ⵉⵙⴷⴷⵉⴷ ⵓⵙⵇⵇⵉⵎ ⴰⵎⵙⴽⴰⵔ ⵏ ⵍⵢⵓⵏⵉⵙⴽⵓ ⴰⵍⵍⴰⵙ ⵏ ⵓⵙⵜⴰⵢ ⵏ ⵓⴷⵔⵉ ⴰⵣⵓⵍⴰⵢ ⵜⴰⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⵙⵓⴷⵙ

14 ⴽⵟⵓⴱⵕ 2021 Version Imprimable

ⴱⴰⵔⵉⵣ - ⵉⵎⵙⴰⵙⴰ ⵓⵙⵇⵇⵉⵎ ⴰⵎⵙⴽⴰⵔ ⵏ ⵍⵢⵓⵏⵉⵙⴽⵓ ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⵙ ⵜⵓⴳⵜ ⵜⴰⵎⵇⵕⴰⵏⵜ ⴰⵙⵎⴰⵢⵏⵓ ⵏ ⵓⵙⵜⴰⵢ ⵏ ⵜⴼⵔⴰⵏⵚⵉⵚⵜ ⵓⴷⵔⵉ ⴰⵣⵓⵍⴰⵢ ⵜⴰⵎⵙⴽⴰⴷⵜ ⵜⴰⵎⵢⵉⵡⴰⵏⵜ ⵏ ⵓⵏⵙⴰ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵓⴷⵙ .

ⵉⵖⵜⵙ ⵓⵙⵇⵇⵉⵎ ⴰⵎⵙⴽⴰⵔ ⵉⵍⵍⴰ ⴳⵉⵙ 58 ⵓⵏⴳⵎⴰⵎⴰ ⴰⴷ ⵢⴰⵙⵉ " ⴰⵙⵖⵍⴼ" ⵏ ⵜⵎⵙⴽⴰⴷⵜ ⵏⵏⵙ ⵉ ⵡⴳⵔⴰⵡ ⵏ ⵓⵙⵓⴷⵓⵙ ⵏ ⵜⵎⵜⵜⴰ ⵢⵎⴰⵏ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⴰⵎⴰⵙⵙⵏ ⵍⵍⵉ ⵔⴰⴷ ⵉⵙⵔⵙ ⵏ ⵓⵙⵜⴰⵢ ⵏⵏⵙ ⴰⵎⴰⴷⴷⵓⴷ ⴳ ⵜⵉⵖⵉⵎⵉⵜ ⵏⵏⵙ ⵉⵎⴰⵏ ⴳⵔ 9ⴷ 24 ⵏⵡⴰⵏⴱⵉⵔ ⴳ ⴱⴰⵔⵉⵣ.

ⵜⵓⵎⵣ ⴰⵣⵓⵍⴰⵢ 55 ⵙⴳ 57 ⴰⴳⵕⴹ ⴷ ⵓⵔ ⵏⵉⵏ ⵙⵉⵏ ⵛⴰ ⵎⴰⵢⴰⴷ ⵉⵏⵏⴰ ⵢⴰⵏ ⵓⵙⴰⴳⵎ ⴳ ⵍⵢⵓⵏⵉⵙⴽⵓ ⵎⴰⵙ "ⵉⴳⴰ ⴰⵎⵣⵔⵓⵢ" ⴳ ⵓⵎⵎⴰⵙ ⵏ ⵓⵟⵟⵓⵏ ⵏ ⵉⴳⵕⴹ ⵍⵍⵉ ⵜⵓⵎⵣ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⵣⵎⵣ ⵉⵇⵇⵏ ⴷ ⵓⵣⵎⵣ ⴷ ⵓⵔ ⵉⵍⵉ ⴽⵔⴰ ⵢⴳⴰⵜ ⴰⵎⵏⵣⴰⵖ .

ⵜⵜⵓⵙⵜⴰ ⵓⴷⵔⵉ ⴰⵣⵓⵍⴰⵢ ⴳ ⵏⵡⴰⵏⴱⵉⵔ 2017 ⵏ ⵓⵣⵎⵣ ⴰⵎⵣⵡⴰⵔⵓ ⴷⴼⴼⵉⵔ ⵍⵍⵉⵖ ⵜⴳⴰ ⵜⵎⴰⵡⴰⵙⵜ ⵏ ⵜⴷⵍⵙⴰ ⴳ ⵜⵏⴱⴰⴹⵜ ⵏ ⵓⵏⵙⵙⵉⵅⴼ ⵏ ⴰⵙⵔⵎⵓⵏ ⴼⵔⵓⵏⵚⵡⴰ ⵀⵓⵍⵓⵏⴷ ⴷ ⵉⵇⵇⵉⵎⴰ ⵉⵏⵙⵉⵅⴼⵏ ⵉⵎⵜⴰⵢⵏ ⴰⵍⵍⴰⵙ ⴳ ⵉⵅⴼ ⵏ ⵜⵡⵓⵔⵉⵉⵡⵏ ⵏⵏⵙ ⵏ ⵎⵏⵏⴰⵡ ⵉⵣⵎⵣⵏ .

ⵜⵓⵎⵣ ⴰⵣⵓⵍⴰⵢ ⵙⴳ ⴽⴽⵓⵣ ⵏ ⵉⵙⴳⴳⵯⴰⵙⵏ ⵜⵏⵙⵙⵉⵅⴼⵜ ⵏ ⵓⵙⴷⵓⵙ ⵜⴷⵔⴰ ⴳ ⵉⵙⴳⴳⵯⴰⵙⵏ ⵉⴳⴳⵯⵔⴰⵏ ⴳ ⵎⵏⵏⴰⵡⵜ ⵏ ⵉⵙⵜⴰⵢⵏ ⵉⴳⵍⵏ ⴰⵎⵎⴰ ⴰⵍⴰⵍⵙ ⵏ ⵜⵓⵚⴽⴰ ⵏ ⵍⵎⴰⵡⵚⵉⵍ ⴷ ⵓⵙⵎⵏⵉⴷ ⵏ ⵜⵡⵙⵉ ⵏ ⵓⵢⴷⴰ ⵏ ⵍⵓⴱⵏⴰⵏ ⴷⴼⴼⵉⵔ ⵏ ⵓⵟⵟⵉⵇⵙ ⵏ ⵓⴼⵜⴰⵙ ⵏ ⴱⴰⵢⵔⵓⵜ ⴷ ⵓⵎⵎⴰⵣ ⵏ ⵉⵎⴰⴽⵏ ⵏ ⵓⵙⴱⵖⵓⵔ ⵏ ⵓⵙⵍⵎⴰⴷ ⴳ ⵓⵎⵎⴰⵙ ⵏ ⵓⴰⴱⴰⵢⵢⵓⵕ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B5%99%E2%B4%BD%E2%B4%B0%E2%B5%94-%E2%B5%8F-%E2%B5%8D%E2%B5%A2%E2%B5%93%E2%B5%8F%E2%B5%89%E2%B5%99%E2%B4%BD%E2%B5%93-%E2%B4%B0%E2%B5%8D%E2%B5%8D%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%9C%E2%B4%B0%E2%B5%A2-%E2%B5%8F-%E2%B5%93%E2%B4%B7%E2%B5%94%E2%B5%89-%E2%B4%B0%E2%B5%A3%E2%B5%93%E2%B5%8D%E2%B4%B0%E2%B5%A2-%E2%B5%9C%E2%B4%B0%E2%B5%8E%E2%B5%80%E2%B4%B0%E2%B5%8D%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B5%8F