Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⴰⵙⵙ ⵏ ⵓⵙⴰⵎⴰⵙ ⴳ ⵜⵉⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ ⵢⴰⵜ ⵜⵡⵣⵜ ⵜⴰⵙⴳⴷⵜ ⵉⵙⵙⴽⵜⵉⵏ ⵉⴹ ⵏ ⵍⵇⴰⴷⵔ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⴰⵙⵙ ⵏ ⵓⵙⴰⵎⴰⵙ ⴳ ⵜⵉⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ ⵢⴰⵜ ⵜⵡⵣⵜ ⵜⴰⵙⴳⴷⵜ ⵉⵙⵙⴽⵜⵉⵏ ⵉⴹ ⵏ ⵍⵇⴰⴷⵔ

04 ⵖⵓⵛⵜ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⴰⵎⴰⵙ ⴳ ⵜⵉⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ, ⵢⴰⵜ ⵜⵡⵣⵜ ⵜⴰⵙⴳⴷⵜ ⵉⵙⵙⴽⵜⵉⵏ ⵉⴹ ⵏ ⵍⵇⴰⴷⵔ.

ⴷⴼⴼⵉⵔ ⵏ ⵜⵥⴰⵍⵍⵉⵜⵉⵏ ⵏ ⵍⵄⵉⵛⴰ ⴷ ⵜⵜⴰⵕⴰⵡⵉⵃ, ⵉⵖⵕⴰ ⵡⵄⵔⵔⵉⵎ ⴱⵉⵍⴰⵍ ⵛⵎⵙⵉ (13 ⵓⵙⴳⴳⵯⴰⵙ, ⵙⴳ ⴹⴹⴰⵕⵍⴱⵉⴹⴰ), ⵍⵍⵉ ⵢⵉⵡⵉⵏ ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵃⵙⵉ ⴷ ⵜⵜⵊⵡⵉⴷ ⵏ ⵍⵇⵓⵕⴰⵏ ⵍⴽⴰⵔⵉⵎ, ⴽⵔⴰ ⵏ ⵍⴰⵢⴰⵜ ⵏ ⵍⵇⵓⵕⴰⵏ. ⴷⴼⴼⵉⵔ ⵏ ⵖⵉⴽⴽⴰⵏ, ⵉⵣⵣⵓⵍ ⵓⵄⵔⵔⵉⵎ ⴰⴷ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵢⴰⵜ ⵉⴼⴽⴰⵏ ⵢⴰⵜ ⵜⵙⵎⵖⵓⵔⵜ.

ⵄⴱⴷⵍⵀⴰⴷⵉ ⵀⵉⵏⵏⵉⵕ ⴽⴰⵎⴱ, ⵍⵍⵉ ⵢⵓⵛⴽⴰⵏ ⵙⴳ ⵎⴰⵔⵉⴽⴰⵏ, ⵉⴼⴽⴰ ⵢⴰⵏ ⵉⵏⴰⵡ ⵙ ⵉⵙⵎ ⵏ ⵍⵄⵓⵍⴰⵎⴰ ⵍⵍⵉ ⴷⵔⴰⵏ ⴳ ⵜⵎⵙⵙⵉⵔⴷⵉⵏ ⵉⵙⴳⴷⵉⵏ ⵏ ⵓⵢⵢⵓⵔ ⵏ ⵕⵎⴹⴰⵏ 1434, ⴳ ⵎⴰⵏⵉ ⵎⵍⴰⵏ ⵜⴰⵏⵎⵎⵉⵔⵜ ⵏⵏⵙⵏ ⵉ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵢⵉⵜⵏ ⵉⵖⵔⴰⵏ.

ⵜⵙⵙⵏ ⵙⵓⵍ ⵜⴰⵡⵣⵜ ⵜⴰⵙⴳⴷⵜ ⴰⴷ ⵜⴰⵎⴳⴳⴰⵔⵓⵜ ⵏ ⵚⴰⵃⵉⵃ ⵍⴱⵓⵅⴰⵕⵉ, ⵍⵍⵉ ⵢⵙⴽⵔ ⵍⵄⴰⵍⵉⵎ ⵄⴱⴹⵍⵍⴰⵀ ⴳⴷⵉⵔⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵖⵔⴰⵏ ⵏ ⵍⵄⵓⵍⴰⵎⴰ, ⴷⴼⴼⵉⵔ ⵏ ⵜⵖⵔⵉ ⵏ « ⵃⴰⴷⵉⵜ ⵍⵅⴰⵜⵎ » ⵍⵍⵉ ⵢⵙⴽⵔ ⵍⴼⵇⵉⵀ ⵍⵃⴰⵙⴰⵏ ⵉⴷ ⵙⵄⵉⴷ, ⴰⵏⵎⵀⴰⵍ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵉⵎⵓⵕⵛⵉⴷⴰⵜ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵏⵎⴰⵍ ⵏ ⵍⵇⵓⵕⴰⵏ ⵉ ⵎⴰⵙⵙ ⵄⴱⴷⵔⵣⵣⴰⵇ ⵍⵓⵣⵉⴽⵉⵜⵉ, ⴷ ⵎⴰⵙⵙ ⵎⵓⵃⵎⵎⴷ ⴰⵢⵜ ⵟⴰⵍⴱ ⴷ ⵎⴰⵙⵙ ⴱⵕⴰⵀⵉⵎ ⴱⵓⵎⴰⵄⵣ.

ⵜⵜⵔⵏ ⵉⵎⵉⵍⴰⵏⵏ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.




 

Dernière modification : 04 ⵖⵓⵛⵜ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B4%B0%E2%B5%8E%E2%B4%B0%E2%B5%99-%E2%B4%B3-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%83%E2%B5%99%E2%B5%99%E2%B4%B0%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%A2%E2%B4%B0%E2%B5%9C#comment-0