⵍⵍⴰ"

04 ⵏⵓⵡⴰⵏⴱⵉⵔ 2021 Version Imprimable

ⵜⵎⵜⵜⴰ ⵢⵎⴰⵏⵏ (ⵏⵢⵓⵢⵓⵕⴽ) - ⵉⵙⴷⴷⵉⴷ ⵓⵙⵎⴷⵢⴰ ⴰⵎⵖⵍⴰⵍ ⵏ ⵍⵎⵖⵔⵉⴱ ⴷⴰⵔ ⵜⵎⵜⵜⴰ ⵢⵎⴰⵏⵏ ⴳ ⵏⵢⵓⵢⵓⵕⴽ, ⵎⴰⵙⵙ ⵄⵓⵎⴰⵕ ⵀⵉⵍⴰⵍ, ⵎⴰⵙ ⵜⵉⵍⴰⵍⵜ ⵉⵙⴱⴰⵢⵏ ⴷⴷⵣⴰⵢⵔ ⵜⴽⵛⵎ ⴳ ⵓⵎⵏⵣⴰⵖ ⵅⴼ ⵚⵚⵃⵕⴰ ⵜⵎⵖⵔⴰⵉⴱⵜ "ⵓⵔ ⵏⵥⴹⴰⵕ ⴰⴷ ⵏⵉⵏⵉ ⵉⵙ ⵓⵔ ⵜⵍⵍⴰ".

ⵉⵏⵏⴰ ⵎⴰⵙⵙ ⵀⵉⵍⴰⵍ ⴷⴰⵜ ⵏ ⵓⴳⵔⴰⵡ ⵡⵉⵙⵙ ⴽⴽⵓⵥ ⵏ ⵜⵎⵙⵎⵙⵓⵏⵜ ⵜⵎⴰⵜⴰⵢⵜ ⵏ ⵜⵎⵜⵜⴰ ⵢⵎⴰⵏⵏ ⵎⴰⵙ "ⵜⵎⵙⵙⴳⵓⵔⵜ ⵜⴷⵍⵙⴰⵏⵜ ⵏ ⴷⴷⵣⴰⵢⵔ ⴳ ⵜⵓⴳⵉ ⵏ ⵓⵎⵏⵣⴰⵖ ⴰⵙⴳⵡⴰⵏ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ ⴷ ⵓⵎⵖⵍⴰⵍ ⵏⵏⵙ ⵉⴱⵉⴷⴷⵏ ⵙ ⴰⴽⴽⵯ ⵉⵙⵡⵉⵔⵏ ⵉⵙⵔⵜⴰⵏⵏ ⴷ ⵉⴷⵉⴱⵍⵓⵎⴰⵙⵢⵉⵏ ⴷ ⵉⵄⵚⴽⵕⵢⵉⵏ ⴷ ⵉⵙⵍⴳⴰⵏⵏ ⴷ ⵉⵏⴼⴳⴰⵏⵏ ⵎⵇⵇⴰⵕ ⵓⵔ ⵜⵔⵉ ⴷⴷⵣⴰⵢⵔ ⵎⴰⵙ ⵜⵉⵙⴽⵉⵔⵉⵏ ⵏⵏⵙ ⴷ ⵜⵖⵜⴰⵙⵉⵏ ⵏⵏⵙ ⵉⵙⴱⴰⵢⵏ ⵉⵙⴽⴽⵉⵏ ⵓⵔ ⵉⵥⴹⵕ ⴰⴷ ⵏⵉⵏⵉ ⵉⵙ ⵓⵔ ⵜⵍⵍⴰ".

ⵉⵙⵙⴽⵜⵉ ⴳ ⵓⵙⴰⵜⵉ ⴷⵖ ⵎⴰⵙ ⵜⵙⵓⵜⵓⵔ ⴷⴷⵣⴰⵢⵔ ⴳ ⵓⵎⵎⴰⵙ ⵏ ⵓⵙⴳⵎⴹ ⵏ ⵓⵎⵙⴰⵙⴰ ⵏ ⵎⴰⴷⵔⵉⴷ ⵙ ⵜⵡⵍⴰⴼⵜ ⵜⴰⵎⴰⴷⵓⴷⵜ ⴰⴷ ⵜⵓⵎⵣ ⵙ ⵜⴼⵓⵍⵜ ⵉⵣⴷⵉⵏ ⴷ ⴼⴽⴰⵏ ⴰⴷⵓⵔ ⵏ ⵓⵙⴷⴰⵡ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⵎⴰⵢⴰⴷ ⵉⵍⵍⴰ ⴳ ⵜⴱⵔⴰⵜ ⵉ ⵡⵙⵎⴷⵢⴰ ⴰⵎⵖⵍⴰⵍ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵉⵙⴳⵓⵔⴰ ⴳⵉⵏ ⵎⴰⵙ " ⵜⵉⴼⵓⵍⵉⵏ ⵉⵣⴷⵉⵏ ⴷ ⴼⴽⴰⵏ ⴰⴷⴷⵓⵔ ⵉ ⵡⵙⴷⴰⵡ ⵏ ⵚⵚⵃⵕⴰ ⵏ ⵜⴳⵓⵜ ⵎⴰⵢⴰⴷ ⵉⴳⴰⵏ ⴷⴷⵣⴰⵢⵔ ⴷ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B5%80%E2%B5%89%E2%B5%8D%E2%B4%B0%E2%B5%8D-%E2%B5%9C%E2%B5%89%E2%B5%8D%E2%B4%B0%E2%B5%8D%E2%B5%9C-%E2%B5%89%E2%B5%99%E2%B4%B1%E2%B4%B0%E2%B5%A2%E2%B5%8F-%E2%B5%8E%E2%B4%B0%E2%B5%99-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B5%9C%E2%B4%BD%E2%B5%9B%E2%B5%8E-%E2%B4%B3-%E2%B5%93%E2%B5%8E%E2%B5%8F%E2%B5%A3%E2%B4%B0%E2%B5%96-%E2%B5%85%E2%B4%BC-%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%93%E2%B5%94-%E2%B5%8F%E2%B5%A5%E2%B4%B9%E2%B4%B0%E2%B5%95-%E2%B4%B0%E2%B4%B7-%E2%B5%8F%E2%B5%89%E2%B5%8F%E2%B5%89-%E2%B5%89%E2%B5%99-%E2%B5%93%E2%B5%94