Published on MAPNews (https://www.mapnews.ma/am)

Accueil > ⵣⴰⴳⵓⵔⴰ: ⵜⴰⵙⵙⵓⵜⵍⵜ ⵜⵓⵙⵍⵉⴷⵜ ⵜⵉⵙⵙ ⴽⵕⴰⴹⵜ ⵏ ⵜⴳⵔⴰⵡⵜ ⵏ ⵜⴰⵣⴰⵔⵉⵏ

ⵣⴰⴳⵓⵔⴰ: ⵜⴰⵙⵙⵓⵜⵍⵜ ⵜⵓⵙⵍⵉⴷⵜ ⵜⵉⵙⵙ ⴽⵕⴰⴹⵜ ⵏ ⵜⴳⵔⴰⵡⵜ ⵏ ⵜⴰⵣⴰⵔⵉⵏ

26 ⴽⵟⵓⴱⵕ 2021 Version Imprimable
ⵣⴰⴳⵓⵔⴰ - ⵜⵜⵓⵙⴽⴰⵔ ⴳ ⵣⵉⴽⴽ ⵏ ⵉⴹⵍⵍⵉ ⵏ ⴰⵙⵙ ⵏ ⵓⵢⵏⴰⵙ ⵜⴰⵙⵓⵜⵍⵜ ⵜⵓⵙⵍⵉⴷⵜ ⵜⵉⵙⵙ ⴽⵕⴰⴹⵜ ⵏ ⵓⵙⵇⵇⵉⵎ ⵏ ⵜⴳⵔⴰⵡⵜ ⵏ ⵜⴰⵣⴰⵔⵉⵏ ⴳ ⵜⵏⵉⵍⴰ ⵏ ⵣⴰⴳⵓⵔⴰ, ⴳ ⵜⴷⴰⵍⴰ ⵏ ⵉⴳⵔⴰⵡⵏ,ⵉⴷⵔⴰ ⴳ ⵓⵙⵇⵇⵉⵎ ⴰⴷ ⵍⵇⵇⴰⵢⴷ ⵏ ⵜⵎⵙⵙⵓⵜⵍⵜ ⵏ ⵜⴰⵣⴰⵔⵉⵏ ⴷ ⵉⵎⵛⵛⵉⵡⵕⵏ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⵜⵖⵔⵎⵜ ⴰⴷ ⵏⵉⵜ , ⴷ ⵓⵏⵎⵀⴰⵍ ⵏ ⵜⵏⴰⴼⵓⵜⵉⵏ ⴷ ⴽⵔⴰ ⵏ ⵉⵎⵙⵡⵡⵓⵔⵉⵏ ⴳ ⵜⴳⵔⴰⵡⵜ ⴷ ⵡⵉⵏⵏⴰ ⵉⵙⴰⵡⴰⵍⵏ ⵙ ⵉⵙⵎ ⵏ ⵡⴰⵎⵓⵏ ⴰⵎⴰⴷⴰⵏ ⴷ ⵉⵜⵙⵏ ⵏ ⵉⵎⵙⵜⴳⴳⴰⵔⵏ ⵏ ⵓⵙⵏⵖⵎⵙ.

ⵢⵉⵍⵉ ⵢⴰⵏ ⵓⵀⵉⵍ ⵏ ⵓⵙⵡⵡⵓⵔⵉ ⵉⵥⵍⵉⵏ ⵙ ⵜⵙⵙⵓⵜⵍⵜ ⴰⴷ ⵜⵓⵙⵍⵉⴷⵜ ⵏⵏⴰⴼ ⵉⵍⵍⴰ ⵓⵎⴷⵉⴽⵉⵕ ⴳⵔ ⵉⵎⴷⵔⴰⵡⵏ ⴰⴷ ⴰⴽⴽⵯ, ⵣⵓⵏⴷ ⵜⴰⵣⵔⴰⵡⵜ ⴷ ⵓⵙⴳⵎⴹ ⵅⴼ ⵓⵙⴼⵍⵙ ⴷ ⵓⵙⴷⵔⵉⵎ ⵏ ⵉⵎⵉⵔ ⵏ 2022.

ⴷ ⵓⵙⴱⵔⵣ ⵏ ⵉⵎⵙⵜⴳⴳⴰⵔⵏ ⴷⴰⵔ ⵜⴳⵔⴰⵡⵜ ⵏ ⵜⵙⴳⴳⵉⵡⵉⵏ ⵏ ⴷⵔⴰ ⵜⴰⴼⵉⵍⴰⵍⵜ, ⵢⵉⵍⵉ ⴼ ⵜⴰⵢⵎⵓⵏⵜ ⴰⴷ ⵎⴰⵙⵙ ⵍⵃⵓⵙⴰⵢⵏ ⵡⵄⵍⴰⵍ.

ⵉⵜⵜⵓⵙⴽⴰⵔ ⴳⵉⵙ ⴰⵡⴷ ⵓⵙⵏⵚ ⵏ ⴽⴽⵓⵥ ⵉⵎⵙⵜⴳⴳⴰⵔⵏ ⴳ ⵎⴰⴷ ⵉⵥⵍⵉⵏ ⵙ ⵜⵎⵔⵙⵍⵜ ⵏ ⵓⵎⵢⴰⵡⴰⵙ ⴳⵔ ⵜⴳⵔⴰⵡⵉⵏ ⵏ ⵜⵎⵏⴰⴷⵜ ⵏ ⵚⴰⵖⵕⵓ, ⵖ ⵉⴳⴰ ⵓⵙⵍⵡⴰⵢ ⴰⵎⵣⵡⴰⵔⵓ ⴷ ⵓⵙⵍⵡⴰⵢ ⵏ ⵓⵙⵇⵇⵉⵎ ⵎⴰⵙⵙ ⵎⵓⵍⴰⵢ ⵍⵃⵙⵏ ⴷⴷⵀⴱⵉ, ⴷ ⵓⵎⴰⵡⴰⵙ ⵏⵏⵙ ⵡⵉⵙⵙ ⵙⵉⵏ ⵎⴰⵙⵙ ⵄⵍⵉ ⴱⵓⴽⴰⵛ, ⵉⴳ ⵓⵎⴰⵡⴰⵙ ⵡⵉⵙⵙ ⴽⵕⴰⴹ ⵎⴰⵙⵙ ⴱⵕⴰⵀⵉⵎ ⵙⴰⴷⵇⵉ, ⵎⴽⵍⵍⵉ ⵉⴳⴰ ⵓⵎⴰⵡⴰⵙ ⵡⵉⵙⵙ ⴽⴽⵓⵥ ⵎⴰⵙⵙ ⵎⴱⴰⵕⴽ ⴱⵓⵄⵍⵉ.

ⴳ ⵜⵙⴳⴰ ⵢⴰⴷⵏ ⴳ ⵓⵀⵉⵍ ⵏ ⵜⵙⵙⵓⵜⵍⵜ ⴰⴷ , ⵜⵜⵓⵙⴽⴰⵔ ⴳⵉⵙ ⵜⴷⵔⴰⵡⵜ ⴷ ⵜⵎⵢⴰⵇⵇⴰⵏⵜ ⵏⵏⴰ ⵉⵥⵍⵉⵏ ⵙ ⵉⴳⵔ ⵏ ⵜⵓⵙⴽⵉⵡⵜ ⴳ ⵜⴳⵔⴰⵡⵜ ⴰⴷ . ⵎⴽⵍⵍⵉ ⴷ ⵎⵙⴰⵙⴰⵏ ⵉⵎⴷⵔⴰⵡⵏ ⵅⴼ ⵓⵙⵏⵎⴰⵍⴰ ⵏ ⵢⴰⵏ ⵡⴰⵙⵙ ⵏ ⵜⵉⵏⴰⵡⵜ ⴷ ⵓⵎⵢⴰⵡⴰⴹ ⴰⴼⴰⴷ ⴰⴷ ⴳⵉⵙ ⴰⴽⴽⵯ ⵙⴳⵎⴹⵏ ⴰⵢⵏⵏⴰ ⵙ ⵉⴼⴼⴰⵖ ⵓⴳⵔⴰⵡ ⴰⴷ.

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%A3%E2%B4%B0%E2%B4%B3%E2%B5%93%E2%B5%94%E2%B4%B0-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%93%E2%B5%99%E2%B5%8D%E2%B5%89%E2%B4%B7%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9%E2%B5%9C-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%9C-%E2%B5%8F-%E2%B5%9C%E2%B4%B0%E2%B5%A3%E2%B4%B0%E2%B5%94%E2%B5%89%E2%B5%8F