ⵉⵥⴹⵕ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴳ ⵓⴳⵏⴰⵔ ⵏ ⵉⵙⴳⴳⵯⴰⵙⵏ ⵉⵣⵔⵉⵏ ⴰⴷ ⵉⴳ ⵓⴳⵊⴷⵉ ⴰⵙⵖⵓⵍ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⴰⵎⴰⴹⵍⴰⵏ (ⵎⴰⵙⵙ ⴱⵓⴽⵓⵙ)

14 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵉⵏⵏⴰ ⵡⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰⵙⵙ ⵃⵎⴰⴷ ⴱⵓⴽⵓⵙ, ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ, ⵎⴰⵙ ⵉⵥⴹⵕ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴳ ⵓⴳⵏⴰⵔ ⵏ ⵉⵙⴳⴳⴰⵙⵏ ⵉⵣⵔⵉⵏ ⴰⴷ ⵉⴳ ⵓⴳⵊⴷⵉ ⴰⵙⵖⵓⵍ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⴰⵎⴰⴹⵍⴰⵏ ⴳ ⵎⵛⵜⴰ ⵏ ⵉⵏⵙⴰⵏ ⵏ ⵜⵎⴰⵣⵉⵖⵜ.

ⵉⴼⵔⴰ ⵢⵏⵏⴰ ⵎⴰⵙⵙ ⴱⵓⴽⵓⵙ, ⴳ ⵢⴰⵜ ⵜⵙⴳⵓⵔⵉ ⵍⵍⵉ ⵢⵜⵜⵓⵙⵏⵎⴰⵍⴰⵏ ⵓⵙⵉⵏⴰⴳ ⵏ ⵓⵙⴼⵓⴳⵍⵓ ⵏ ⵓⵙⵙⴽⵜⵉ ⵡⵉⵙⵙ ⵓⴳⵏⴰⵔ ⵏ ⵉⵏⴰⵡ ⵢⴰⵜⵜⵓⵢⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⵊⴷⵉⵔ ⴳ ⵜⵙⴳⴰ ⵏ ⵅⵏⵉⴼⵕⴰ ⴰⵙⵙ 17 ⴽⵟⵓⴱⵕ 2001, ⴷ ⴰⵙⵙⵓⴼⵖ ⵏ ⵓⵙⵉⵏⴰⴳ ⴷⴷⵓ ⵏ ⵓⴱⵓⵔⵣ "ⴰⴳⵏⴰⵔ ⵏ ⵉⵙⴳⴳⵯⴰⵙⵏ ⵏ ⵓⵙⵙⵎⵔⵙⵍ ⵏ ⵓⵙⵉⵍⵉⵢ ⵏ ⵜⵎⴰⵣⵉⵖⵜ: ⴰⵣⴰⵣⴰ ⴷ ⵉⵎⵏⵉⴷⵏ" ⵎⴰⵙ ⵓⵙⵉⵏⴰⴳ ⵉⵥⴷⵕ ⴰⴷ ⵉⵍⴽⵎ ⴰⵏⵙⴰ ⵢⴰⴷ ⵙ ⵉⴳⴰⵍⵓⴼⵏ ⵏ ⵓⵔⵣⵣⵓ ⴷ ⵉⵎⵙⵙⵜⴳⴰⵔⵏ ⵏ ⵓⵙⵉⵏⴰⴳ.

ⵉⵙⵓⵍ ⵉⵏⵏⴰ ⵎⴰⵙ ⵉⵣⴹⵕ ⵓⵙⵉⵏⴰⴳ ⴰⴷ ⵉⵙⴽⵔ ⵎⵏⵏⴰⵡ ⵏ ⵓⵙⴽⵔⵉⵏ ⵓⵍⴰ ⵜⴼⵉⴼⵖⵏ ⵖⵓⵔⵙⵏ ⵜⵖⵔⴰ ⴳ ⵉⵎⴰⵙⵙⵏ ⵉⵏⴼⴳⴰⵏⵉⵏ ⴷ ⵉⵏⴰⵎⵓⵏⵉⵏ ⴳ ⵉⴳⵔ ⵏ ⵓⵎⵣⵔⵓⵢ ⴷ ⵜⵙⴽⵍⴰ ⴷ ⵓⵙⵖⵔⵜ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⴷ ⵓⵣⵔⵉⴳ ⵏ ⵜⴼⵉⵏⴰⵖ, ⴷ ⵜⵙⵏⵙⵉⵏ ⵜⵉⵙⵎⴹⵓⵏ ⵏ ⵜⵓⵜⵍⴰⵢⵜ ⴰⴷ, ⵓⵍⴰ ⵜⵙⵖⵓⵍⵜ, ⵎⴰ ⵢⴰⴷ ⵉⴷⵔⴰⵏ ⴳ ⵓⴳⵍⵉ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴷ ⵓⵕⵥⵥⵓⵎ ⵏⵏⵙ ⵅⴼ ⵜⴷⵍⵙⴰⵏⵉⵏ ⵜⵉⴳⵔⴰⵖⵍⴰⵏⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%A5%E2%B4%B9%E2%B5%95-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%93%E2%B4%B3%E2%B5%8F%E2%B4%B0%E2%B5%94-%E2%B5%8F-%E2%B5%89%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99%E2%B5%8F-%E2%B5%89%E2%B5%A3%E2%B5%94%E2%B5%89%E2%B5%8F-%E2%B4%B0%E2%B4%B7-%E2%B5%89%E2%B4%B3-%E2%B5%93%E2%B4%B3%E2%B5%8A%E2%B4%B7%E2%B5%89-%E2%B4%B0%E2%B5%99%E2%B5%96%E2%B5%93%E2%B5%8D-%E2%B4%B3