ⵜⴼⴼⴰⵖⴷ ⵜⵢⴰⴼⵓⵜ ⴰⴷ ⵙⴳ ⵓⴷⵔⴰⵡ ⵏ ⵍⵎⵖⵔⵉⴱ ⴳ ⵓⴼⵙⴰⵔ ⵏ 2020 ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵖⵔⵎⵜ ⵏ ⴷⵓⴱⴰⵢ.
ⴰⵡⵜⵜⴰⵙ ⵏ ⵓⵡⴰⵏⴽ ⴰⵎⵖⵔⵉⴱⵉ ⵙⴳ ⵜⵓⴷⵎⴰⵡⴰⵏⵜ ⴰⴷ ⵜⴰⵎⴰⵢⵏⵓⵜ ⴰⴼⴰⴷ ⴰⴷ ⴳⵉⵙ ⵉⵜⵜⵉⵍⵉ ⵓⵏⴰⵣⴰⵕ ⴳⵔ ⵉⵎⵙⵙⵔⵓⵜⵏ ⵙ ⵜⵣⵎⵎⴰⵔ ⴷⵓⵙⵏⵉⵏ ⵏⵏⴰ ⵔⴰⴷ ⵉⵙⴽⵔ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵉ ⵜⴷⵎⵙⴰ ⵏ ⵍⵎⵖⵔⵉⴱ.
ⵎⴽ ⵍⵍⵉ ⵉⴳⴰ ⵓⵡⵜⵜⴰⵙ ⵏ ⵜⵙⵏⵜⴰⵢⵜ ⴰⴷ ⴰⴷ ⵜⵙⵙⴱⵖⵕ ⴰⴷⴷⵓⵔ ⴷ ⵓⴷⵖⴰⵔ ⵏ ⵜⵎⴰⵣⵉⵔⵜ ⵏⵏⵖ ⴰⴼⴰⴷ ⴰⴷ ⵜⴳ ⵢⴰⵜ ⵜⵍⴳⴳⵯⵉⵜ ⵜⴰⵎⴳⵓⵔⴰⵢⵜ ⴰⴼⴰⴷ ⴰⴷ ⵉⵙⴷⵓⵙ ⴰⵙⵙⴼⵓⵖ ⵏ ⵜⵢⴰⴼⵓⵜⵉⵏ ⵙ ⴱⵕⵕⴰ, ⵉⴳ ⴰⵡⴷ ⵓⵡⵜⵜⴰⵙ ⴰⴷ ⵉⵙⴽⵔ ⵢⴰⵜ ⵜⵖⴰⵔⴰⵙⵜ ⵉⵀⵉⵢⵢⴰⵏ ⵉⵃⴰⵕⵕⵓⵏ ⵏ ⵓⵙⵙⴼⴰⵖ ⵏ ⵜⵖⴰⵡⵙⵉⵡⵉⵏ ⵜⵉⵎⴳⵓⵔⴰⵢⵉⵏ ⵙ ⵜⵎⵉⵣⴰⵔ ⵏ ⴱⵕⵕⴰ.
ⵙⴳ ⵙⵉⵎⵔⴰⵡ ⵏ ⵓⵙⴳⴳⵯⴰⵙ ⵏⵏⴰ ⵉⵣⵔⵉⵏ, ⴷ ⵜⵡⵉⵙⵉ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ,ⵉⵍⵍⴰ ⵡⴰⴷⴷⵓⵔ ⴰⵎⴳⵓⵔⴰⵢ ⵏ ⵍⵎⵖⵔⵉⴱ ⴳ ⵜⵙⴽⴼⵍⵜ ⴰⵎⵣⵡⴰⵔⵓ ⴳ ⵉⴳⵔ ⵏ ⵜⵙⴱⴱⴰⴱⵜ ⴷ ⵡⴰⵙⵙⴰⵢ, ⴰⵢⴰⴷ ⴰⴷ ⵜ ⵢⵓⵊⵊⴰⵏ ⴰⴷ ⵉⴽⵛⵎ ⴰⵏⴰⵣⴰⵕ ⵏ ⵓⵍⵓⵢ ⴷ ⵓⴱⵓⵖⵍⵓ ⴰⵎⴳⵓⵔⴰⵢ,ⵎⴽⵍⵍⵉ ⵉⵍⵍⴰ ⵓⵙⵔⵙⵉⵡ ⵏ ⵜⵖⵔⵎⵜ ⵏ ⵟⴰⵏⵊⴰ ⴰⵏⴰⵎⵎⴰⵙ ⴳ ⵜⵙⴽⴼⵍⵜ ⵜⴰⵎⵣⵡⴰⵔⵓⵜ ⴳ ⵉⴳⵔ ⵏ ⵓⵙⵎⵎⵣⴷⵉ ⵉⵍⵍⴰⵏ ⴳ ⵓⵙⵡⵉⵔ ⴰⴼⵔⵉⵇⵉ ⴷ ⵓⴳⵎⵎⴰⴹ ⵏ ⵉⵍⵍ ⴰⵎⵍⵍⴰⵍ ⴰⵏⴰⵎⵎⴰⵙ, ⵢⵉⵍⵉ ⴳ ⵜⵙⴽⴼⵍⵜ ⵜⵉⵙⵙ ⵙⵉⵎⵔⴰⵡⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.
ⵎⴽ ⵏⵏⴰ ⵉⴱⵓⵖⵍⴰ ⵉⴳⵔ ⵏ ⵓⵙⴽⴽⵉⵔ ⵏ ⵜⵀⵉⵔⵔⵉⵜⵉⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵙⴽⵔ ⵢⴰⵏ ⵓⵍⵓⵢ ⴰⴳⵔⴰⵖⵍⴰⵏ, ⵎⴰ ⴰⵏⵏ ⴰⴷ ⵢⵉⵡⵙⵏ ⴳ ⵓⵙⴱⵓⵖⵍⵓ ⵏ ⵉⴼⴰⵔⵙⵏ ⴳ ⵉⴳⵔ ⴰⴷ ,ⵍⵍⵉⵖ ⵜⵓⵍⵉ ⵙ ⵎⴰⴷ ⵢⵓⵜⵉⵏ 15 ⵏ ⵎⵍⵢⴰⵕ ⵓⵕⵓ ⴳⵔ ⵉⵙⴳⴳⵯⴰⵙⵏ 2010 ⴷ 2019.
ⴳ ⵓⵎⵏⵉⴷ ⵢⴰⴷⵏ ⵍⵍⴰⵏ ⴽⵉⴳⴰⵏ ⵏ ⵉⵙⵏⴼⵍⵏ ⴳ ⵜⵎⴷⵙⴰ ⵜⴰⴳⵔⴰⵖⵍⴰⵏⵜ ⵏⵏⴰ ⵉⵎⵙⴰⵙⴰⵏ ⵉⵎⵎⴹⴼⴰⵕⵏ ⴷ ⵉⵙⵏⴼⴰⵍ ⵏ ⵓⵏⵣⵡⵉ ⵏⵏⴰ ⵉⵍⵍⴰⵏ ⵉⵙⴳⴳⵯⴰⵙⵏ ⴰⴷ ⵣⵔⵉⵏⵉⵏ , ⴰⵡⴷ ⴷ ⵉⵙⵍⴳⴰⵏⵏ ⵉⵎⴰⵢⵏⵓⵜⵏ ⴳ ⵓⵎⴰⴹⴰⵍ ⴰⴽⴽⵯ ⵎⴰ ⴰⵏⵏ ⴰⴼⴷ ⵉⵇⵇⴰⵏ ⵓⴼⴰⵔⵙ ⵏⵏⴰ ⴳ ⵓⵔ ⵉⵍⵍⵉ ⵍⴽⵔⴱⵓⵏ.
ⴰⵡⴷ ⵜⴰⵙⵙⴰⵙⵜ ⵏ ⴽⵓⴱⵉⴷ 19 ⵜⵉⵡⵙ ⴳ ⵓⵙⵏⵎⴰⵍⴰ ⴷ ⵓⵙⴳⵉⴷⴷⵉ ⵏ ⵓⴼⴰⵔⵙ ⴰⴳⵔⴰⵖⵍⴰⵏ, ⵜⵙⴱⵓⵖⵍⴰ ⴰⵡⴷ ⴰⵎⵢⴰⴷⴰⵙ ⴰⵏⵎⵏⴰⴹ.
ⴳ ⵓⵎⵏⵉⴷ ⴰⴷ ⵏⵉⵜ ⵜⴳⴰ ⵜⵎⴰⵜⴰⵔⵜ ⵜⴰⵎⴰⵢⵏⵓⵜ ⵏ ⵍⵎⵖⵔⵉⴱ ⵎⵓⵕⵕⵓⴽⵓ ⵏⴰⵡ ⵢⴰⵜ ⵜⵍⴳⴳⵉⵜ ⵜⴰⴷⵎⵙⴰⵏⵜ ⵏⵏⴰ ⵔⴰⴷ ⵉⵙⴳⵉⴷⴷⵉ ⵉⵙⵙⵓⵜⵓⵔⵏ ⵏ ⵉⵎⴰⵍ, ⴰⴼⴰⴷ ⴰⴷ ⵜⵉⴹⴼⵓⵕ ⵉⵙⵏⴼⴰⵍ ⵉⵎⴰⴷⵍⴰⵏⵏ ⵏⵏⴰ ⵉⵍⵍⴰⵏ, ⵎⴰ ⴰⴷ ⴰⴷ ⵉⵙⴽⵔⵏ ⴳ ⵍⵎⵖⵔⵉⴱ ⵢⴰⵏ ⵓⵎⵏⴰⴷ ⴳ ⵜⵍⵍⴰ ⵜⴼⵍⵙⵜ ⵜⴰⴷⵍⵙⴰⵏⵜ ⵏⵏⴰ ⴷ ⴷⴰⵔ ⵜⵉⵣⵎⵎⴰⵔ ⴷⵓⵙⵏⵉⵏ ⴳⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵉⴳⵔ ⵏ ⵓⵙⵙⴰⵔⵓ ⴷ ⵓⵙⵙⵓⴼⵖ ⵏ ⵜⵢⴰⴼⵓⵜⵉⵏ ⵜⵉⵎⴳⵓⵔⴰⵢⵉⵏ.