ⵚⵚⵃⵕⴰ ⵜⴰⵎⵖⵔⴰⴱⵉⵜ.. ⵉⵙⵎⴰⵢⵏⴰ ⵉⵙⵉⵡⵍ ⵓⵏⴼⵍⵓⵙ ⴰⵎⴰⵜⴰⵢ ⵅⴼ ⵜⵉⵕⵥⵉⵜⵉⵏ ⴷ ⵜⴽⵔⴽⴰⵙ ⵏ ⴷⴷⵣⴰⵢⵔ ⴷ "ⵍⴱⵓⵍⵉⵣⴰⵔⵢⵓ"

21 ⴽⵟⵓⴱⵕ 2021 Version Imprimable

ⵜⵎⵜⵜⴰ ⵢⵎⴰⵏⵏ (ⵏⵢⵓⵢⵓⵕⴽ) - ⵉⵙⵉⵡⵍ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴰⵏⵟⵓⵏⵢⵓ ⴳⵓⵜⵉⵔⵉⵛ ⴳ ⵜⴽⵍⵉⵜ ⵢⴰⴹⵏⵉⵏ ⴳ ⵜⵏⴰⴹⵜ ⵉⵜⵜⵓⵙⵎⵏⵉⴷ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵢⵎⴰⵏ ⵅⴼ ⵜⵉⵕⵥⵉⵜⵉⵏ ⴷ ⴰⵡⴰⵍ ⵓⵔ ⵉⵖⵣⵉⵏ ⵏ ⴷⴷⵣⴰⵢⵔ ⴷ "ⵍⴱⵓⵍⵉⵣⴰⵔⵢⵓ" ⵅⴼ ⵜⵖⵡⵙⴰ ⵏ ⵚⵚⵃⵕⴰ ⵜⴰⵎⵖⵔⴰⴱⵉⵜ ⴰⵎⵎ ⵎⴰⴷ ⵉⵙⴽⵔ ⴳ ⵜⵏⴰⴹⵜ ⵏⵏⵙ ⵢⴰⵙⵉⵏ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ ⴳ ⵍⴱⴷⵓ ⵏ ⵡⴰⵢⵢⵓⵔ ⴰⴷ .

ⵉⵙⴷⴷⵉⴷ ⵎⴰⵙⵙ ⴳⵓⵜⵉⵔⵉⵛ ⴳ ⵜⵏⴰⴹⵜ ⵏⵏⵙ ⵎⴰⵙ ⵜⵎⵙⴰⵔⵜ ⵏ ⵙⵚⵃⵕⴰ ⵜⴰⵎⵖⵔⴰⴱⵉⵜ ⵜⵖⵓⵔⵉ ⵜⵎⵜⵜⴰ ⵢⵎⴰⵏ ⵎⴰⵢⴰⴷ ⵉⴳⴰⵏ ⵜⵎⵙⴰⵔⵜ ⵉⵣⵍⵉⵏ ⵏ ⵙⵙⵍⴰⵎⵜ ⴷ ⵜⵏⴼⵔⵓⵜ ⴰⵎⵎ ⵓⵎⵏⵣⴰⵖ ⴰⵙⴳⵡⴰⵏ ⵉⵙⵉⴷⴼ ⴳ ⵍⴱⵓⵏⴷ ⵡⵉⵙⵙ ⵚⴹⵉⵚ ⵏ ⵜⵎⵜⵜⴰⵏⵜ ⵏ ⵜⵎⵜⵜⴰ ⵢⵎⴰⵏⵏ ⵉⵣⵍⵉⵏ ⵙ ⵓⵙⴼⵙⵙⴰⵢ ⵓⵎⵏⵣⴰⵖ .

ⵉⵣⵎⵎⴻⵎ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴳ ⵜⴽⵍⵉⵜ ⵢⴰⴹⵏⵉⵏ ⵎⴰⵙ ⵓⴼⵙⵙⴰⵢ ⵏ ⵓⵇⵇⵏ ⵏ ⵓⵎⵏⵣⴰⵖ ⴰⵙⴳⵡⴰⵏ ⵅⴼ ⵚⵚⵃⵕⴰ ⵜⴰⵎⵖⵔⴰⴱⵉⵜ ⵓⵔ ⵉⵥⴹⴰⵕ ⴰⴷ ⵢⵉⵍⵉ ⵖⴰⵙ ⴰⵙⵔⵜⴰⵏ ⵏ ⵉⵍⴰⵡ ⴷ ⵓⵎⵙⴽⴰⵔ ⴷ ⵓⵎⵖⵍⴰⵍ ⴷ ⵓⵎⵙⴰⵙⴰ ⵖⴼⵙ ⵖⵉⴽ ⵏ ⵜⵖⴰⵔⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ (2440,2468, 2494,2548) ⵉⵙⵎⴰⵢⵏⴰ ⵎⴰⵙⵙ ⴳⵓⵜⵉⵔⵉⵛ ⵏ ⵓⵙⴷⴷⵉⴷ ⵏ ⵓⵎⴰⴹⴰⵍ ⵉⵇⵇⵏ ⵏ ⵜⵖⴰⵡⴰⵙⵉⵡⵉⵏ ⵓⴳⴳⵔ ⵏ ⵓⵏⵏⴰⵍ ⵙⴳ ⴷⴷⵣⴰⵢⵔ ⴷ "ⵍⴱⵓⵍⵉⵣⴰⵔⵢⵓ" ⵙⵍⴰⵡⵏ ⴰⴽⴽⵯ ⵏ ⵍⵉⵙⵜⵉⴼⵜⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B4%B0-%E2%B5%89%E2%B5%99%E2%B5%89%E2%B5%A1%E2%B5%8D-%E2%B5%93%E2%B5%8F%E2%B4%BC%E2%B5%8D%E2%B5%93%E2%B5%99-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%85%E2%B4%BC-%E2%B5%9C%E2%B5%89%E2%B5%95%E2%B5%A5%E2%B5%89%E2%B5%9C%E2%B5%89%E2%B5%8F-%E2%B4%B7-%E2%B5%9C%E2%B4%BD%E2%B5%94%E2%B4%BD%E2%B4%B0%E2%B5%99-%E2%B5%8F-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B4%B7