Published on MAPNews (https://www.mapnews.ma/am)

Accueil > "ⴽⵓⴱ-26": ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜⵉⵍⵉ ⵜⵉⵔⴰⵜ ⵜⴰⵙⵔⵜⴰⵏⵜ ⵜⵉⵍⴰⵡⵜ ⵉⵄⴷⵍⵏ ⵉ ⴰⴽⴽⵯ ⵜⵏⴼⴳⴰⵏⵜ ⴷⴰⵜ ⵜⵍⴽⴰⵎⵉⵏ ⵏ ⵓⵏⵎⴰⵍⴰ ⴰⵎⴰⴹⵍⴰⵏ ⵓⵔ ⴰⵢⵜ ⵉⴼⴰⵍⴽⵉⵏ
  1. Accueil
  2. Activités royales

"ⴽⵓⴱ-26": ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜⵉⵍⵉ ⵜⵉⵔⴰⵜ ⵜⴰⵙⵔⵜⴰⵏⵜ ⵜⵉⵍⴰⵡⵜ ⵉⵄⴷⵍⵏ ⵉ ⴰⴽⴽⵯ ⵜⵏⴼⴳⴰⵏⵜ ⴷⴰⵜ ⵜⵍⴽⴰⵎⵉⵏ ⵏ ⵓⵏⵎⴰⵍⴰ ⴰⵎⴰⴹⵍⴰⵏ ⵓⵔ ⴰⵢⵜ ⵉⴼⴰⵍⴽⵉⵏ

01 ⵏⵓⵡⴰⵏⴱⵉⵔ 2021 Version Imprimable
ⴳⵍⴰⵙⴳⵓ (ⵚⴽⵓⵟⵍⴰⵏⴹⴰ) - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵢⴰⵏ ⵉⵏⴰⵡ ⵉⵜⵜⵓⵣⵏⵏ ⵉ ⵜⵡⴰⵍⴰ ⵜⵉⵙⵙ 26 ⵏ ⵓⴳⵔⴰⵡ ⵏ ⵜⴼⵓⵍⵉⵏ ⵏ ⵓⵎⵙⴰⵙⴰ-ⴰⵙⴰⵜⵉ ⵏ ⵜⵎⵜⵜⴰ ⵢⵎⴰⵏⵏ ⵅⴼ ⵉⵙⵏⴼⵍⴰⵏ ⵏ ⵓⵏⵣⵡⵉ (ⴽⵓⴱ-26), ⴰⵖⴰⵡⵍ ⵏ ⵜⵉⵔⴰⵜ ⵜⴰⵙⵔⵜⴰⵏⵜ ⵉⵖⵥⴰⵏⵏ, ⵙ ⵓⵙⵖⵏ ⵏ ⵓⵙⵓⵎ ⵏ ⵜⵏⴼⴳⴰⵏⵜ ⵉⵙⴼⵔⵏ ⵅⴼ ⵜⵍⴽⴰⵎⵉⵏ ⵏ ⵓⵏⵎⴰⵍⴰ ⴰⴷⵎⵙⴰⵏ ⴰⵎⴰⴹⵍⴰⵏ ⵍⵍⵉ ⵓⵔ ⴰⵢⵜ ⵉⵙⴱⵖⵔⵏ.

ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵢⴰⵏ ⵉⵏⴰⵡ ⵍⵍⵉ ⵢⵖⵕⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙ ⵏ ⵓⵢⵏⴰⵙ ⴳ ⴳⵍⴰⵙⴳⵓ (ⵚⴽⵓⵟⵍⴰⵏⴹⴰ) ⵍⵍⵉ ⵢⵙⵏⵓⴱⴳⵏ "ⴽⵓⴱ-26" (ⵙⴳ 01 ⴰⵔ 12 ⵏⵓⵡⴰⵏⴱⵉⵔ), ⵎⴰⵙ ⵓⵙⴷⵓⵙ ⵏ ⵉⵔⴰⵔⵏ ⵏ ⵓⵙⴷⵉⴷⴷⵉⵢ ⵏ ⵓⴱⴰⵢⵢⵓⵕ "ⴽⵓⴼⵉⴷ-19" ⵉⵎⵍⴰ ⵎⴰⵙ ⵓⴳⵔⴰⵡ ⴰⵎⴰⴹⵍⴰⵏ ⵖⵓⵔⵙ ⵜⵥⵉⴹⵕⴰ ⵏ ⵜⵉⵍⴰⵡⵜ, ⵎⴰⵢⴰⴷ ⵉⵎⵍⴰⵏ ⵎⴰⵙ ⵓⵔ ⵉⵍⵍⵉ ⴳ ⵓⵎⴷⵢⴰ ⵏ ⵓⵙⴱⵉⴷⴷ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ.

ⵎⵏⵏⴰⵡ ⵏ ⵉⵡⴰⵏⴽⵏ ⵖⵓⵔⵙⵏ ⵜⵎⵙⵙⵓⴳⵔⵜ ⵜⴰⵎⵣⵢⵓⵔⵜ ⴷ ⵜⵡⴰⵏⴳⵎⵉⵜ ⵏ ⵡⴰⴷⴷⴰⴷ ⵉⵅⵛⵛⵏ ⵏ ⵓⵡⵏⴰⴹ ⵎⵓⵔⵙⵏ ⴳ ⵓⵙⴰⵜⵉ ⵏ ⵜⵙⵙⴰⵙⵜ ⵜⴰⴷⵓⵙⴰⵏⵜ ⴰⴷ ⵎⵓⵙⵙⵓⵏ ⵉⵙⴰⴳⵓⵎⵏ ⵉⵣⵔⵉⵣⵏ ⵉⵎⵇⵕⴰⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⴼⵔⴰ ⵢⵏⵏⴰ ⵎⴰⵙ ⵓⵎⵓⵙⵙⵓ ⵉⵎⵍⴰ ⴰⴳⴳⵯⴰⵣ ⵏ ⵉⵎⵓⵙⵙⵓⵏ ⵉⵅⵛⵛⵏ ⵅⴼ ⵓⵏⵣⵡⵉ.

ⵉⵙⵙⴽⵜⵉ ⵙⵓⵍ ⵜⵓⵙⵓⵔⵉⵏ ⵉⵅⵛⵛⵏ ⵍⵍⵉ ⴷ ⵉⵡⵉⵏ ⵉⵙⵏⵍⴼⵏ ⵉⵏⵣⵡⵉⵏ ⵉ ⵡⵎⵏⵣⴰⵡ ⴰⴼⵔⵉⵇⵉ, ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴰⵥⵕⴼ ⵉⴷⵔⵓⵙⵏ ⴷ ⵓⵏⵏⴰⵍ ⵏ ⵜⴰⵜⵉⴽⵏⵓⵍⵓⵊⵉⵜ ⵉⵜⵜⵢⴰⴽⴽⴰⵏ ⵉ ⵉⴼⵔⵉⵇⵢⴰ ⵎⵍⴰⵏ ⴳ ⵢⴰⵜ ⵜⵡⵍⴰⴼⵜ ⵜⵉⴼⴰⵡⵜ ⵎⴰⵙ ⵓⵔ ⵉⵎⵓⵔⵙ ⵓⵏⴳⵔⴰⵡ ⴰⵎⴰⴹⵍⴰⵏ ⵉⵍⵍⴰⵏ. 

ⴱⵍⴰ ⵏ ⵖⵉⴽⴰⵏⵏ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵉⵜⵎ ⵏⵏⵙ ⴰⴷ ⵉⵥⵕ ⵜⵡⴰⵍⴰ ⵢⴰⴷ ⵏ "ⴽⵓⴱ-26" ⴰⴷ ⵜⵏⴽⵔ, ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵙ "ⵢⴰⵜ ⵜⵉⵖⵉⵙⵜ ⵜⴰⴳⵔⵓⵜ ⵍⵍⵉ ⵢⵕⵥⵎⵏ ⴰⵖⴰⵔⴰⵙ ⵉ ⵢⴰⵏ ⵓⵏⴰⵎⵓⵏ ⴰⵏⴼⴳⴰⵏ ⴰⵏⴱⴷⴰⵏ ⴷ ⵓⵏⵎⵢⴰⵍⴰⵍ ⴷ ⵉⴳⴰⵏ ⵉ ⵢⵏⵎⵣⴰⵢⵏ ⵏ ⵜⵣⵔⴼⵜ ⴷ ⵓⵙⵓⵎⵓ ⵓⵍⴰ ⵉⵜⵉⴳⵏ ⵏ ⵜⵓⴷⵔⵜ ⵉⵛⵛⴰⵔⵏ".

ⴼ ⵖⵉⴽⴰⵏⵏ, ⵉⵙⵙⵖⵍⵉ ⵍⵎⵖⵔⵉⴱ ⴰⵙⵓⵖⵏ ⵏⵏⵙ ⵅⴼ ⵜⵖⴰⵡⵙⵉⵡⵉⵏ ⵏ ⵓⵏⵣⵡⵉ, ⴰⴼ ⴰⴷ ⵉⵙⴳⴳⵓⵣ ⵜⵉⵙⵢⴰⴼⵓⵜⵉⵏ ⵏⵏⵙ ⵏ ⵍⴳⴰⵣ ⵉⵃⵎⴰⵏ ⵙ 45,5% ⵙⴳ ⵖⵉⵍ ⴰⴷ 2030, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ. 

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵓⵡⵜⵜⴰⵙ ⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵢⴰⵜ ⵜⵙⵜⵕⴰⵜⵉⵊⵉⵜ ⵏ ⵜⴳⵎⵉ ⵉⵔⴰⵏ ⴰⴷ ⵜⵙⵙⵓⴳⵣ ⵍⴽⴰⵕⴱⵓⵏ ⴷⴰⵜ ⵏ 2050, ⴷ ⴰⴷ ⵜⵣⵔⵉ ⵙ ⵢⴰⵜ ⵜⴷⵎⵙⴰ ⵉⵣⴳⵣⴰⵡⵏ ⵍⵍⵉ ⵢⵎⴰⵏⵏ ⴷ ⵉⵡⵜⵜⴰⵙⵏ ⵏ ⵜⵙⵓⵍⴰⵏⵜ ⴷ ⵓⵙⴷⵓⵙ ⵏ ⵜⵏⵣⴱⴰⵢⵜ ⴷ ⵜⵎⵢⴰⵔⵜ ⴷ ⵓⴼⵔⴰⴳ ⵏ ⵓⵏⵡⴰⴹ, ⵍⵍⵉ ⴼⵍⵍⴰⵜ ⴰⴼ ⵉⴱⵉⴷⴷ ⵓⵏⴰⵡ ⴰⵎⴰⵢⵏⵓ ⵏ ⵜⴳⵎⵉ ⵏ ⵜⴳⵍⴷⵉⵜ.

ⵉⵎⴰⵏ ⵍⵎⵖⵔⵉⴱ ⴷ ⵜⵎⵉⵣⴰⵔ ⵜⵉⴼⵔⵉⵇⵉⵢⵏ ⴳ ⵓⵍⵜⴰⵖ ⵏⵏⵙ ⴷⴰⵜ ⵏ ⵜⵓⴳⴳⴰⵣ ⵏ ⵓⵙⴱⵉⴷⴷ ⵏ ⵜⵓⵙⵓⵔⵉⵏ ⵉⵅⵛⵏⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⵙⵡⴰ ⵙ ⵜⵙⵏⵜⴰⵢⵉⵏ ⵍⵍⵉ ⵢⵕⵥⵎ ⴳ ⵉⴳⵔ ⵏ ⵜⴽⵙⵙⵓⵢⵜ ⵏ ⵜⵏⴼⵍⴰⵃⵜ, ⵏⵖⴷ ⵜⴰⵏⴼⵔⵓⵜ, ⵏⵖⴷ ⴰⵔⴳⴳⵉⴳ, ⵏⵖⴷ ⵜⵍⴽⴰⵎⵜ ⵙ ⵜⵥⴹⴰⵕⵜ ⵜⴰⵙⵓⵍⴰⵏⵜ, ⵙ ⵜⵡⵡⵓⵔⵉ ⵏ ⴽⵕⴰⴹ ⵏ ⵜⵙⵇⵇⵉⵎⵉⵏ ⵜⵉⴼⵔⵉⵇⵉⵢⵏ ⵏ ⵓⵏⵣⵡⵉ, ⵢⵓⵛⴽⴰⵏ ⵙⴳ "ⵜⵇⵉⵛⵛⵉⵜ ⵜⵉⴼⵔⵉⵇⵉⵜ ⵏ ⵜⴳⴰⵡⵜ", ⵉⵜⵜⵓⵙⴽⴰⵔⵏ ⴳ ⵏⵓⵡⴰⵏⴱⵉⵔ 2016 ⴳ ⵎⵕⵕⴰⴽⵯⵛ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ. 

Dernière modification : 01 ⵏⵓⵡⴰⵏⴱⵉⵔ 2021
Source URL: https://www.mapnews.ma/am/activites-royales/%E2%B4%BD%E2%B5%93%E2%B4%B1-26-%E2%B5%89%E2%B5%96%E2%B5%95%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B4%B7-%E2%B5%9C%E2%B5%89%E2%B5%8D%E2%B5%89-%E2%B5%9C%E2%B5%89%E2%B5%94%E2%B4%B0%E2%B5%9C-%E2%B5%9C%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F%E2%B5%9C-%E2%B5%9C%E2%B5%89%E2%B5%8D%E2%B4%B0%E2%B5%A1%E2%B5%9C-%E2%B5%89%E2%B5%84%E2%B4%B7%E2%B5%8D%E2%B5%8F-%E2%B5%89-%E2%B4%B0%E2%B4%BD%E2%B4%BD%E2%B5%AF-%E2%B5%9C%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%9C