ⵉⵙⵎⴰⵢⵏⴰ ⵓⵎⵙⵇⴰⴷ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵢⴰ ⴰⵙⴷⴷⵉⴷ ⵏ ⵡⴰⴷⴷⴰⴷ ⵏ ⵜⵎⴰⵣⵉⵔⵜ ⵏⵏⵙ ⵅⴼ ⵓⵏⵏⴰⵍ ⵏ ⵜⵎⵖⵔⴰⴱⵉⵜ ⵏ ⵚⵚⵃⵕⴰ

25 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵉⵙⵎⴰⵢⵏⴰ ⵓⵎⵙⵇⴰⴷ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵢⴰ ⴳ ⵍⵎⵖⵔⵉⴱ, ⵎⴰⵙⵙ ⵄⴱⴷⵍⵍⴰⵀ ⴱⵏ ⵙⴰⵄⴷ ⵍⵖⴰⵔⵉⵔⵉ, ⴰⵙⵙ ⵏ ⵓⵢⵏⴰⵙ ⵖ ⵕⵕⴱⴰⵟ, ⴰⵙⴷⴷⵉⴷ ⵏⵏⵙ ⵅⴼ "ⵡⴰⴷⴷⴰⴷ ⵉⵔⴳⴳⵯⵏ ⴷ ⵉⵜⵜⵓⵎⵍⴰⵏ" ⵏ ⵜⵎⴰⵣⵉⵔⵜ ⵏⵏⵙ ⵅⴼ ⵜⵎⵖⵔⴰⴱⵉⵜ ⵏ ⵚⵚⵃⵕⴰ ⴷ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵜⴳⵍⴷⵉⵜ.

ⵉⵙⵓⵍ ⵉⵏⵏⴰ ⵎⴰⵙⵙ ⵍⵖⴰⵔⵉⵔⵉ, ⴳ ⵜⵙⴳⵓⵔⵉ ⵏ ⵜⵏⵖⵎⴰⵙⵜ ⴷⴼⴼⵉⵔ ⵍⵍⵉⵖ ⵉⵜⵜⵓⵙⵏⵓⴱⴳ ⵙⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙ "ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⴳⴰ ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵢⵢⴰ", ⵉⵙⵓⵍ ⵉⵙⴰⵡⵍ ⵅⴼ ⵜⵓⵇⵇⵏⵉⵏ ⵉⵅⴰⵜⴰⵔⵏ ⵍⵍⵉ ⵢⵙⵎⴰⵏⵏ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴳ ⴰⴽⴽⵯ ⵉⴳⵔⵏ.

ⵉⵙⵓⵍ ⵉⵙⴰⵡⵍ ⴳ ⵓⵙⴰⵜⵉ ⵢⴰⴷ, ⵅⴼ ⴰⵣⴷⵓⵢ ⴷ ⵉⵎⵛⵉⵡⴰⵕ ⵉⵔⵏⴰⵏ ⵍⵍⵉ ⵢⵍⵍⴰⵏ ⴳ ⵜⵓⵇⵏⵉⵏ ⴳⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⵡⵉⵔⵏ ⵏ ⵜⵏⴱⴰⴹⵉⵏ ⵜⵓⵥⵕⵉⴼⵏ ⴷ ⵜⵉⵎⵙⴽⴰⵔⵏ ⴷ ⵜⵉⵙⵏⴱⴹⴰⵢⵏ, ⵉⵎⵍⴰ ⵡⵏⴰⵔⵓⵣ ⵏⵏⵙ ⵏ ⴰⴷ ⵉⵜⵜⵓⵙⴽⴰⵔ ⵓⴳⴳⴰⵔ ⵏ ⵓⵍⴰⵢ ⴳⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%93%E2%B5%8E%E2%B5%99%E2%B5%87%E2%B4%B0%E2%B4%B7-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%9C%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%9C-%E2%B5%8F-%E2%B5%99%E2%B5%99%E2%B4%B0%E2%B5%84%E2%B5%93%E2%B4%B7%E2%B5%A2%E2%B4%B0-%E2%B4%B0%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C-%E2%B5%8F%E2%B5%8F%E2%B5%99-%E2%B5%85%E2%B4%BC-%E2%B5%93%E2%B5%8F%E2%B5%8F%E2%B4%B0%E2%B5%8D