Published on MAPNews (https://www.mapnews.ma/am)

Accueil > ⵜⴰⵙⵎⵓⵏⵉ ⵜⵉⵙⵙ ⵜⴰⵎ ⵏ ⵓⴳⵔⴰⵡ ⵏ ⵓⵎⵢⴰⵡⴰⵙ ⴰⵎⵖⵔⴰⴱⵉ ⴰⵕⵓⵙⵉ ⵉⵛⵛⴰⵔⵏ ⵔⴰⴷ ⵜⵎⵓⵏ ⴳ ⴰⴽⵎⵓⵔ ⴳ ⵎⵓⵙⴽⵓ

ⵜⴰⵙⵎⵓⵏⵉ ⵜⵉⵙⵙ ⵜⴰⵎ ⵏ ⵓⴳⵔⴰⵡ ⵏ ⵓⵎⵢⴰⵡⴰⵙ ⴰⵎⵖⵔⴰⴱⵉ ⴰⵕⵓⵙⵉ ⵉⵛⵛⴰⵔⵏ ⵔⴰⴷ ⵜⵎⵓⵏ ⴳ ⴰⴽⵎⵓⵔ ⴳ ⵎⵓⵙⴽⵓ

22 ⴽⵟⵓⴱⵕ 2021 Version Imprimable
ⵎⵓⵙⴽⵓ - ⴳⴰⵏⵜ  ⵜⵙⵎⵏⵓⵏⵉ ⵜⵉⵙⵙ ⵜⴰⵎ ⵏ ⵓⴳⵔⴰⵡ ⴰⵎⵖⵔⴰⴱⵉ ⴰⵔⵓⵙⵉ ⵉⵛⵛⴰⵔⵏ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⴰⵎⴰⵙⵙⴰⵏ ⴷ ⴰⵜⵉⵇⵏⵉ ⴷ ⵉⵙⵜⴰⵢⵏ ⵉⵙⵉⵏⵔⴰⵏ ⵉⴷⴷⵓⵔⵏ ⵢⴰⴷⵏⵉⵏ ⴰⵙⴳⵓⵎ ⵏ ⵉⵎⴹⴰⴽⴰⵔⵏ ⵜⵜⵓⵙⴽⴰⵔⵏ ⴰⵙⵙ ⵏ ⵓⴽⵡⴰⵙ ⴳⵔ ⵓⵙⵎⴷⵢⴰ ⵉⵣⵍⵉⵏ ⵏ ⵓⵏⵙⵙⵉⵅⴼ ⵏ ⵜⵎⵓⵏⵜ ⵜⴰⵔⵓⵙⵉⵜ ⵏ ⵍⵇⴱⵍⵜ ⴷ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⴷ ⵓⵎⴰⵔⵉ ⵏ ⵓⵎⴰⵡⵙⴰⵙ ⴱ ⴱⵕⵕⴰ ⵎⵉⵅⴰⵢⵍ ⴱⵓⴳⴷⴰⵏⵓⴼ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵎⵓⵙⴽⵓ ⵍⵓⵟⴼⵉ ⴱⵓⵛⵄⵔⴰ .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵜⴰⵔⵓⵙⵉⵜ "ⵎⴰⵙ ⴳ ⵓⵎⴰⴳⵔ ⴰⴷ ⵉⵜⵓⵙⴳⴳⵉⵍ ⵏ ⵜⵖⴰⵡⵙⵉⵡⵉⵏ ⵏ ⴷⵖⵉ ⵉⵣⴷⵉⵏ ⵏ ⵉⵏⴽⵔⵙ ⵏ ⵉⵎⵢⴰⵙⵙⴰⵏ ⵉⵎⵖⵔⴰⴱⵢⵉⵏ ⵉⵎⴷⴷⴽⴽⵯⵍⵏ ⴷ ⵉⵇⵇⴱⵓⵔⵏ ⴷ ⵓⵙⵏⵎⵍⴰ ⴳ ⴰⴽⵎⵓⵔ ⴳ ⵎⵓⵙⴽⵓ ⵜⴰⵙⵎⵓⵏⵉ ⵜⵉⵙⵙⴰ ⵜⴰⵎ ⵏ ⵓⴳⵔⴰⵡ ⵓⵏⴱⵉⴹ ⵉⵛⵛⴰⵔⵏ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⴰⵎⴰⵙⵙⴰⵏ ⴷ ⴰⵜⵉⵇⵏⵉ.

ⵙⴰⵡⵍⵏ ⵙⵏⴰⵜ ⵜⴼⵓⵍⵉⵏ ⵏ ⵉⵙⵓⵊⴷⵏ ⵏ ⵜⵙⵓⵜⵍⵜ ⵜⴰⵎⴰⵡⴰⵙⴰⵜ ⵜⵉⵙⵙ ⵚⴹⵉⵚ ⵏ ⵓⴳⵔⴰⵡ ⵏ ⵓⵎⵢⴰⵡⴰⵙ ⴰⵄⵕⴰⴱ ⴳ ⵎⵕⵕⴰⴽⵯⵛ " ⴷ ⵓⵣⴷⵓⵢ ⵏ ⵉⵏⵎⵓⵇⵇⵇⴰⵔⵏ ⵎⵔⴰ ⴰⴷ ⵜⵎⵓⵏ ⴳ ⵓⵇⵇⵏ ⵏ ⵓⵙⴳⴳⴰⵙ ⴰⴷ ⴳ ⵓⵎⵎⴰⵙ ⵏ ⵜⵏⴰⵢⵜ ⵏ ⵜⵎⵓⴽⵔⵉⵙⵉⵏ ⵉⵣⴷⵉⵏ ⵙ ⵓⴱⴰⵢⵢⵓⵕ "ⴽⵓⴼⵉⴷ-19".

ⵜⵙⵓⵍ ⵜⵏⵏⴰ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⴰ ⵜⴰⵔⵓⵙⵉⵜ ⴳ ⵢⴰⵏ ⵓⵙⵉⵡⴹ ⵎⴰⵙⵙ ⴱⵓⴳⴷⴰⵏⵓⴼ ⴷ ⴱⵓⵛⵄⵔⴰ " ⵎⵍⴰⵏ ⵓⵔⵔⵎⴰⵙ ⴰⴷⴷⵓⵙ ⵏ ⵉⵏⵖⵎⵉⵙⵏ ⵓⵔ ⵖⵣⴰⵏ ⵜⵜⵓⵥⵕⵉⴳⵏ ⴽⵔⴰ ⵏ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⵏ ⵓⵙⵎⵉⴹ ⴰⴽⴽⵯ ⵓⵔ ⵉⵍⵉ ⵏ ⵉⵎⵢⴰⵙⵙⴰⵏ ⴳⵔ ⵎⵓⵙⴽⵓ ⴷ ⵍⵎⵖⵔⵉⴱ .

ⵙⴷⴷⵉⴷⵏ ⵙⵓⵍ ⵎⴰⵙ ⵓⵎⵢⴰⵡⴰⵙ ⴰⵔⵓⵙⵉ ⴰⵎⵖⵔⴰⴱⵉ ⵏ ⵎⵛⵜⴰ ⵉⴷⵎⴰⵡⵏ ⴷ ⵉⴼⵓⵍⴽⵉ ⵏ ⵙⵏⴰⵜ ⵜⵉⴼⵓⵍⵉⵏ ⴷ ⵉⵏⴽⵔⵙ ⴳ ⵜⵡⵍⴰⴼⵜ ⵜⴰⴷⵉⵏⴰⵎⵉⵜ ⴷ ⵉⵎⵍⴰ ⵜⵉⵍⴰⵍⵜ ⵉⵎⵓⵙⵓ ⵖⵓⵔⵙ ⴳ ⵜⵡⵓⵔⵉ ⵉⵛⵛⴰⵔⵏ ⵏ ⵓⵎⵙⵇⴰⴷ ⵏ ⵔⵓⵙⵢⴰ ⴷ ⵍⵎⵖⵔⵉⴱ ⴼⴰⵍⵢⵔⵢⴰⵏ ⵛⵓⴼⴰⵢⴼ.

ⵜⵔⵏⴰ ⵜⵏⵏⴰ ⵜⵎⴰⵡⴰⵙⵜ ⵎⴰⵙ ⵙⵏⴰⵜ ⵜⵉⴼⵓⵍⵉⵏ ⵙⴰⵡⵍⵏ ⵅⴼ ⵓⵙⵏⴼⵍ ⵏ ⵜⵏⴰⵢⵉⵏ ⴷ ⴰⵊⵊⵏⴷⴰ ⴰⵙⴳⵡⴰⵏ ⵏ ⵜⵎⵙⴰⵔⵜ ⵏ ⵚⵚⵃⵔⴰ ⴷ ⴰⴷⴷⴰⴷ ⴳ ⵜⵙⴳⴰ ⵜⴰⵎⵖⵔⴰⴱⵉⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%9C%E2%B5%89%E2%B5%99%E2%B5%99-%E2%B5%9C%E2%B4%B0%E2%B5%8E-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B4%B0%E2%B5%95%E2%B5%93%E2%B5%99%E2%B5%89-%E2%B5%89%E2%B5%9B%E2%B5%9B%E2%B4%B0%E2%B5%94%E2%B5%8F-%E2%B5%94%E2%B4%B0%E2%B4%B7-%E2%B5%9C%E2%B5%8E%E2%B5%93%E2%B5%8F-%E2%B4%B3-%E2%B4%B0%E2%B4%BD%E2%B5%8E%E2%B5%93%E2%B5%94-%E2%B4%B3-%E2%B5%8E%E2%B5%93%E2%B5%99%E2%B4%BD%E2%B5%93